სიახლე 

ფოთში, პარლამენტარიზმის 100 წლის იუბილე აღნიშნეს 12 03 19

12 მარტს საქართველოში პარლამენტარიზმის 100 წლის იუბილე აღინიშნება. ამ დღესთნ დაკავშირებით, ფოთელ საზოგადოებას კოლხური კულტურის მუზეუმმა დროებითი ფოტო-გამოფენა შესთავაზა, ასევე კონფერენცია გაიმართა, სადაც მსმენელის წინაშე მომხსენებლებმა დამფუძნებელი კრების ისტორიაზე ისაუბრეს. პარალელი გაავლეს პირველ არჩევნებსა და დღევანდელ არჩევნებს შორის. ერთ-ერთმა მომხსენებელმა აღნიშნა, რომ საქართველო პირველი ქვეყანაა ევროპაში, სადაც ქალები არა მხოლოდ მონაწილეობდნენ 100 წლის წინ არჩევნებში, არამედ ისინი დამფუძნებელი კრების არჩეული წევრები იყვნენ. „1919 წლის 12 მარტს, 12:00 საათსა და 12 წუთზე, დღევანდელი მოსწავლე-ახალგაზრდობის სასახლეში, საქართველოს დემოკრატიული რესპუბლიკის დამფუძნებელი კრების პირველი სხდომა გაიხსნა“. მუზეუმში გამართულ ღონისძიებას პირველი და მეორე საჯარო სკოლის…

იხილე მეტი
სიახლე 

ფოთში 8 წლის ბიჭს დენმა დაარტყა 12 03 19

ფოთში 9 აპრილის ხეივანზე, 8 წლის ბიჭს დენმა დაარტყა. შემთხვევა გუშინ საღამოს მოხდა. მოზარდმა სხეულის მძიმე დამწვრობა მიიღო. სავარაუდოდ, ის ერთ-ერთი კორპუსის ეზოში მდებარე სატრანსფორმატორო ქვესადგურში, სარკმლიდან ჩავარდნილი ბურთის გამოტანას ცდილობდა. 112-ის ბრიგადამ, პირველადი სამედიცინო დახმარების გაწევის შემდეგ, ის ფოთის ცენტრალურ კლინიკურ საავადმყოფოში გადაიყვანა. როგორც მორიგე ექიმი ჰყვება, მოზარდს სხულის ვრცელი მიდამოს დამწვრობა აღენიშნებოდა. შესაბამისი მკურნალობისა და კვლევის ჩატარების შემდეგ, პაციენტი რეანომობილით თბილისში, ს.ხეჩინაშვილის სახელობის საუნივერსიტეტო კლინიკაში გადაიყვანეს. დამწვრობის ცენტრის ხელმძღვანელის განცხადებით , მოზარდი რეანიმაციულ განყოფილებაში,შოკურ მდგომარეობაში იმყოფება. მას სხეულის 50%-ზე მეტი ნაწილი დაზიანებული აქვს. შსს-ს ინფორმაციით,გამოძიება სისხლის სამართლის კოდექისის…

იხილე მეტი
სიახლე 

ფოთში, მაქსიმალური ტემპერატურა +17 გრადუსს მიაღწევს 12 03 19

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე მაქსიმალური ტემპერატურა +17 ° დაფიქსირდება. 13 მარტს აღმოსავლეთის ქარი დაქროლავს 6-11მ/წმ სიჩქარით. დილით მოსალოდნელია ხანმოკლე წვიმა, დღის მანძილზე კი მოღრბლული, უნალექო ამინდი. ჰაერის ტემპერატურა დღისით: +15° +17 °; ღამით კი + 10 ° + 12 ° იქნება. 14 მარტს ცვალებადი მიმართულების ქარი იქროლებს, 8-13 მ/წ სიჩქარით. ძირითადად ცვალებადი მოღრუბლული, უმეტესად უნალექო ამინდი დაფიქსირდება. დღის დასაწყისში და ღამით შესაძლებელია ხანმოკლე წვიმა. ჰაერის ტემპერატურა დღისით +14° +16°, ხოლო ღამით +9° +11° დაფიქსირდება.

იხილე მეტი
სიახლე 

,,კურსორი”-ს სტუმარია ბექა გუგუშვილი 11 03 19

,,კურსორი”-ს სტუმარია ქალაქ ფოთის მუნიციპალიტეტის სასპორტო საგანმანათლებლო დაწესებულებათა გაერთიანების დირექტორი, ბექა გუგუშვილი, რომელიც საუბრობს ქალაქში არსებული სპორტული სკოლებისა და მოედნების ინფრასტრუქტურულ მდგომარეობაზე და ქალაქში მიმდინარე სპორტული კომპლექსის მშენებლობაზე.

იხილე მეტი
სიახლე 

ფოთში, პროექტის გამარჯვებულები გამოვლინდნენ 11 03 19

არასამთავრობო ორგანიზაციამ – „ფოთის ახლაგაზრდული იდეა“, კონკურსში ოთხი გამარჯვებული პროექტის ავტორი დაასახელა. ფოთის საჯარო და კერძო სკოლის მოსწავლეებისათვის, გათვალისწინებული პროექტის ფარგლებში, სამი ძირითადი საკითხი: განათლების ხარისხის, ჯანსაღი ცხოვრების წესის და კულტურული ღონისძიებების კუთხით იყო წარდგენილი. მოზარდებმა აქცენტი განათლების სფეროზე გააკეთეს. აღსანიშნავია, რომ კონკურსის თემები არასამთავრობო ორგანიზაციის მიერ, ქალაქში ჩატარებული კვლევის შედეგად გამოვლინდა. დაჯილდოვების ცერემონია არჩილ ხორავას სახელობის სახელოვნებო სასწავლებელში გაიმართა. საზოგადოებრივი ორგანიზაცია – „ფოთის ახალგაზრდული იდეა“, რომელიც ევროპის ფონდის დონორ ორგანიზაციას წარმოადგენს, საქართველოს მასშტაბით 15 დან 25 წლამდე ასაკის 120-მდე ახალგაზრდას აერთიანებს.

იხილე მეტი
სიახლე 

ფოთში, ქართული ოცების წარმომადგენლებმა დასუფთვების აქცია გამართეს 11 03 19

პოლიტიკური გაერთიანების „ქართული ოცნება – დემოკრატიული საქარეთველოს“ ფოთის საქალაქო ორგანიზაციის ინიციატივით, მალთაყვის უბანში დასუფთავების აქცია მოეწყო. აქციის წევრებმა მალთაყვის მიმდებარე ტერიტორია საყოფაცხოვრებო ნარჩენებისგან გაწმინდეს. ორგანიზაციის წარმომადგენლების თქმით, ღონისძიების მიზანია, სუფთა და ჯანსაღი საცხოვრებელი გარემოს შექმნა. ბუნების ნარჩენების გარეშე შენარჩუნება და ამ მიმართულებით, მოსახლეობის ცნობიერების ამაღლება. ფოთის საქალაქო ორგანიზაცია, შემდგომში სხვა ტერიტორიების დასუფთავებას გეგმავს.

იხილე მეტი
სიახლე 

მშვიდობიანი აქცია ფოთში – „რუსეთი გვართმევს თავისუფლებას“ 11 03 19

ფოთში, ახალგაზრდულმა მოძრაობამ „რუსეთი გვართმევს თავისუფლებას“ მშვიდობიანი აქცია გაიმართა. მოძრაობის წევრებმა აფხაზეთში დაღუპულ გმირთა მემორიალთან, რუსეთის პოლიტიკა გააპროტესტეს. მათი განცხადებით, წართმეული ტერიტორიების დაბრუნება სწორი პოლიტიკური გზით იქნება შესაძლებელი. მშვიდობიან აქციას, თბილისიდან მოძრაობა “რუსეთი ოკუპანტიას” რამდენიმე აქტივისტი შეუერთდა. როგორც მათ აღნიშნეს, გაჩერებას არ აპირებენენ და რეგიონებში ახალგაზრდებთან შეხვედრისთვის ემზადებიან.

იხილე მეტი
სიახლე 

ფოთში, თბილი ამინდი შენარჩუნდება 08 03 19

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 10 მარტის ჩათვლით თბილი ამინდი შენარჩუნდება. ჰაერის მაქსიმალური ტემპერატურა +18° დაფიქსირდება. 9 მარტს ცვალებადი მიმართულების ქარი დაქროლავს 14მ/წმ სიჩქარით. ასევე მოსალოდნელია ცვალებადი მოღრუბლულობა, ხანმოკლე წვიმით. ჰაერის ტემპერატურა დღისით: +16° +18 °; ღამით კი + 8 ° + 10 ° იქნება. 10 მარტს სამხრეთ-დასავლეთის ქარია მოსალოდნელი, რომელიც 13 მეტრი წამი სიჩქარით დაქროლავს. დაფიქსირდება ცვალებადი მოღრუბლულობა, ღამით კი ხანმოკლე წვიმა. ჰაერის ტემპერატურა დღისით +13° +15°, ხოლო ღამით +8° +10° დაფიქსირდება.

იხილე მეტი
სიახლე 

ფოთში, სამშობიარო სახლის სამეანო-ნეონატოლოგიური განყოფილება გაუქმდა 08 03 19

ჯანდაცვის სამინისტროს გადაწყვეტილებით, ფოთში ერთადერთი სამშობიარო სახლის, სამეანო-ნეონატოლოგიურ განყოფილებას, საქმიანობის უფლება შეუჩერდა. მიზეზად შესაბამის სტანდარტებთან შეუსაბამობა სახელდება. ჯანდაცვის სამინისტროს რეგულირების სააგენტოსგან მიღებული აკრძალვის მიხედვით, მედ პერსონალს არ შეუძლია მშობიარის მიღება, მათ შორის გადაუდებელ შემთხვევებშიც კი, რასაც ექიმების განმარტებით შესაძლოა მძიმე შედეგები მოჰყვეს. მათივე თქმით საკუთარი ძალებით არსებული პრობლემის მოგვარებას ვერ ახერხებენ. ისინი დახმარებას ითხოვენ. ფოთის აღმასრულებელ ხელისუფლებაში ამბობენ, რომ კანონის მიხედვით სამშობიარო სახლს ვერ ეხმრებიან, რადგან ის კერძო საკუთრებაა, თუმცა მაჟორიტართან ერთად ამ პრობლემის მოგვარების მიზნით უკვე დაიწყო მუშაობა.

იხილე მეტი
სიახლე 

ფოთელმა მოჭადრაკეებმა 3 ოქრო, 1 ვერცხლი და 2 ბრინჯაოს მედალი მოიპოვეს 08 03 19

ნანა ალექსანდრიას სახელობის საჭადრაკო კლუბში საქართველოს ჩემპიონატის დასავლეთ ზონის პირველი ლიგის ტურნირი 8-10-12 წლის ჭაბუკთა და გოგონათა შორის დასრულდა. დასავლეთ საქართველოდან ჯამში 95 მოჭადრაკე მონაწილეობდა. ჩემპიონატი შვეიცარული სისტემით 7 ტურად ჩატარდა. ფოთის საჭადრაკო კლუბის მოსწავლეებმა 3 ოქროს, 1 ვერცხლისა და 2 ბრინჯაოს მედალი მოიპოვეს. ხუთეულში გასული მოჭადრაკეები, საქართველოს შესაბამისი ასაკის უმაღლესი ლიგის საგზურით დაჯილდოვდნენ, სადაც ევროპისა და მსოფლიოს ჩემპიონატის საგზურების მოსაპოვებლად ითამაშებენ. პირველი ადგილის მფლობელებს მედლებთან ერთად თასები გადასცეს. საქართველოს ჩემპიონატი უფროსი ასაკის მოჭადრაკეთა შორის 9 მარტს, ნანა ალექსანდრიას სახელობის საჭადრაკო კლუბში დაიწყება.

იხილე მეტი