Category: სიახლე

ფოთში, ჯავახიშვილის ქუჩის მცხოვრებლებმა საპროტესტო აქცია გამართეს. რამდენიმე წუთის განმავლობაში ბლოკირებული იყო სატრანსპორტო მაგისტრალი. აქციის მონაწილეებმა, მძიმეწონიანი მანქანების გადაადგილება გააპროტესტეს. მათი განცხადებით, აღნიშნული მანქანებით ჯანმრთელობისთვის საშიში ნივთიერებების ტრანსპორტირება უსაფრთხოების ნორმების დარღვევით ხორციელდება. მათივე თქმით, მერიას აღნიშნულთან დაკავშირებით რამდენჯერმე მიმართეს, თუმცა უშედეგოდ. შეკრებილებთან ფოთის მერი, გოჩა კურდღელია და ადგილობრივი ხელისუფლების წარმომადგენლები მივიდნენ. როგორც მათ განაცხადეს, საკითხის შესწავლა მიმდინარეობს, რაშიც ყველა შესაბამისი უწყებაა ჩართული. ადგილზე მობილიზებულნი იყვნენ სამართალდამცველები. საკითხის მოუგვარებლობის შემთხვევაში, ჯავახიშვილის ქუჩის მცხოვრებლები აქციების გამართვით იმუქრებიან.

იხილე მეტი

ფოთში წყალარინების ქსელის რეაბილიტაციის სამუშაოები რამდენიმე თვეა მიმდინარეობს. ამჯერად, გრუნტის გაუწყლოვნება და მთავარი მილის დამონტაჟება ექვს უბანზე ერთდროულად ხორციელდება, მათ შორის ნაბადის უბანში, ჭავჭავაძის ქუჩაზე. TAHAL GROUP-ის კონსტრაქტის ინჟინერის, მილან ნედელკოვიჩის განცხადებით, სადაწნეო მილების დამონტაჟების შემდეგ, მეორე ეტაპი _ თვითდინებითი მილების დამონტაჟება დაიწყება. საკანალიზაციო სისტემის მშენებლობაზე დასაქმებულთა უმრავლესობას ადგილობრივი მოსახლეობა შეადგენს. როგორც მშენებლობის უფროსმა ინჟინერმა, იგორ სამურკასოვმა განაცხადა, ამ ეტაპზე 6 ბრიგადა მუშაობს, მაისის თვეში კი მუშახელი გაიზრდება და საერთო ჯამში 9 ბრიგადა განახორციელებს დაკისრებულ დავალებას. კომპანია „TAHAL GROUP“-ის წარმომადგენლების თქმით, ხელშეკრულების მიხედვით, თანამედროვე სტანდარტების შესაბამისი წყალარინების ქსელის მოწყობა მთელი…

იხილე მეტი

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ცნობით, 21 აპრილის ჩათვლით მოსალოდნელია წვიმა, და სამხრეთ-დასავლეთის მიმართულების ქარი. აცივდება და ჰაერის ტემპერატურა +7° დაეცემა.

იხილე მეტი

,,კურსორის” სტუმარია, რეჟისორი ნიკა ჩიკვაიძე, ქუთაისის ლადო მესხიშვილის სახელობის პროფესიული სახელმწიფო დრამატული თეატრის მსახიობი ენდი ძიძავა და ფოთის ვალერიან გუნიას სახელობის პროფესიული სახელმწიფო თეატრის მსახიობი ირაკლი კვერღელიძე. მოწვეულმა სტუმრებმა, ფოთის ვალერიან გუნიას სახელობის პროფესიულ თეატრში გამართული სპექტაკლის „მარინა რევიას“ პრემიერის შესახებ ისაუბრეს.

იხილე მეტი

ქალაქ ფოთის მუნიციპალიტეტის მერიის მოწვევით, ფოთს ფერეიდნელი ქართველი ისტორიკოსი, საიდ მულიანი ესტუმრა. დედა ენის დღისადმი მიძღვნილი კვირეულის ფარგლებში, ახალი საქართველოს უნივერსიტეტის საკონფერენციო დარბაზში ისტორიკოსის ლექცია გაიმართა, სადაც ქართული ენის ისტორიაზე ისაუბრა. როგორც საიდ მულიანმა აღნიშნა, რაც მთელს მსოფლიოში ქართველებს აკავშირებს არის ენა – წმინდა ქართული. მისივე თქმით, ქართველები ვიდრე ქრისტიანები გახდებოდნენ ქართულად ლაპარაკობდნენ. დამსწრე საზოგადოებას საიდ მულიანმა ფერეიდნელი ქართველების ისტორია, მათი დღევანდელი ყოფა, კულტურა და ცხოვრება გააცნო.

იხილე მეტი

როგორ უნდა გააგრძელოს დედამ ცხოვრება, რომელსაც 15 წლიანი პატიმრობის შემდეგ, სახლში სიცივე ხვდება. გაუცხოებული საყვარელი ადამიანები, ღრმად დამარხული ხსოვნა და უიმედო მოლოდინი – სწორედ ამ თემაზე გვიყვება სპექტაკლი „მარინა რევია“, რომელიც ფოთის პროფესიულ სახელმწიფო თეატრში, ალექსი ჩიღვინაძის პიესის მიხედვით, რეჟისორმა ნიკა ჩიკვაიძემ დადგა. წარმოდგენაში მთავარ როლს ქუთაისის სახელმწიფო თეატრის დასის წევრი, ენდი ძიძავა ასრულებს. სცენიდან ერთბაშად მოდიოდა ზიზღი და სიყვარული, თანაგრძნობა და ირონია, სევდა და შიში… შიში ადამიანად ყოფნის გამო.საპრემიერო ჩვენებამ ანშლაგით ჩაიარა.

იხილე მეტი

კოლხური კულტურის მუზეუმში, N1 საჯარო სკოლის მოსწავლეებმა ლიტერატურული საღამო „9 აპრილიდან 9 აპრილამდე“ გამართეს, რომელიც 1989 წლის 9 აპრილისა და 1991 წლის 9 აპრილის მოვლენებს მიუძღვნეს. მოსწავლეებმა ისაუბრეს, საქართველოს პირველი პრეზიდენტის, ზვიად გამსახურდიასა და ეროვნული გმირის, მერაბ კოსტავას დამსახურებაზე საქართველოს დამოუკიდებლობის მოპოვების საქმეში. ღონისძიებაზე ზვიად გამსახურდიას თანამებრძოლები სიტყვით გამოვიდნენ. მათ პირველ პრეზიდენტთან ერთად გატარებული დღეები და 9 აპრილის ტრაგიკული მოვლენები გაიხსენეს. მოწვეულ სტუმრებს შორის იყვნენ, ეროვნულ – განმათავისუფლებელი მოძრაობის მაშინდელი აქტიური წევრები, შორენა ჭოჭუა, მირანდა ბარამიძე და გვარდიის ხელმძღვანელი გურამ ლაკია.

იხილე მეტი

ჩვენი სტუმარია ქალაქ ფოთის მუნიციპალიტეტის მერიის ჯანმრთელობისა და სოციალური დაცვის სამსახურის უფროსი, მაია მაკალათია. მან ჯანმრთელობისა და სოციალური კუთხით არსებულ პრობლემებზე, სოციალურ პროგრამებსა და გეგმებზე ისაუბრა.

იხილე მეტი

დედა ენის დღისადმი მიძღვნილი კვირეულის ფარგლებში, მეორე საჯარო სკოლაში ღონისძიება გაიმართა. „ენა ვარ ქართული“ ამ სახელწოდებით, მუსიკალურ – მხატვრული კომპოზიცია სკოლის მასწავლებლებისა და მოსწავლეების ერთობლივი ძალისხმევით ჩატარდა. მოწვეულ სტუმრებს, მოსწავლეები სკოლის დერეფანში ქართული ფოლკლორული საკრავებით შესრულებული მუსიკით, ცეკვებითა და სიმღერებით შეეგებნენ და სკოლის დიდ დარბაზამდე მიაცილეს. სკოლის სცენაზე პედაგოგებმა დამსწრე საზოგადოებას მშობლიური ენის თემატიკაზე შექმნილი ლექსები და სხვადასხვა მუსიკალური ნომრები წარუდგინეს. ქართული ენის დღისადმი მიძღვნილი საღამო, მეორე საჯარო სკოლის პროექტით „მე ვწერ ვეფხისტყაოსანს“ დასრულდა. „ვეფხისტყაოსნის“ ხელნაწერ წიგნში ბოლო სტრიქონები მოწვეულმა სტუმრებმა ჩაწერეს. ღონისძიებას საგანმანათლებლო რესურსცენტრის წარმომადგენლები, ფოთის საჯარო სკოლების დირექტორები…

იხილე მეტი

დღეიდან ფოთისა და ყულევის სანაპიროზე ამინდის გაუარესებაა მოსალოდნელი. ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ცნობით, 19 აპრილის ჩათვლით მოსალოდნელია წვიმა, და სამხრეთ-დასავლეთის მიმართულების ქარი. 17 აპრილს სამხრეთ დასავლეთის ქარი დაქროლავს 15-18მ/წმ სიჩქარით. სინოპტიკოსები ზღვაზე 4-5 ბალიან ღელვას ელოდებიან. ასევე დაფიქსირდება მოღრუბლულობა, დროგამოშვებით წვიმა. ჰაერის ტემპერატურა მკვეთრად დაეცემა და დღისით: +9° +11°; ხოლო ღამით კი + 8° + 10° დაფიქსირდება. 18 აპრილს ასევე მოსალოდნელია სამხრეთ-დასავლეთის ქარი, რომელიც 5-10 მ/წმ სიჩქარით დაქროლავს. ზღვის ღელვა 3-4 ბალი დაფიქსირდება. მოსალოდნელია მოღრუბლული უმეტესად უნალექო ამინდი. ჰაერის ტემპერატურა დღისით +9° +11°, ხოლო ღამით…

იხილე მეტი