გაიზარდა თუ არა ფასები პროდუქტებზე 16 03 22
უკრაინაში არსებული მძიმე საომარი მდგომარეობისა და ,შემცირებული იმპორტის ფონზე,საქართველოში გარკვეულ პროდუქტებზე ფასებმა იმატა.
შაქარი ბურღულეული და თამბაქო. მარკეტებში ამ პროდუქციის შეძენაზე,გასულ კვირას, სპეციალური რეგულაციებიც ამოქმედდა.
ფოთის აგრარული ბაზრის დირექტორი ,ნოდარ კორსანტია შექმნილ ვითარებას ხელოვნურად შექმნილ აჟიოტაჟს უწოდებს.
მან ასევე ყურადღება გარევაჭრობაზე გაამაახვილა და ადგილობრივ ხელისუფლებას და ზედამხედველობის სამსახურს ყურადღებისკენ მოუწოდა
,,პროდუქტებზე ეს აჟიოტაჟი ხელოვნურად შეიქმნა, ჩვენთან მარკეტ ,,უნივერსამი’’-ში მხოლოდ ზეთი არის მომატებული 10% სხვა პროდუქტებზე ფასები გაზრდილი არ არის, რაც შეეხება ხილ- ბოსტნეულს საერთოდ არ არის დეფიციტი და არც ფასები გაზრდილა.- აღნიშნა ნოდარ კორსანტიამ
როგორც აგრარული ბაზრის დირექტორმა აღნიშნა,როდესაც ქალაქში სოფლის პროდუქტი შემოვა,ყველაფერი კიდევ უფრო გაიაფდება.
როგორც მოვაჭრები აცხადებენ, ადრინდელთან შედარებით გარკვეულ პროდუქტებზე მოთხოვნა შემცირდა, მაგალითად ხორცზე და ყველზე.ამასთან პროდუქტებზე ფასები მკვეთრადაა მომატებული,ხოლო მყიდველთა რაოდენობა შემცირებულია,რაც თავისთავად ქალაქში არსებულ არასახარბიელო ეკონომიკურ მდგომარეობაზე მიუთითებს.
შეგახსენებთ რომ საქართველოში გარკვეული სახის პროდუქტებზე ფასებმა საგრძნობლად იმატა,ამასთან ამოქმედებული იყო რეგულაციები,რომლის თანახმადაც, ერთ ადამიანზე მხოლოდ 5 კილოგრამი შაქრისა და ბურღულის გაცემა დაიშვებოდა.
