სიახლე 

ფოთელი სამბისტის წარმატება 29 11 18

ივი ნადარეიშვილი, საქართველოში მსოფლიო ჩემპიონატიდან ბრინჯაოს მედლით დაბრუნდა. 2018 წლის მსოფლიო ჩემპიონატზე ჭიდაობა-სამბოში, რომელიც რუმინეთის ქალაქ ბუქარესტში გაიმართა, ფოთელმა მოჭიდავემ 52 კგ წონით კატეგორიაში ოთხჯერ იასპარეზა და მესამე საპრიზო ადგილი მოიპოვა. მსოფლიო ჩემპიონატზე, ქართველმა სამბისტებმა წარმატებით იასპარეზეს და ჯამში 8 მედალი მოიპოვეს. გივო ნადარეიშვილი ზაფხულის ევროპული თამაშებისთვის, აქტიურად ემზადება. სადაც ჭიდაობა-სამბო პირველად იღებს მონაწილეობას

იხილე მეტი
სიახლე 

ფოთის ნავსადგურში პროგრამა „ინპორტი“ დასრულდა 29 11 18

კორპორაცია ფოთის საზღვაო ნავსადგურში, მეორე წელია ტალანტების მოზიდვისა და განვითარების პროგრამა ,,ინპორტი” წარმატებით მიმდინარეობს. პროგრამა საერთაშორისო ცოდნისა და გამოცდილების მქონე პროფესიონალების მომზადებას ისახავს მიზნად. პროგრამაში სხვადასხვა პროფესიის მქონე 12 ადამიანი ჩაერთო. მონაწილეებმა ფოთის საზღვაო ნავსადგურში ხუთთვიანი ანაზღაურებადი სტაჟირება გაიარეს, რომელიც ორი – თეორიული და პრაქტიკული მოდულისგან შედგებოდა. ორგანიზატორების განცხადებით, შარშან პროექტში 14 მონაწილე ჩაერთო და მათგან 8 ნავსადგურში დასაქმდა. წლევანდელი პროექტიდან კი სავარაუდოდ მონაწილეების 80-90% დასაქმდება.  

იხილე მეტი
სიახლე 

ფოთელი სტუდენტების საქველმოქმედო აქცია 29 11 18

ფოთში, რამდენიმე დღის წინ ათონელის ორ ნომერში ავტოსამრეცხაო გაიხსნა. როგორც სამრეცხაოს მეპატრონე აცხადებს, რომ ყოველი თვის ბოლოს, შემოსავლის 8%-ით სოციალურად დაუცველ პირს დაეხმარებიან. ინიციატივა, ხუთ სტუდენტს ეკუთვნის, რომლებიც ბათუმის საზღვაო აკადემიაში სწავლობენ. მათი სლოგანია-“შანსი ახალგაზრდებს”. პირველი ოჯახი, რომელსაც დაეხმარებიან ახალგაზრდებს უკვე შერჩეული ჰყავთ და მას 2019 წლის დადგომამდე საჩუქრებით ესტუმრებიან.

იხილე მეტი
სიახლე 

ფოთის საკრებულოს თავმჯდომარე არჩევნებს აფასებს 28 11 18

საპრეზიდენტო არჩევნების მეორე ტური დასრულდა. ეგზიტპოლების წინასწარი მონაცემების საფუძველზე, “ქართული ოცნების” წარმომადგენლებმა ქალაქის ქუჩებში ავტომობილებით მსვლელობა მოაწყვეს. დღის ბოლოს, ფოთის საკრებულოს თავმჯდომარემ, ირაკლი კაკულიამ არჩევნები შეაფასა. მისი თქმით, ფოთელმა ამომრჩეველმა სწორი გადაწყვეტილება მიიღო და არჩევანი ევროპულ განვითარებასა და ადამიანის უფლებების გათელვას შორის გააკეთა. დღეს საქართველოს პრეზიდენტი, პირდაპირი წესით ბოლოჯერ აირჩიეს.

იხილე მეტი
სიახლე 

ფოთში არჩევნებში 22 447 ადამიანმა მიიღო მონაწილეობა 28 11 18

70-ე საოლქო საარჩევნო კომისიის 20:00 საათის მონაცემებით, ფოთში სულ 22 447 ამომრჩეველმა მიიღო მონაწილეობა, რაც საერთო მაჩვენებლის 54,19% -ია. ფოთის საოლქო კომისიის თავმჯდომარის, სალომე როდონაიას განცხადებით , 32-ვე უბანი ზუსტად 20:00 საათზე ერთდროულად დაიხურა. საოლქოში სულ 9 საჩივარი შევიდა, უბნებზე კი 14 საჩივარი დაიწერა, რომლებიც ძირითადად საპროცედურო საკითხებს ეხება. ფოთში სულ 41 421 ამომრჩეველია რეგისტრირებული. არჩევნების მეორე ტურში მათი რიცხვი 69-ით გაიზარდა.

იხილე მეტი
სიახლე 

ფოთში საარჩევნო უბნები დაიხურა 28 11 18

ფოთში, საპრეზიდენტო არჩევნების მეორე ტური დასრულდა. საარჩევნო უბნები ზუსტად 20 საათზე დაიხურა. N1-ი სარჩევნო უბნის თავმჯდომარის, ზაზა ღადუას თქმით არჩევნები მთელი დღის მანიძილზე მშვიდ ვითარებაში მიმდინარეობდა. მისივე თქმით, საარჩევნო სიაში 1 421 ამომრჩეველი არის რეგისტრირებული, მათგან 789- ამომრჩეველმა მიიღო მონაწილეობა. მათ შორის 432 ქალი, ხოლო 356 კაცი ამომრჩეველია.

იხილე მეტი
სიახლე 

ხმაური ფოთის მე-7 საარჩევნო უბანზე 28 11 18

ფოთის მე-7 საარჩევნო უბანზე საარჩევნო პროცესი, რამდენიმე წუთით შეწყდა. მიზეზი, ოპოზიციისა და „ქართული ოცნების“ წარმომადგენლებს შორის სიტყვიერი დაპირისპირება იყო. „ნაციონალური მოძრაობის“ წევრის, ელმირა სიჭინავას განცხადებით, როდესაც დარღვევის შესახებ საჩივარი დაწერა, უბნიდან მის გაძევებას ცდილობდნენ. როგორც ის ამბობს, აღნიშნულ უბანზე დილიდან ,,ქართული ოცნების“ წარმომადგენელი იმყოფება და აკვირდება ბიულეტენებს, თუ ვის სასარგებლოდ აკეთებს კონკრეტული ამომრჩეველი არჩევანს. მე -7 საარჩევნო უბანზე ამ ფაქტს უარყოფენ და ამბობენ, რომ ხმაური დამკვირვებლებს შორის კამათმა გამოწვია. „სერიოზული სახის ინციდენტს არ ჰქონია ადგილი. დამკვირველებს შორის იყო უთანხმოება,რომლებიც ხმამაღლა კამათობდნენ. მივეცი შენიშვნა, რადგან საარჩევნო პროცესი შეჩერდა რამოდენიმე წუთით. დაწერეს…

იხილე მეტი
სიახლე 

ფოთის მე-3 საარჩევნო უბანზე არცერთი საჩივარი არ დაწერილა 28 11 18

ფოთის მე-3 საარჩევნო უბანზე,5 საათის მონაცემებით ამომრჩევლთა ნახევარი პროცენტი დაფიქსირდა. უბნის თავმჯდომარის,ელისო ციცქარავას განცხადებით ამ დრომდე არცერთი საჩივარი არ დაწერილა და არჩევნები მშვიდ ვითარებაში მიმდინარეობს.

იხილე მეტი
სიახლე 

ფოთის საოლქოს 5 საათის მონაცემები 28 11 18

ფოთის 70-ე საოლქო საარჩევნო კომისიის ინფორმაციით, 5 საათის მონაცემებით არჩევნებში 19 738 მოქალაქემ მიიღო მონაწილეობა, რაც საერთო ამომრჩევლის 47,65%-ია. „რაც შეეხება საჩივრებს, ამ დროისთვის საოლქოში შემოსულია 8 საჩივარი, ხოლო უბნებზე არის 13 საჩივარი. ესენი ძირითადად პროცედურულ დარღვევებს ეხება. საჩივრების გარკვეული ნაწილი აღმოფხვრილია ადგილზე. დანარჩენებთან დაკავშირებით კი საოლქო კომისია შემდეგ იმსჯელებს“ განაცხადა  70-ე საოლქო საარჩევნო კომისიის თავმჯდომარემ, სალომე როდონაიამ.

იხილე მეტი
სიახლე 

ხმაური იყო ფოთის მე-17 უბანზე 28 11 18

ფოთის მე- 17 საარჩევნო უბანზე ხმაური იყო. ხმის მისაცემად მისულ ამომრჩევლთა გარკვეულ ნაწილს განუცხადეს, რომ მათ ხელზე მარკირების სითხე დაუფიქსირდათ და ხმას ვერ მისცემდნენ. ამომრჩევლები კი ირწმუნებოდნენ, რომ არჩევანის გასაკეთებლად პირველად მივიდნენ. მოგვიანებით გაირკვა, რომ მარკირების ფანარი იყო მწყობრიდან გამოსული. ოპოზიციის განცხადებით, მმართველი პარტია ამ გზით, ოპოზიციის მხარდამჭერების დაბლოკვას ცდილობს. ფოთის 70-ე საოლქო საარჩევნო კომისიაში განაცხადეს,რომ ინციდენტი მარკირების აპარატის მწყობრიდან გამოსვლამ გამოიწვია, რაც დროულად იქნა აღმოფხვრილი.

იხილე მეტი