სიახლე 

“კურსორის” სტუმარია ფოთის მერის პირველი მოადგილე კონსტანტინე თოფურია 28 02 19

„კურსორის“ სტუმარია ფოთის მერის პირველი მოადგილე კოტე თოფურია. ის სახელმწიფო აუდუტის დასკვნაზე საუბრობს, სადაც 2016- 2017 წლებში მუნიციპალიტეტში არსებული დარღვევებია მითითებული. ასევე მან ქალაქში მიმდინარე ახალ პროექტებზე გააკეთა განცხადება.

იხილე მეტი
სიახლე 

ფოთში, ჰაერის მინიმალური ტემპერატურა +3 გრადუსამდე დაეცემა 27 02 19

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 1 მარტის ჩათვლით ცვალებადი ღრუბლიანობაა მოსალოდნელი, უმნიშვნელო ნალექით. ჰაერის მინიმალური ტემპერატურა +3° დაფიქსირდება. 28 თებერვალს ცვალებადი მიმართულების ქარი დაქროლავს 7-12 მ/წმ სიჩქარით. ასევე მოსალოდნელია ცვალებადი ღრუბლიანობა, დროგამოშვებით წვიმა, დილით უმეტესად უნალექო. ჰაერის ტემპერატურა დღისით: +5° +7 °; ღამით კი + 3 ° + 5 ° იქნება. 1 მარტს, დასავლეთის და აღმოსავლეთის ქარია მოსალოდნელი, რომელიც 11 მ/წმ სიჩქარით დაქროლავს. ძირითადად ღრუბლიანი, უნალექო ამინდი დაფიქსირდება, ღმით დროგამოშვებით წვიმა. ჰაერის ტემპერატურა დღისით +6° +8°, ხოლო ღამით +5° +7° დაფიქსირდება.

იხილე მეტი
სიახლე 

ფოთში, წყალარინების ქსელის მოწყობა გრძელდება 27 02 19

ფოთში, წყალარინების ინფრასტრუქტურის მოწყობის სამუშაოები აზიის განვითარების ბანკის მხარდაჭერით გრძელდება. მიმდინარე პროექტი ითვალისწინებს 145 კმ-იანი ქსელის მოწყობას, 28 ერთეული სატუმბი სადგურისა და გამწმენდი ნაგებობის მშენებლობას, რისთვისაც 130 მილიონ ლარზე მეტი დაიხარჯება. მხარის გუბერნატორის, ალექსანდრე მოწერელიას თქმით, წყალარინების ქსელის მოწესრიგება და გამწმენდი ნაგებობის მშენებლობა თანამედროვე სტანდარტების შესაბამისად მიმდინარეობს. სინქრონი მოწერელიას გაერთიანებული წყალმომარაგების კომპანიის დირექტორის, ეკატერინე გალდავას განცხადებით, საკანალიზაციო სისტემის მშენებლობას ჰოლანდიური კომპანია TAHAL GROUP აწარმოებს. უცხოურ კომპანიასთან ერთდ, სამუშაოებს ქვეკონტრაქტორი ქართული კომპანიებიც შეასრულებენ. ადგილზე სამუშაოების მიმდინარეობას, აზიის განვითარების ბანკის მისიასთან ერთად, გაერთიანებული წყალმომარაგების კომპანიის დირექტორი, ეკატერინე გალდავა, სამეგრელო-ზემო სვანეთში სახელმწიფო რწმუნებული,…

იხილე მეტი
სიახლე 

ოპოზიციამ ფოთის საკრებულოს თავმჯდომარე კორუფციაში დაადანაშაულა 27 02 19

ფოთის საკრებულოს სხდომაზე ხმაური და დაპირისპირება სახელმწიფო აუდიტის დასკვნის განხილვამ გამოიწვია, რომლის მიხედვით, ფოთის მუნიციპალიტეტში გამოვლენილი დარღვევები, საკრებულოს თავმჯდომარის, ირაკლი კაკულიას მერობის პერიოდს ეხება. ოპოზიციამ საკრებულოს თავმჯდომარე კორუფციაში დაადანაშაულა და უმრავლესობას უნიათო უწოდა. საკრებულოს თავმჯდომარემ აუდიტის დასკვნასთან დაკავშირებით აღნიშნა, რომ ის სარეკომენდაციო ხასიათისაა და მუნიციპალიტეტი ყველაფერს გააკეთებს მასში მოცემული ხარვეზები რომ გამოსწორდეს. სობოლოოდ სხდომაზე აუდიტის დასკვნა ცნობად მიიღეს და ხმათა უმრავლესობით მერიას, აუდიტის მიერ გამოვლენილი დარღვევების აღმოფხვრა დაევალა.

იხილე მეტი
სიახლე 

ფოთის მუნიციპალიტეტის მერიაში საინფორმაციო შეხვედრა გაიმართა 26 02 19

ფოთის მუნიციპალიტეტის მერიაში საინფორმაციო შეხვედრა გაიმართა. შეხვედრაზე აშშ-ს სახელმწიფო დეპარტამენტისა და საქართველოში აშშ-ს საელჩოს მიერ გაცემული ნახევარი მილიონი აშშ დოლარის დახმარების ფარგლებში დაგეგმილ პროექტებსა და ევროატლანტიკური ინტეგრაციის საკითხებზე ისაუბრეს. შეხვედრა ნატოსა და ევროკავშირის შესახებ, საინფორმაციო ცენტრის სამეგრელო-ზემო სვანეთის რეგიონული ბიუროს წარმომადგენელმა და ცენტრის მიერ მოწვეულმა ექსპერტმა, გიორგი ფარეშიშვილმა ჩაატარა. როგორც აღნიშნეს, ეს პირველი მასშტაბური 18 თვიანი პროექტია, რომლის ფარგლებში გაძლიერდება და გაფართოვდება საინფორმაციო ცენტრის რეგიონალური ბიუროები. შეხვედრას ქ. ფოთის მუნიციპალიტეტის ადგილობრივი თვითმმართველობების, მედიისა და სამოქალაქო სექტორის წარმომადგენლები დაესწრნრენ. ასევე, დაგეგმილია შეხვედრები რეგიონის სხვადასხვა სოფლის მოსახლეობასთან და მუნიციპალიტეტების მერიებში.

იხილე მეტი
სიახლე 

ფოთის მე-3 საჯარო სკოლაში ,,ოკუპაციის კვირეული” აღნიშნეს 25 02 19

საბჭოთა ოკუპაციის კვირეულის ფარგლებში, მესამე საჯარო სკოლაში ღონისძიება გაიმართა. მოსწავლეებმა სპექტაკლი სახელწოდებით _ „ახლა ეს ფიქრი სხვა სამარეა“ წარადგინეს. მაღალ დონეზე შესრულებულ 45 წუთიან სპექტაკლში, ბავშვებმა, ოკუპირებული საქართველოს ისტორია, საოცარი ოსტატობით გააცოცხლეს. სპექტაკლის სცენარისტი და რეჟისორი ლევან მაშავა გახლავთ. ღონისძიებას სხვადასხვა სკოლების დირექტორებთან და მოსწავლეებთან ერთად, ადგილობრივი ხელისუფლების წარმომადგენლები ესწრებოდნენ.

იხილე მეტი
სიახლე 

ოკუპაციის დღესთან დაკავშირებით ფოთის ადმინისტრაციულ შენობაზე სახელმწიფო დროშა დაუშვეს 25 02 19

საბჭოთა ოკუპაციის დღესთან დაკავშირებით, ფოთის ადმინისტრაციულ შენობაზე სახელმწიფო დროშა დაეშვა. ცერემონიალს მერიისა და საკრებულოს წარმომადგენლები დაესწრნენ. მოგვიანებით, საკათედრო ტაძარში, ფოთისა და ხობის მიტროპოლიტმა მეუფე გრიგოლმა, 1921 წლის 25 თებერვალს დაღუპული იუნკრებისა და სამშობლოს თავისუფლებისათვის მებრძოლი გმირების მოსახსენიებელი პანაშვიდი გადაიხადა. „ჩვენი ქვეყნის უახლეს ისტორიაში 25 თებერვალი ერთ-ერთი ყველაზე ტრაგიკული თარიღია. ამ დღეს ქართველმა მებრძოლებმა, კოჯრისა და ტაბახმელას მიდამოებში, ქვეყნისთვის უპირველესი ფასეულობის – თავისუფლების დასაცავად თავდადებული გმირობის მაგალითი გვიჩვენეს. ფოთში, საბჭოთა რუსეთის არმიის მიერ საქართველოს 1921 წლის ოკუპაციის ფარგლებში საჯარო სკოლებსა და დაწესებულებებში სხვადასხვა სახის ღონისძიებები გაიმართება“_ განაცხადა მერის პირველმა მოადგილემ, კოტე…

იხილე მეტი
სიახლე 

ფოთის ამინდის პროგნოზი 25 02 19

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე, 27 თებერვლის ჩათვლით, დროგამოშვებით წვიმა დაფიქსირდება. ჰაერის ტემპერატურა +4°-მდე დაიწევს. 26 თებერვალს ცვალებადი მიმართულების ქარი დაქროლავს 13მ/წმ სიჩქარით. ასევე ცვალებადი ღრუბლიანობაა მოსალოდნელი, უმეტესად უნალექოდ. ღამით დროგამოშვებით წვიმა დაფიქსირდება. ჰაერის ტემპერატურა დღისით: +6° +8 °; ღამით კი + 4 ° + 6 ° იქნება. 27 თებერვალს ცვალებადი მიმართულების ქარია მოსალოდნელი, რომელიც 15 მ/წმ სიჩქარით დაქროლავს. ძირითადად ღრუბლიანი, ხანმოკლე წვიმა დაფიქსირდება. ჰაერის ტემპერატურა დღისით +6° +8°, ხოლო ღამით +4° +6° იქნება.

იხილე მეტი
სიახლე 

ფოთში ბიძინა (მანუჩარ) ჩემიას სახელობის თასის გათამაშება გაიმართა 25 02 19

24 თებერვალს, საკალათბურთო დარბაზში, ,,კოლხეთი 1913’’-ის ყოფილი ფეხბურთელის, ტრაგიკულად დაღუპული ბიძინა (მანუჩარ) ჩემიას სახელობის თასის გათამაშება გაიმართა, ტურნირი 2010 წლებში დაბადებულ ნორჩ ფეხბურთელთა შორის ჩატარდა. სადაც ხობის, სენაკის, ლანჩხუთის, ზუგდიდისა და ფოთის ფეხბურთელთა გუნდები მონაწილეობდნენ. III ადგილისათვის ერთმანეთს ფოთის ,,კოლხეთი 1’’ და სენაკის ,,ქუჯი’’ დაუპირისპირდნენ, სადაც სენაკელმა მოზარდებმა ანგარიშით 0:1 გაიმარჯვეს და III საპრიზო ადგილის მფლობელები გახდნენ. ფინალში ლანჩხუთის ,,გურია’’-მ ანგარიშით 4:3 ზუგდიდის ,,კოლხა’’ დაამარცხა და ტურნირის გამარჯვება მოიპოვა. გამარჯვებული გუნდები თასებითა და დიპლომებით დაჯილდოვდნენ. თასის გათამაშება საინიციატივო ჯგუფის ორგანიზებით, ქალაქ ფოთის მუნიციპალიტეტის მერიის კულტურის, განათლების, ძეგლთა დაცვის, სპორტისა და…

იხილე მეტი
სიახლე 

ფოთში, ღრუბლიანი ამინდია მოსალოდნელი 21 02 19

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 23 თებერვლის ჩათვლით ცვალებადი ღრუბლიანობა დაფიქსირდება, უმნიშვნელო ნალექით. ჰაერის მაქსიმალური ტემპერატურა +16° დაფიქსირდება. 22 თებერვალს ცვალებადი მიმართულების ქარი დაქროლავს 16მ/წმ სიჩქარით.ასევე ცვალებადი ღრუბლიანობაა მოსალოდნელი, ხანმოკლე წვიმით. ჰაერის ტემპერატურა დღისით: +7° 9 °; ღამით კი + 6 ° + 8 ° იქნება. 23 თებერვალს დასავლეთის და აღმოსავლეთის ქარია მოსალოდნელი, რომელიც 12 მეტრი წამი სიჩქარით დაქროლავს. ძირითადად ღრუბლიანი, უნალექო ამინდი დაფიქსირდება, ღმით ხანმოკლე წვიმა. ჰაერის ტემპერატურა დღისით +14° +16°, ხოლო ღამით +9° +11° დაფიქსირდება.

იხილე მეტი