სიახლე 

,,კოლხეთი 1913-ს” მეორე ლიგიდან გავარდნა ემუქრება 16 07 19

საფეხბურთო გუნდს, ფოთის ,,კოლხეთი 1913-ს”, არსებული დავალიანების დასაფარად ვადა გუშინ ამოეწურა. კლუბში არსებული მძიმე ფინანსური მდგომარეობის გამო საჭირო თანხების მობილიზება ვერ მოხერხდა, რის გამოც გუნდს შესაძლოა 6 ქულა დააკლდეს. ფედერაციიდან ოფიციალური შეტყობინება ჯერ კლუბს არ მიუღია. ამჟამად ფოთის ,,კოლხეთი” მე-2 ლიგაში ასპარეზობს. გუნდს გასულ სეზონში მოასპარეზე ფეხბურთელების მიმართ სოლიდური დავალიანება აქვს. იმ შემთხვევაში თუ ფინანსური პრობლემები დროულად არ მოგვარდება, გუნდის მდგომარეობა სატურნირო ცხრილში გაუარესდება.

იხილე მეტი
სიახლე 

ფოთში წვიმიანი დღეებია მოსალოდნელი 15 07 19

ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 18 ივლისის ჩათვლით დროგამოშვებით წვიმა დაფიქსირდება. ჰაერის მაქსიმალური ტემპერატურა +27° მიაღწევს. 16 ივლისს ცვალებადი მიმართულების ქარი 6-11მ/წმ სიჩქარით იქროლებს. დღისით მოწმენდილი ცა, ღამის განმავლობაში ცვალებადი მოღრუბლულობაა მოსალოდნელი, უმეტესად უნალექოდ. ჰაერის ტემპერატურა დღისით: +25° +27 °; ღამით კი + 21 ° + 23 ° იქნება. 17 ივლისს, ასევე დასავლეთის ქარია მოსალოდნელი, რომელიც 6-11მ/წ სიჩქარით დაქროლავს. ასევე, დღის განმავლობაში მოსალოდნელია მოწმენდილი ცა, ღმით კი ცვალებადი მოღრუბლულობა, ღამით ასევე დროგამოშვებით წვიმა დაფიქსირდება. ჰაერის ტემპერატურა დღისით +25° +27°, ხოლო ღამით +20° +24° დაფიქსირდება. 18 ივლისს…

იხილე მეტი
სიახლე 

ფოთში ახალი საქართველოს უნივერსიტეტის ბაზაზე საზაფხულო სკოლა გაიხსნა 15 07 19

ახალი საქართველოს უნივერსიტეტში საზაფხულო სკოლის გახსნა აღნიშნეს. უნივერსიტეტის საკონფერენციო დარბაზში, მოწვეულ სტუმრებთან სკოლის მნიშვნელობაზე ისაუბრეს. ოთხდღიანი სწავლების ფარგლებში „იდეების ისტორია“ განიხილება. როგორც უნივერსიტეტში აღნიშნეს, საუბარი შედგება ისეთ თემებზე, როგორიც არის, თავისუფლება, სამართლიანობა, სახელმწიფო და ამ იდეების ისტორიული განვითარება, შუა საუკუნეებში და თანამედროვე სამყაროში. საზაფხულო სკოლა ხობში დღეს დაიწყო და ორი დღის მანძილზე გაგრძელდება. შემდეგი ორი დღე კი საზაფხულო სკოლის მასპინძელი ფოთი იქნება. სკოლაში 20 უნივერსიტეტის 70 სტუდენტი მონაწილეობს. ლექციებს ქართველ ლექტორებთან ერთად, მეუფე გრიგოლის და პროფესორ თენგიზ ირემაძეს მოწვევით, სორბონის უნივერსიტეტის პროფესორი წაიკითხავს, რომელიც ზაფხულის სკოლის მთავარი სპიკერია.

იხილე მეტი
სიახლე 

ფოთში ჭადრაკის საერთაშორისო ფესტივალი მიმდინარეობს 15 07 19

ფოთი ჭადრაკის საერთაშორისო ფესტივალს მასპინძლობს. ის დარბაზ „დიადემაში“ 13 ივლისს საზეიმოდ გაიხსნა. მასში 10 ქვეყნის 400-მდე მოჭადრაკე მონაწილეობს. პირველი სიმბოლური სვლა, სამეგრელო ზემო სვანეთის მხარის რწმუნებულმა, ალექსანდრე მოწერელიამ და ქალაქის მერმა, გოჩა კურდღელიამ გააკეთეს. ფესტივალის ფარგლებში დაგეგმილია სხვადასხვა სპორტული და კულტურული აქტივობები. დღეს მე-3 და მე-4 ტური ჩატარდა. თამაშები მშვიდ გარემოში მიმდინარეობს. როგორც ფესტივალის ორგანიზატორებმა აღნიშნეს, ყველა პირობაა შექმნილი, იმისთვის, რომ მოჭადრაკეებმა თავიანთი შესაძლებლობები მაქსიმალურად გამოავლინონ. საჭადრაკო ფესტივალი ფოთის მერიის ფინანსური მხარდაჭერით, საქართველოს ჭადრაკის ფედერაციის და ფოთის საჭადრაკო კლუბ „ნანას“ ორგანიზებით ტარდება. ფესტივალი ტრადიციულ ხასიათს ატარებს და წელს მე-14 -ჯერ…

იხილე მეტი
სიახლე 

ფოთში მერიის შენობის წინ ფეხბურთელებმა აქცია გამართეს 15 07 19

ფოთში, საფეხბურთო გუნდის ,,კოლხეთი 1913″-ის ფეხბურთელები და გულშემატკივრები მერიის ადმინისტრაციული შენობის წინ შეიკრიბნენ. ისინი ხელისუფლებასთან შეხვედრას ითხოვენ. მათი განცხადებით, გუნდს სერიოზული ფინანსური პრობლემები აქვს. აუცილებელია დროულად გამოინახოს თანხები, რათა მოხდეს გასულ სეზონში მოასპარეზე ფეხბურთელების დავალიანების დაფარვა. საუბარია 45 ათას ლარზე. როგორც ფეხბურთელები აცხადებენ, თუ დავალიანების დაფარვა დროულად არ მოხდება, შესაბამისი სპორტულ – ტექნიკური კომისია სანქციას აამოქმედებს და გუნდს 6 ქულა დააკლდება. შეკრებილების განცხადებით, ეს გუნდის სატურნირო მდგომარეობას უკიდურესად გააუარესებს და ფოთი საფეხბურთო სპორტული ორბიტიდან საბოლოოდ გაქრება.

იხილე მეტი
სიახლე 

ფოთში თეატრალური გაზეთი ,,კომედიანტები,, გამოიცა 12 07 19

ფოთის თეატრის სამხატვრო ხელმძღვანელის, რამაზ იოსელიანის ინიციატივით თეატრის გაზეთი – ,,კომედიანტები“ დაიბეჭდა. მასში თეატრის ისტორიაა ასახული. პუბლიკაციებში დღევანდელი და ასევე სამომავლო გეგმების შესახებ არის მოთხრობილი. მკითხველს საშუალება აქვს შეიხედოს კულისებში და თითოეული მსახიობი უფრო ახლოს გაიცნოს. გაზეთი პერიოდულად 3 თვეში ერთხელ გამოვა.

იხილე მეტი
სიახლე 

ფოთში „ძალადობის ჯაჭვი“ – პროექტის პრეზენტაცია გაიმართა 12 07 19

კულტურულ-ჰუმანიტარული ფონდი “სოხუმი”-ის მობილიზატორი იამზე გორგოტაძე დღეს საკრებულოს სხდომათა დარბაზში, სამთავრობო და არასამთავრობო სექტორში მოღვაწე აქტიურ და წარმატებულ ქალბატონებს შეხვდა. შედგა გამარჯვებული პროექტის – “ძალადობის ჯაჭვი” პრეზენტაცია და პროექტის ფარგლებში ჩამოყალიბდა ქალთა კლუბი, რომლის მიზანი ერთობლივი კოორდინირებული მუშაობა, ძალადობის დაფარული ფორმების პრევენცია, საკითხის ადვოკატირება და საზოგადოების ცნობიერების ამაღლებაა. პროექტის ხანგრძლივობა შეადგენს 6 თვეს და შედგება 14 აქტივობისაგან. პროექტი დაფინანსებულია გერმანიის ორგანიზაცია “BROT” -ის მიერ.

იხილე მეტი
სიახლე 

კოლხეთის ეროვნულ პარკში შემეცნებითი ტური მოეწყო 12 07 19

სამოქალაქო განვითარებისა და ინტეგრაციის ცენტრში, საზაფხულო სკოლის ფარგლებში, კოლხეთის ეროვნულ პარკში შემეცნებითი ტური მოეწყო, სადაც მოწაფეებს ეროვნული პარკის მნიშვნელობა გააცნეს, მიაწოდეს ინფორმაცია კოლხეთის დაბლობისათვის დამახისიათებელი ფლორისა და ფაუნის თავისებების, ასევე გადამფრენი ფრინველების მნიშვნელობის შესახებ. ინგლისური ენის შესწავლის ხელმისაწვდომობის სასტიპენდიო პროგრამის ფარგლებში მონაწილეები ივითარებენ ლიდერულ უნარჩვევებს, იუმჯობესებენ ინგლისური ენის ცოდნას და ეცნობიან ამერიკელი თანატოლების ცხოვრების წესს. 15 ივლისიდან სამოქალაქო განვითარებისა და ინტეგრაციის ცენტრში საზაფხულო აქტივობებში მოსწავლეების ახალი ნაკადი ჩაერთვება.

იხილე მეტი
სიახლე 

ფოთში საქალაქთაშორისო ხაზზე მომუშავე ტრანსპორტის მძღოლები გაიფიცნენ 12 07 19

დღეს ფოთიდან ყველა მიმართულებით, საქალაქთაშორისო რეისებზე მიკრო ავტობუსის მძღოლებმა მიმოსვლა შეაჩერეს. ცენტრალურ ავტოსადგურში, რომელიც გეგიძეს ქუჩაზე მდებარეობს, მიკრო ავტობუსის მძღოლები გაიფიცნენ. ისინი ადგილობრივი ხელისუფლების მოთხოვნას აპროტესტებენ. მათი თქმით, მერიის ზედამხედველობის სამსახური, მძღოლებს, კერძო პირისგან იჯარით აღებული ავტოსადგურის, რეაბილიტაციას სთხოვს. შეუსრულებლობის შემთხვევაში კი საჯარიმო სანქცია დაეკისრებათ. როგორც მძღოლები თავად აცხადებენ, სარემონტო სამუშაოების დაწყებას არ გეგმავენ, ვინაიდან ავტოსადგურის ტერიტორია და შენობა მეპატრონემ უნდა მოაწესრიგოს. ავტოსადგურის ადმინისტრაცია, ხელისუფლების მხრიდან მათზე დაკისრებული მოვალეობის გაუქმებას ან ალტერნატიული ფართის გამოყოფას ითხოვდა, სადაც თავიანთი ხარჯებით ახალ ავტოსადგურს ააშენებდნენ. მოგვიანებით, ფოთში, საქალაქთაშორისო რეისებზე მომუშავე მიკროავტობუსების მძღოლებმა მუშაობა განაახლეს.…

იხილე მეტი
სიახლე 

ფოთში ავტომობილების ტექნიკური დათვალიერების სააგენტო გრინვეი მუშაობას იწყებს 12 07 19

ფოთში სს ,,გრინვეი საქართველო“- ს საზაფხულო კამპანიის ფარგლებში შეხვედრა გაიმართა. სამეგრელო – ზემო სვანეთის მხარის გუბერნატორის მოადგილე ადგილობრივი ხელისუფლების წარმომადგენლებთან ერთად „გრინვეი საქართველოს” ფოთის ტექნიკური ინსპექტირების ცენტრს ესტუმრა. ისინი სამუშაო პროცესს გაეცნენ და საქართველოს ავტოინდუსტრიაში მიმდინარე ერთ-ერთი ყველაზე მნიშვნელოვანი რეფორმა, ავტომობილების სავალდებულო ტექნიკური ინსპექტირების მიმდინარეობა შეაფასეს. სს „გრინვეი საქართველოს“ გენერალურმა დირექტორმა, ვახტანგ ებიტაშვილმა,, ადგილობრივი მთავრობის წარმომადგენლებს ზაფხულის კამპანიის ფარგლებში გამოცხადებული სტაჟირების პროგრამა გააცნო. მისი თქმით, სს „გრინვეი საქართველო“ 16 ადგილობრივ მუნიციპალიტეტში მოსახლეობას ორთვიან უფასო სტაჟირების პროგრამას სთავაზობს. ინტენსიური გადამზადების ფარგლებში სტაჟიორები ინსპექტირების ძირითად სტანდარტებსა და პრინციპებს შეისწავლიან. კომპანიამ დარგის განვითარებაში…

იხილე მეტი