სიახლე 

ფოთში, ბზობის დრესასწაული აღნიშნეს 21 04 19

მართლმადიდებელმა ეკლესიამ დიდმარხვის მეექვსე კვირა დღე – მაცხოვრის იერუსალიმში დიდებით შესვლა – ბზობა იზეიმა. მაცხოვრის მიძინების სახელობის საკათედრო ტაძარში ბზობის დღესასწაულთან დაკავშირებით ფოთისა და ხობის მიტროპოლიტმა გრიგოლმა წირვა-ლოცვა აღავლინა. მეუფემ მრევლს ბზობის დღესასწაული მიულოცა და ქადაგებისას აღნიშნა, რომ არსებული სინამდვილე გვიჩვენებს, რომ ჩვენს საზოგადოებაში იგრძნობა ცოცხალი რწმენის უკმარისობა და ზნეობრივი კრიტერიუმების გაუფასურება. ბზობა 12 მოძრავ დღესასწაულთა შორის რიგით პირველი დღესასწაულია, რომელიც ყოველთვის ბრწყინვალე აღდგომის წინა კვირა დღეს ემთხვევა.

იხილე მეტი
სიახლე 

ფოთის საჭადრაკო კლუბში III, IV და V თანრიგის მოსაპოვებლად ტურნირი ჩატარდა 22 04 19

ფოთის ნანა ალექსანდრიას საჭადრაკო კლუბში, საკვალიფიკაციო ტურნირები III, IV, V თანრიგზე ჩატარდა. ტურნირი გოგონათა და ვაჟთა შორის მიმდინარეობდა, სადაც ფოთელ მოჭადრაკეებთან ერთად სხვადასხვა რაიონის საჭადრაკო სკოლის 85 მოსწავლე მონაწილეობდა. ფოთელმა მოჭადრაკეებმა მესამე თანრიგზე საპრიზო ადგილები გადაინაწილეს . პირველი ადგილი დემეტრე კაკულიამ მოიპოვა, მეორე ადგილი ანა სანიკიძემ, მესამე ადგილი ბარბარე კულუამ დაიკავა. მეოთხე თანრიგზე კი მესამე ადგილის მფლობელი საბა მურვანიძე გახდა.

იხილე მეტი
სიახლე 

ფოთში საქართველოს თასის გათმაშების პირველი ეტაპი ნიჩბოსნობაში დასრულდა 22 04 19

ფოთში, საქართველოს ნიჩბოსნობის ეროვნული ფედერაციის ორგანიზებით, მდ. კაპარჭაზე, საქართველოს თასის გათამაშების პირველი ეტაპი დასრულდა. შეჯიბრი ორი დღის მანძილზე მიმდინარეობდა, სადაც გოგონათა და ვაჟთა გუნდები 1000მ., 1500მ. და 2000მ დისტანციაზე ასპარეზობდნენ. საქართველოს თასის პირველი ეტაპის გათამაშებაში, ქუთაისის, მცხეთის, აბაშისა და ფოთის სპორტული კლუბები „მალთაყვა”, „კოლხა-2016“ და „კაიაკი“-ს 50-მდე სპორტსმენი მონაწილეობდა. საბოლოოდ ფოთელებმა შეჯიბრში, ვაჟთა შორის 2 ოქროს, 5 ვერცხლის და 1 ბრინჯაოს მედალი, ხოლო გოგონებმა 2 ოქროს, 1 ვერცხლის და 1 ბრინჯაოს მედალი მოიპოვეს.

იხილე მეტი
სიახლე 

ფოთში ჯავახიშვილის ქუჩის მცხოვრებლებმა აქცია გამართეს 22 04 19

ფოთში, ჯავახიშვილის ქუჩის მცხოვრებლებმა საპროტესტო აქცია გამართეს. რამდენიმე წუთის განმავლობაში ბლოკირებული იყო სატრანსპორტო მაგისტრალი. აქციის მონაწილეებმა, მძიმეწონიანი მანქანების გადაადგილება გააპროტესტეს. მათი განცხადებით, აღნიშნული მანქანებით ჯანმრთელობისთვის საშიში ნივთიერებების ტრანსპორტირება უსაფრთხოების ნორმების დარღვევით ხორციელდება. მათივე თქმით, მერიას აღნიშნულთან დაკავშირებით რამდენჯერმე მიმართეს, თუმცა უშედეგოდ. შეკრებილებთან ფოთის მერი, გოჩა კურდღელია და ადგილობრივი ხელისუფლების წარმომადგენლები მივიდნენ. როგორც მათ განაცხადეს, საკითხის შესწავლა მიმდინარეობს, რაშიც ყველა შესაბამისი უწყებაა ჩართული. ადგილზე მობილიზებულნი იყვნენ სამართალდამცველები. საკითხის მოუგვარებლობის შემთხვევაში, ჯავახიშვილის ქუჩის მცხოვრებლები აქციების გამართვით იმუქრებიან.

იხილე მეტი
სიახლე 

ფოთში საკანალიზაციო სისტემის მშენებლობა მიმდინარეობს 19 04 19

ფოთში წყალარინების ქსელის რეაბილიტაციის სამუშაოები რამდენიმე თვეა მიმდინარეობს. ამჯერად, გრუნტის გაუწყლოვნება და მთავარი მილის დამონტაჟება ექვს უბანზე ერთდროულად ხორციელდება, მათ შორის ნაბადის უბანში, ჭავჭავაძის ქუჩაზე. TAHAL GROUP-ის კონსტრაქტის ინჟინერის, მილან ნედელკოვიჩის განცხადებით, სადაწნეო მილების დამონტაჟების შემდეგ, მეორე ეტაპი _ თვითდინებითი მილების დამონტაჟება დაიწყება. საკანალიზაციო სისტემის მშენებლობაზე დასაქმებულთა უმრავლესობას ადგილობრივი მოსახლეობა შეადგენს. როგორც მშენებლობის უფროსმა ინჟინერმა, იგორ სამურკასოვმა განაცხადა, ამ ეტაპზე 6 ბრიგადა მუშაობს, მაისის თვეში კი მუშახელი გაიზრდება და საერთო ჯამში 9 ბრიგადა განახორციელებს დაკისრებულ დავალებას. კომპანია „TAHAL GROUP“-ის წარმომადგენლების თქმით, ხელშეკრულების მიხედვით, თანამედროვე სტანდარტების შესაბამისი წყალარინების ქსელის მოწყობა მთელი…

იხილე მეტი
სიახლე 

ფოთში 21 აპრილმდე უამინდობა შენარჩუნდება 19 04 19

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ცნობით, 21 აპრილის ჩათვლით მოსალოდნელია წვიმა, და სამხრეთ-დასავლეთის მიმართულების ქარი. აცივდება და ჰაერის ტემპერატურა +7° დაეცემა.

იხილე მეტი
სიახლე 

,,კურსორის” სტუმრებია სპექტაკლ “მარინა რევიას” რეჟისორი და მსახიობები 18 04 19

,,კურსორის” სტუმარია, რეჟისორი ნიკა ჩიკვაიძე, ქუთაისის ლადო მესხიშვილის სახელობის პროფესიული სახელმწიფო დრამატული თეატრის მსახიობი ენდი ძიძავა და ფოთის ვალერიან გუნიას სახელობის პროფესიული სახელმწიფო თეატრის მსახიობი ირაკლი კვერღელიძე. მოწვეულმა სტუმრებმა, ფოთის ვალერიან გუნიას სახელობის პროფესიულ თეატრში გამართული სპექტაკლის „მარინა რევიას“ პრემიერის შესახებ ისაუბრეს.

იხილე მეტი
სიახლე 

ფოთს, ფერეიდნელი ქართველი ისტორიკოსი საიდ მულიანი ესტუმრა 18 04 19

ქალაქ ფოთის მუნიციპალიტეტის მერიის მოწვევით, ფოთს ფერეიდნელი ქართველი ისტორიკოსი, საიდ მულიანი ესტუმრა. დედა ენის დღისადმი მიძღვნილი კვირეულის ფარგლებში, ახალი საქართველოს უნივერსიტეტის საკონფერენციო დარბაზში ისტორიკოსის ლექცია გაიმართა, სადაც ქართული ენის ისტორიაზე ისაუბრა. როგორც საიდ მულიანმა აღნიშნა, რაც მთელს მსოფლიოში ქართველებს აკავშირებს არის ენა – წმინდა ქართული. მისივე თქმით, ქართველები ვიდრე ქრისტიანები გახდებოდნენ ქართულად ლაპარაკობდნენ. დამსწრე საზოგადოებას საიდ მულიანმა ფერეიდნელი ქართველების ისტორია, მათი დღევანდელი ყოფა, კულტურა და ცხოვრება გააცნო.

იხილე მეტი
სიახლე 

საპრემიერო ჩვენება ფოთის თეატრში 18 04 19

როგორ უნდა გააგრძელოს დედამ ცხოვრება, რომელსაც 15 წლიანი პატიმრობის შემდეგ, სახლში სიცივე ხვდება. გაუცხოებული საყვარელი ადამიანები, ღრმად დამარხული ხსოვნა და უიმედო მოლოდინი – სწორედ ამ თემაზე გვიყვება სპექტაკლი „მარინა რევია“, რომელიც ფოთის პროფესიულ სახელმწიფო თეატრში, ალექსი ჩიღვინაძის პიესის მიხედვით, რეჟისორმა ნიკა ჩიკვაიძემ დადგა. წარმოდგენაში მთავარ როლს ქუთაისის სახელმწიფო თეატრის დასის წევრი, ენდი ძიძავა ასრულებს. სცენიდან ერთბაშად მოდიოდა ზიზღი და სიყვარული, თანაგრძნობა და ირონია, სევდა და შიში… შიში ადამიანად ყოფნის გამო.საპრემიერო ჩვენებამ ანშლაგით ჩაიარა.

იხილე მეტი
სიახლე 

კოლხური კულტურის მუზეუმში ზვიად გამსახურდიასადმი მიძღვნილი საღამო გაიმართა 17 04 19

კოლხური კულტურის მუზეუმში, N1 საჯარო სკოლის მოსწავლეებმა ლიტერატურული საღამო „9 აპრილიდან 9 აპრილამდე“ გამართეს, რომელიც 1989 წლის 9 აპრილისა და 1991 წლის 9 აპრილის მოვლენებს მიუძღვნეს. მოსწავლეებმა ისაუბრეს, საქართველოს პირველი პრეზიდენტის, ზვიად გამსახურდიასა და ეროვნული გმირის, მერაბ კოსტავას დამსახურებაზე საქართველოს დამოუკიდებლობის მოპოვების საქმეში. ღონისძიებაზე ზვიად გამსახურდიას თანამებრძოლები სიტყვით გამოვიდნენ. მათ პირველ პრეზიდენტთან ერთად გატარებული დღეები და 9 აპრილის ტრაგიკული მოვლენები გაიხსენეს. მოწვეულ სტუმრებს შორის იყვნენ, ეროვნულ – განმათავისუფლებელი მოძრაობის მაშინდელი აქტიური წევრები, შორენა ჭოჭუა, მირანდა ბარამიძე და გვარდიის ხელმძღვანელი გურამ ლაკია.

იხილე მეტი