Author: Administrator

ფოთში , 9 აპრილის ხეივანზე , ჩატარდა 2017 წლის სასკოლო სპორტული ოლიმპიადის ფოთის პირველობა მძლეოსნურ გეზრბენში, რომელშიც მონაწილეობა მიიღეს ქალაქ ფოთის საჯარო და კერძო სკოლების გოგონათა და ვაჟთა გუნდებმა.
პირველი ადგილის მფლობელი ვაჟებში მე- 6 საჯარო სკოლა გახდა ,ხოლო გოგონებში მე- 4 საჯარო სკოლის მოსწავლეები.
შეჯიბრი ქალაქ ფოთის მუნიციპალიტეტის მერიის სპორტისა და ახალგაზრდულ საქმეთა სამსახურის ორგანიზებით მოეწყო.
პროგრამა საქართველოს სპორტისა და ახალგაზრდობის საქმეთა სამინისტროს ხელშეწყობით, საქართველოს განათლებისა და მეცნიერების სამინისტროს და ადგილობრივი ხელისუფლების მხარდაჭერით ხორციელდება.
გამარჯვებული მოსწავლეები ქალაქის მერმა ირაკლი კაკულიამ დააჯილდოვა.

იხილე მეტი

ქ. თბილისში დასრულდა ტიგრან პეტროსიანის მემორიალი. ტურნირში ბრწყინვალედ იასპარეზეს ფოთელმა მოჭადრაკეებმა: 8 წლის ჭაბუკთა შორის 1-ლი ადგილი მოიპოვა გიორგი კვარაცხელიამ. 7 წლის გოგონათა შორის ასევე პირველი იყო ბარბარე კულუა, მანვე 8 წლის გოგონათა შორის მე-3 ადგილი დაიკავა. გამარჯვებულ მოჭადრაკეებს გადაეცათ თასები, მედლები და ფულადი პრიზები.

იხილე მეტი

საქართველოს პროკურატურამ ანტინარკოტიკული კამპანიის კვირეული 2017 წლის 20 მარტიდან დაიწყო. კვირეულის ფარგლებში საქართველოს პროკურატურის წარმომადგენლებმა ნარკოტიკული საშუალებების მოხმარების გამომწვევი მიზეზების შესახებ ჩატარებული კვლევის შედეგების პრეზენტაცია საქართველოს სხვადასხვა რეგიონში სკოლის მოსწავლეებთან და უმაღლესი სასწავლებლების სტუდენტებთან გამართეს.

იხილე მეტი

ფონდი \”ქველმოქმედი 2015\” –ისა და ა.ხორავას სახელობის სახელოვნებო სასწავლებლი ერთობლივი ორგანიზებით დღეს ამავე საწავლებელში საქველმოქმედო კონცერტი შედგა , ჩვენი თანაქალაქელის – ჯგუფ \”ნიუტონის\” სოლისტისა და მსოფლიო რეკორდსმენის – თამარ (ბაბი) ბაბილუას ჯანმრთელობის მდგომარეობის გასაუმჯობესებლად.
საქველმოქმედო კონცერტზე შემოწირულმა თანხამ დღეს შეადგინა 745 ლარი (შემომწირველები: შპს \”ტრანსფორდი\” – 500 ლარი, სასწავლებლის პედაგოგები, მოსწავლეები და მშობლები – 245 ლარი)
1345 ლარი მიეწოდა ოჯახს საერთო ჯამში ფონდი \”ქველმოქმედი 2015\”–ის, სახელოვნებო სასწავლებლისა და მოსწავლე–ახალგაზრდობის ცენტრის მიერ ერთობლივად ორგანიზებული კონცერტებიდან.
უღმესი მადლობა თითოეულ მონაწილეს, შემომწირველსა და თანამდგომს – უანგარო მხარდაჭერისათვის.

იხილე მეტი

ფოთის ვალერიან გუნიას სახელობის სახელმწიფო დრამატულ თეატრში სალვომირ მროჟეკის პიესის მიხედვით სპექტაკლი \”ჩარეცხილები\” გაიმართება

იხილე მეტი

ფოთში მალთაყვის სანაპირო ზოლის მშენებლობის პირველი ეტაპი სრულდება, – მიმდინარე სამუშაოები დღეს საქართველოს პრემიერ-მინისტრმა გიორგი კვირიკაშვილმა დაათვალიერა.
უკვე მოწყობილია 3 კილომეტრამდე სიგრძის ახალი პლაჟი, ხოლო პროექტის დასრულების შემდეგ მალთაყვას 7-კილომეტრიანი კეთილმოწყობილი პლაჟი ექნება.
პრემიერმა აღნიშნა, რომ მალთაყვის საკურორტო-რეკრეაციული ზონის განახლება მნიშვნელოვნად შეუწყობს ხელს, როგორც ეკოლოგიური მდგომარეობის გაუმჯობესებას, ასევე – მალთაყვის საკურორტო ზონაში ტურიზმის განვითარებას.

იხილე მეტი

ფოთში, საქართველოს პარლამენტის გარემოს დაცვისა და ბუნებრივი რესურსების კომიტეტის სხდომა გაიმართა. კომიტეტის წევრები ადგილობრივ მეწარმეებს, მონადირეებს და მეთევზეებს შეხვდნენ. მათი პრობლემები მოისმინეს და გადაჭრის გზებზე იმსჯელეს. შეხვედრა კითხვა -პასუხის რეჟიმში წარიმართა. მონადირეებმა ბუფერული ზონის მოხსნა და პალიასტომის ტბაზე ძრავიანი ნავებით გადაადგილების უფლება მოითხოვეს.

იხილე მეტი

2011 წლიდან, ყოველ 21 მარტს, მსოფლიო დაუნის სინდრომის მქონე ადამიანების საერთაშორისო დღეს აღნიშნავს.
კამპანიას „მეგობრები ქრომოსომებს არ ითვლიან“ ფოთის მუნიციპალიტეტის მერი ირაკლი კაკულია , მაჟორიტარი დეპუტატი ირაკლი ხახუბია და საკრებულოს თავმჯდომარე ალექსანდრე თოფურია შეუერთდნენ და „მზის ბავშვებს“ თანადგომა გამოუცხადეს.
ამ დღესთან დაკავშირებით ქალაქის ხელმძღვანელმა პირებმა კოალიცია \”სოციალური რეფორმებისათვის\” შშმ ბავშვთა \”დღის ცენტრი\”-ს აღსაზრდელები მოინახულეს,სიმბოლური საჩუქრები გადასცეს და მათთან ერთად სამახსოვრო ფოტოები გადაიღეს.

იხილე მეტი

ქალაქში სტუმრად იმყოფება ფოთთან დამეგობრებული, ისრაელის ქალაქ კირიატ-იამის დელეგაცია, რომლის შემადგენლობაში არიან კირიატ-იამის ვიცე-მერი მორდი ფიზიცკი,ხაიფისა და ჩრდილოეთ ოლქის ქართულ – ებრაული კულტურისა და ხელოვნების ცენტრის თავმჯდომარე, ფოთის საპატიო მოქალაქე -შოთა წვენიაშვილი, მსოფლიო ხალხთა ეროვნული და კლასიკური ცეკვების \”ფესტივალ კარმიელის\” საზოგადოების პრეზიდენტი-აჰარონ სოლომონი და კულტურის სფეროს წარმომადგენლები.

იხილე მეტი

ფოთის მუნიციპალიტეტში დასუფთავების აქცია გაიმართა,რომელიც ქალაქის მერის ირაკლი კაკულიას ინიციატივით მოეწყო.
დასუთავების აქციაში, ამჯერად , შსს დაცვის პოლიციის ფოთის სამმართველოს თანამშრომლები ჩაერთნენ.
აქციის ფარგლებში საყოფაცხოვრებო ნარჩენებისგან დასუფთავდა ქალაქის შემოსასვლელი გზები (ნაბადის და მალთაყვის ტერიტორია).
ფოთის მერის ირაკლი კაკულიას განცხადებით , დასუფთავების აქცია ქალაქში ყოველ შაბათს ეწყობა და ამ ინიციატივას მერიის სამსახურებთან ერთად სხვა უწყების წარმომადგენლებიც შემოურთდნენ.

იხილე მეტი