Author: Administrator

ფოთში ტრენინგი სახელწოდებით ,,დებატების ხელოვნება და ემოციური ინტელექტი\” გაიმართა, რომელსაც ქალაქის ყველა საჯარო და კერძო სკოლის 80- მდე მოსწავლე ესწრებოდა. აღნიშნულ თემასთან დაკავშირებით ახალგაზრდებს „სი დი ეს აი“-ს დამფუძნებელი მანჩო კობიძე ესაუბრა .შეხვედრა ინტერაქტიულ რეჟიმში წარიმართა. ტრენინგი, არასამთავრობო ორგანიზაცია ,,ჯი ეი თის\” და ქალაქ ფოთის მერიის კულტურის, განათლების, ძეგლთა დაცვის, სპორტისა და ახალგაზრდულ საქმეთა სამსახურის ერთობლივი პროექტის ფარგლებში ჩატარდა.

ფოთის საჭადრაკო კლუბში \”ნანა\”-ს სატურნირო დარბაზში სამეგრელო-ზემო სვანეთის რეგიონის ჩემპიონატი იმართება. შეჯიბრება ასაკობრივ ჯგუფში 27 იანვარს დაიწყო და 30 იანვარს დასრულდება. მასში ფოთის, ზუგდიდის, ხობისა და სენაკის 70-ზე მეტი მოჭადრაკე მონაწილეობს. ჩემპიონატი შვეიცარიული სისტემით 7 ტურად ტარდება.

ფოთელმა მოჭიდავემ გივი ნადარეიშვილმა საქართველოს 2018 წლის ეროვნულ ჩემპიონატზე პირველი ადგილი დაიკავა. ის 52 კილოგრამ წონით კატეგორიაში ასპარეზობდა. ჩემპიონატი თბილისში ,,ნიუ თბილისის”არენაზე გაიმართა, რომელშიც საქართველოს საუკეთესო სამბისტები მონაწილეობდნენ.

გარემოს დაცვისა და სოფლის მეურნეობის მინისტრის მოადგილე გიორგი ჩხაიძე და შპს \”საქართველოს მელიორაციის\” გენერალური დირექტორი არჩილ ბუკია, მხარის გუბერნატორთან და ადგილობრივი ხელისუფლების წარმომადგენლებთან ერთად, წყალმარეგურილებელ ნაგებობაზე არსებულ ვითარებას ადგილზე გაეცნენ. ობიექტი შპს \”საქართველოს მელიორაციის\” საკუთრებაში 2017 წლის 1 დეკემბერს გადავიდა. უწყების ინფორმაციით მდგომარეობის დეტალურმა შესწავლამ ცხადყო,რომ წყალდიდობის შემთხვევაში, ფოთისა და ხობის მუნიციპალიტეტის სოფლების დატბორვის საშიშროება რეალურად არსებობს.მინისტრის მოადგილის განაცხადებით, უახლოეს დღეებში გამოვლენდება ტენდერში გამარჯვებული კომპანია,რომელიც რამდენიმე კვირაში სარეაბილიტაციო სმუშაოების პირველ ეტაპს განახორციელებს.ობიექტის რეაბილიტაციისთვის 1 367 815-მდე ლარი დაიხარჯება.

ფოთში ტუბერკულიოზის, შიდსისა და c ჰეპატიტის გამოვლენისა და სკრინინგის პილოტური პროგრამის განხორციელება იწყება. ქალაქის მუნიციპალიტეტის მერიაში, აღნიშნულთან დაკავშირებით საინფორმაციო შეხვედრა გაიმართა. შეხვედრას მერის მოადგილე მამუკა პაპასკირი, ა(ა)იპ ,,საზოგადოებრივი ჯანდაცვის ცენტრის“-ს ხელმძღვანელი ნანა მხეიძე და სამედიცინო სფეროს წარმომადგენლები ესწრებოდნენ.

ფოთში, მეთევზეებმა აქცია გამართეს. ისინი თევზჭერაზე კვოტების გაზრდას მოითხოვენ.აქციის მონაწილეებმა ადგილობრივი ხელისუფლებისგან შესაბამის უწყებებთან შუამავლობა და აღნიშნული საკითხის დარეგულირება მოითხოვეს.

დღეს ფოთის საჯარო ბიბლიოთეკაში საქართველო-ევროკავშირის ურთიერთობასა და ვიზალიბერალიზაციის მნიშვნელობაზე დისკუსია გაიმათა. შეხვედრა საქართველოს უსაფრთხოების და განვითარების ცენტრის ინიციატივით შედგა,რომელსაც მერის მოადგილე, გიორგი ფარეშიშვილი, ადმინისტაციული სამსახურის უფროსი და საზოგადოების წარმომადგენლები ესწრებოდნენ.

სამაუწყებლო ტელე-რადიო კომპანია „მეცხრე ტალღის“ ოფისში,აფხაზეთიდან იძულებით გადაადგილებულმა პირმა იზოლდა ტყებუჩავამ მოგვმართა.მისი თქმით საცხოვრებელი ფართის ქირისა და კოლუნალური გადასახადების დასაფარავად არანაირი სახსრები არ გააჩნია.ის დახმარებას ხელისუფლებისგან ითხოვს.

მე-11 სკოლამდელ სააღმზრდელო დაწესებულებაში სარემონტო სამუშაოები მიმდინარეობს. ბაღში სულ ხუთი ასაკობრივი ჯგუფი ფუნქციონირებს, რეაბილიტაცია ერთერთი ჯგუფის სამზარეულოს და საპირფარეშოს უტარდება. ბაღის გამგის ნანა ალასანიას თქმით, სარემონტო სამუშაოები დანარჩენ ჯგუფებში ეტაპობრივად განხორციელდება.