სიახლე 

ფოთში ახალი მეტეორადიოლოკატორი ამოქმედდა 21 03 19


ფოთში ახალი მეტეორადიოლოკატორი ამოქმედდა. გახსნის ცერემონიას ეკონომიკისა და მდგრადი განვითარების მინისტრის მოადგილე აკაკი საღირაშვილი, ეკონომიკის სამინისტროს ტრანსპორტის და ლოჯისტიკის დეპარტამენტის უფროსი ქეთევან სალუქვაძე, ადგილობრივი ხელისუფლების წარმომადგენლები და სხვა ოფიციალური პირები დაესწრნენ. აკაკი საღირაშვილის განცხადებით, დღეიდან საქართველოში, მსოფლიო მასშტაბით, ერთ-ერთი საუკეთესო წინასწარი მეტეო გაფრთხილების სისტემა იფუნქციონირებს. ეკონომიკის სამინისტრომ შპს “საქაერონავიგაციასთან” ერთად, ფოთში ახალი მეტეორადიოლოკატორის დამონტაჟებით, დაასრულა ერთიანი საავიაციო მეტეოროლოგიური სისტემის შექმნის უმნიშვნელოვანესი პროექტი, რომელმაც სრულყოფილი გახადა საავიაციო მეტეო ინფორმაციის მოპოვება. ფოთში დამონტაჟებული X-დიაპაზონის მაგნეტრონის მეტეოროლოგიური სარადარო სისტემის საერთო ღირებულება 3 მილიონ ლარს აჭარბებს.

მსგავსი სტატიები

Facebook