არჩილ ხორავას სასწავლებლის მოსწავლეების წარმატება
არჩილ ხორავას სახელობის სახელოვნებო სასწავლებლის მოსწავლემ ლიკა ცაავამ ყაზახეთის ქალაქ პავლოდარში გამართულ პირველი საერთაშორისო კონკურსში უდიდეს წარმატებას მიაღწია რახმანინოვის 145 წლის იუბილესადმი მიძღვნილ ღონისძიებაში რომელიც 18-დან 25 თბერვლამდე ჩატარდა მოწვეული იყვნენ ევროპის და აზიის ქვეყნების უნიჭიერესი პიანისტები.ლიკა ცაავამ რახმანინოვის ნაწარმოებების ბრწყინვალე შესრულებით მეორე საპრიზო ადგილი დაიკავა .
ასევე აღსანიშნავია სასწავლებლის აღსაზრდელის 11 წლის თაკო გურგენაძეს წარმატება კონკურსში “ნორჩი ვირტუოზები “ რომელიც თბილისში, ევგენი მიქელაძის სახელობის სამუსიკო სასწავლებელში გაიმართა. მან მეორე საპრიზო ადგილი დაიკავა, წარმატებული გამოდგა 2017 წელი, არჩილ ხორავას სახელობის სახელოვნებო სასწავლებლის დირექტორისთვის ლია ეჯიბიასთვის, რომელსაც კომპოზიტორთა კავშირში წლის საუკეთესო პედაგოგის წოდება მიანიჭა ქართული კლასიკური მუსიკის განვითარების კავშირმა „ჰარმონიამ“.
აღსანიშნავია რომ ლიკა ცაავა და თაკო გურგენაძე საფორტეპიანო ხელოვნებას ლია ეჯიბიას ხელმძღვანელობით ეუფლებიან
