სიახლე 

ფოთში ქართველი და უცხოელი მხატვრების ერთობლივი პლენარი იმართება 02 08 19

ფოთში, კოლხეთის ეროვნული პარკის ეზოში სახვითი ხელოვნების საერთაშორისო ფესტივალი სახელწოდებით ,,წელიწადის ოთხი დრო“ მიმდინარეობს. მასში ქართველი და უცხოელი მხატვრები მონაწილეობენ. ისინი ადგილზე ქმნიან ნამუშევრებს. ორგანიზატორების განცხადებით , საერთაშორისო პლენერის მიზანი შემოქმედებითი გამოცდილების გაზიარებაა. მათივე თქმით, პროექტში მონაწილე ფოთელი მხატვრები შემოდგომაზე პოლონეთში ან უკრაინაში გაემგზავრებიან. ,,წელს ჩაეყარა საფუძველი საერთაშორისო პლენერს. ჩამოვიდნენ უცხოელო მხატვრები, მათ შორის 4 უკრაინიდან და 2 კი პოლონეთიდან . ისინი ჩვენთან ერთად ადგილზე ქმნიან ნამუშევრებს, თითოეული მხატვრის ნამუშევარი, ორი ფერწერული ტილო გადაეცემა ქალაქს საჩუქრად, რამეთუ ფოთის მერია არის ამ ღონისძიების ორგანზატორი. მინდა მადლობა გადავუხადო მერიას მხარდაჭერისათვის, კულტურის სამსახურს…

იხილე მეტი
სიახლე 

ფოთში მრავალფუნქციური ჰოსპიტალი აშენდება 01 08 19

ფოთში, აღმაშენებლის ქუჩაზე მდებარე ე.წ. ფოსტის შენობის მშენებლობა 80-იან წლებში დაიწყო. იმ პერიოდში მხოლოდ კარკასი აშენდა. 90-ან წლებში კი, მერიის ადმინისტრაციის განთავსება გადაწყდა. მოგვიანებით, შენობის პრივატიზება მოხდა და კერძო პირმა შეიძინა. ახალმა მფლობელმა 2000-ან წლებში, ნუგზარ ჭედიას არქიტექტორობით ქალაქისთვის დამახასიათებელი, თუმცა გათანამედროვებული არქიტექტურული სტილის შენობა ააგო. მას შემდეგ ქალაქის ცენტრალურ ქუჩაზე ეს შენობა უფუნქციოდ დგას. კლინიკა „იკამედმა“ სოციალური ქსელის საშუალებით ინფორმაცია გაავრცელა, რომ 3200 კვადრატული მეტრი ფართის შენობა შეიძინა, სადაც მრავალფუნქციური სამედიცინო ცენტრი ამოქმედდება. ამასთან დაკავშირებით, ჩვენ კლინიკის დამფუძნებელს თენგიზ გიგიბერიას და მის გუნდს გავესაუბრეთ. ,,იკამედი ფოთის“ მთავარმა ექიმმა, გოჩა…

იხილე მეტი
სიახლე 

პარკირების პრობლემა ფოთში, ფარნავაზ მეფის ქუჩაზე 01 08 19

ბაზრის მიმდებარე ტერიტორიაზე, სამარშრუტო ტაქსებთან ერთად მოქალაქეთა მანქანების პარკინგი ხდება, რის გამოც ფარნავაზ მეფის ქუჩაზე ავტოსატრანსპორტო საშუალებების გადაადგილება მეტწილად შეუძლებელია. მოქალაქეების განცხადებით, ნახევრად ჩახერგილ გზებზე ავარიული სიტუაციები ხშირად იქმნება, რის გამოც ქუჩაზე გადასვლა რისკთან არის დაკავშირებული და შესაძლოა უბედური შემთხვევაც კი მოხდეს. გამოკითხულთა უმეტესი ნაწილი თვლის რომ, საჭიროა პარკირების სასწრაფოდ მოწესრიგება, რადგან გადაადგილება, უსაფრთხო გახდეს, როგორც ავტომანქანის მძღოლებისთვის ასევე ფეხით მოსიარულეებისთვის

იხილე მეტი
სიახლე 

ფოთში ახალი საქართველოს უნივერსიტეტში წიგნის პრეზენტაცია გაიმართა 31 07 19

ახალი საქართველოს უნივერსიტეტში, წიგნის მორიგი პრეზენტაცია გაიმართა. გერმანელი პროფესორის, უდო რაინჰოლდ იეკის ნაშრომი – „ვახტანგ გორგასალი – ქრისტიანი ფილოსოფოსი მეფე“ ქართველი მონარქის შესახებ მოგვითხრობს. ნარკვევი მიზნად ისახავს, მკითხველს, ვახტანგ გორგასლის ქრისტიანულ ფილოსოფიური აზროვნება აჩვენოს, რომელიც ისტორიკოს ჯუანშერის თხზულებას „ცხოვრება ვახტანგ გორგასლისა“ და ქართული სამეფო ქრონიკების „ქართლის ცხოვრებას“ ეყრდნობა. კავკასიური ფილოსოფიისა და თეოლოგიის სამეცნიერო-კვლევითი არქივის ახალი გამოცემა, ინგლისურიდან გიორგი ხუროშვილმა თარგმნა, რომლის რედაქტორი მიტროპოლიტი გრიგოლი (ბერბიჭაშვილი), ლალი ზაქარაძე და თენგიზ ირემაძეა. უდო რაინჰოლდ იეკი 150-ზე მეტი სამეცნიერო ნაშრომის ავტორია. პროფესორი იეკი რამდენიმე წელია მუშაობს.

იხილე მეტი
სიახლე 

სურსათის ეროვნული სააგენტოს ფოთის სამსახურის ადმინისტრაციულ ცენტრს ახლი შენობა აქვს 31 07 19

სურსათის ეროვნული სააგენტოს ფოთის სამსახურის ადმინისტრაციული ცენტრის მშენებლობა დასრულდა. ის საოფისე ინვენტარით და კომპიუტერული ტექნიკითაა აღჭურვილი. კოსტავას ქუჩაზე მდებარე სურსათის ეროვნული სააგენტოს ყოფილი შენობა მრავალი წლის წინ ხანძრის შედეგად დაიწვა და მას შემდეგ მიმდინარე წელს თანამედროვე სტანდარტების ახალი შენობა აშენდა. პროექტი საქართველოს გარემოს დაცვისა და სოფლის მეურნეობის სამინისტროსა და სურსათის ეროვნული სააგენტოს მიერ განხორციელდა. ამ ეტაპზე, როგორც ზაურ აბურჯანიძემ განაცხადა, შენობის ინფრასტრუქტურა მოსაწესრიგებელია, რისთვისაც ტენდერი გამოცხადდება. პროექტის ჯამურმა ღირებულებამ 200 ათასი ლარი შეადგინა. სურსათის ეროვნული სააგენტო სურსათის უვნებლობის, ვეტერინარულ და ფიტოსანიტარულ კონტროლს ახორციელებს. მათ მოვალეობაში საკვები ობიექტების, აგრარული ბაზრისა და…

იხილე მეტი
სიახლე 

ფოთელი მოსწავლე ყვარელში, იუსტიციის სასწავლო ცენტრის საზაფხულო სკოლაში 30 07 19

ფოთელმა, ალექსანდრე გიორგაძემ, რომელიც მეორე საჯარო სკოლის მე-12 კლასელია, საქართველოს იუსტიციის სასწავლო ცენტრის ყვარლის კომპლექსში, საზაფხულო სკოლის ფარგლებში 8 დღიანი ტრენინგ – პროგრამა გაიარა. პროგრამაში საქართველოს 8 რეგიონის 36 მოსწავლე მონაწილეობდა. საზაფხულო სკოლაში ჩასარიცხად, მოსწავლეებმა მათემატიკის ტურნირში მიიღეს მონაწილეობა. ის მოსწავლეები, რომლებმაც ბარიერი გადალახეს საქართველოს იუსტიციის სასწავლო ცენტრში მოხვდნენ. მათ იუსტიციის სასწავლო ცენტრის დირექტორმა, ხათუნა კასრაძემ სერტიფიკატები გადასცა. საზაფხულო სკოლის მიზანია, დამამთავრებელი კლასების მოსწავლეებში საჯარო სამსახურის მიმართ ინტერესი გაზარდოს.

იხილე მეტი
სიახლე 

რეგიონული თეატრების ფოთის საერთაშორისო ფესტივალი დასრულდა 30 07 19

რეგიონული თეატრების ფოთის საერთაშორისო ფესტივალი ფოთის შუქურასთან საზეიმოდ დაიხურა. ცერემონიალზე, მსახიობმა, ვანო იანტბელიძემ, რევაზ ინანიშვილის სახელობის სპეციალური პრიზი “ალალე”, თავის რჩეულ არტისტს გადასცა. აღნიშნული ჯილდო ფოთის ვალერიან გუნიას სახელობის პროფესიული სახელმწიფო დრამატული თეატრის მსახიობს, გენად შონიას ხვდა წილად. ფესტივალი წელს მეხუთედ ჩატარდა და საიუბილეო თარიღიც აღინიშნა, სადაც 17 რეგიონული თეატრი და საერთაშორისო დასი მონაწილეობდა. წელს რეგიონულ ფესტივალს საქართველოს 13 ქალაქი მასპინძლობდა.

იხილე მეტი
სიახლე 

ხმაური ფოთის საკრებულოში 30 07 19

ხმაური იყო ფოთის საკრებულოში. სხდომის დასაწყისში ,,ნაციონალური მოძრაობის” წევრმა დავით ხომერიკმა ქვეყანაში და ქალაქში მიმდინარე პროცესებს უსამართლო უწოდა, ხელისუფლება ქალაქის არაეფექტურ მართვაში დაადანაშაულა და სხდომა პროტესტის ნიშნად დატოვა. ,,ნაციონალური მოძრაობის” კიდევ ერთი წევრი, დარეჯან ცხვიტარია კი მთელი სხდომის განმავლობაში ფეხზე იდგა და ტრასფარანტით ხელში შს მინისტრის გადადგომას მოითხოვდა. საკრებულოს თავმჯდომარის განცხადებით კი ოპოზიციის პროტესტი საფუძველსაა მოკლებული და მმართველი გუნდი მას საქმის კეთებით პასუხობს.

იხილე მეტი
სიახლე 

ფოთში რიონის გაწმენდითი სამუშაოები ახლო მომავალში დაიწყება 29 07 19

ხელისუფლება წლების შემდეგ პირველად გეგმავს მდ. რიონის ქალაქში გამდინარე არხის გაწმენდითი სამუშაოების განხორციელებას. შპს „საქართველოს მელიორაციამ“ რიონის წმენდითი სამუშაოების პროექტირებაზე ტენდერი გამოაცხადა, რის შემდგომ, ტენდერი რიონის წმენდასა და სამუშაოების შესრულებაზე გამოცხადდება. გამარჯვებული კომპანია, სავარაუდოდ, მეშვიდე კილომეტრიდან ზღვამდე რიონის ფსკერის წმენდით სამუშაოებს 2020 წლიდან დაიწყებს. პროექტის ფარგლებში,ზღვის შესართავთან რიონის, ამჟმად მოსილული მარცხენა შტოს გაწმენდითი სამუშაოებიც განხორციელდება და ადრე არსებული კუნძული აღსდგება, სადაც მითოლოგიური პარკის მოწყობა იგეგმება. პროექტის ფარგლებში, პირველ ეტაპზე რიონის ტომოგრაფიული გადაღება მოხდება. იმის დასადგენად, თუ სად არის დალექილი ტერიტორიები და რა მოცულობის სამუშაოებია შესასრულებელი. გენო ლოლუას თქმით, ამჟამად რიონის…

იხილე მეტი
სიახლე 

ფოთში გეგმიური სამუშაოების გამო ელექტრო ენერგიის მიწოდება შეიზღუდება 26 07 19

„ენერგო პრო ჯორჯიას“ მიერ გამოქვეყნებულ ინფორმაციაში აღნიშნულია, რომ 28-29 ივლისს, ქსელის გეგმიური სარეაბილიტაციო სამუშაოების გამო ელექტროენერგიის მიწოდება შიზღუდება. კერძოდ, 28 ივლისს ელექტრო ენერგია 11:00-დან 12:00 საათამდე ფარნავაზ მეფის, მშვიდობის, კოსტავას, ბერდიანსკის, ტექსილის და მიმდებარე ქუჩებს გაითიშება. ხოლო, 11:00-დან 17:00-მდე აღმაშენებლის, კლდიაშვილის, დუმბაძის, 9 აპრილის ხეივანს და მიმდებარე ქუჩებს. 29 ივლისს ელექტრო ენერგია 11:00-დან 18:00-მდე მონაკვეთში, 9 აპრილის ხეივანს, რუსთაველის რკალს, აკაკის, შავი ზღვის, გოგებაშვილის და მიმდებარე ქუჩებს მონაცვლეობით შეეზღუდება. სამუშაოების დასრულებისთანვე აბონენტთა ენერგომომარგება ჩვეულ რეჟიმში აღდგება, – ვკითხულობთ განცხადებაში.

იხილე მეტი