Category: სიახლე

,,მათი სიკვდილის მიზეზს სიცოცხლე ერქვა” – ამ სახელწოდებით გამართული ღონისძიება აფხაზეთის 21-ე საჯარო სკოლაში ჩატარდა. საღამო 1921 წლიდან დაწყებული აფხაზეთის, სამაჩაბლოსა და ოსეთის ომში, ბრძოლის ველზე დაცემული ქართველი ვაჟკაცების ხსოვნას მიეძღვნა. მუსიკალურ ლიტერატურული საღამო მუსიკის მასწავლებლის, მზია ადამიას ორგანიზატორობით გაიმართა, სადაც მე-4-დან მე-10-ე კლასის ჩათვლით მოსწავლეები მონაწილეობდნენ. მონაწილეებმა სიმბოლურად შექმნილი მავთულხლართები საერთო ძალისხმევით დაანგრიეს. ღონისძიებას მერიის წარმომადგენლები და დევნილთა სამსახურის წარმომადგენლები ესწრებოდნენ.

იხილე მეტი

საკრებულოს სხდომათა დარბაზში, მალთაყვის სანაპიროს სამკურნალო პოტენციალის შემსწავლელი ჯგუფის, პირველი შეხვედრა გაიმართა, რომელსაც მეცინიერებათა დოქტორი, პროფესორი შუქრი თავართქილაძე ესწრებოდა. მან ვრცლად ისაუბრა მაგნიტური ქვიშის უნიკალურობაზე და ამ მიმართულებით ჩატარებულ არაერთ კვლევაზე. როგორც შეხვედრაზე აღინიშნა, მუნიციპალიტეტი მოიძიებს თანხას, რათა მოხდეს ზღვისპირა 3 კმ სანაპირო ზოლის მაგნიტური ველის გამოკვლევა, შესაბამისი სინჯების აღება, ლითოლოგიური და მინერალოგიური ანალიზების ჩასატარებლად. საკრებულოს თავმჯდომარის განცხადებით, მაგნიტური ქვიშის არსებობის დადგენის შემთხევაში, ფოთი სამკურნალო კურორტის მნიშვნელობას შეიძენს და ტურისტების დიდ ნაკადს მოიზიდავს.

იხილე მეტი

ფოთში, ნაბადის სანაპიროზე ადგილობრივმა მცხოვრებმა, ლაშა ხოჯავამ გადაშენების პირას მყოფი გიგანტური კუ იპოვა. როგორც ის ჰყვება, დილით ზღვაზე შეშის მოსაგროვებლად იყო წასული, ნაპირზე გამორიყული კუ შენიშნა, რომელიც არ მოძრაობდა. 70 კლიოგრამამდე წონის რეპტილია ხელის ურიკით სახლამდე მიიყვანა და ბათუმის დელფინარიუმს დაუკავშირდა. ლაშა ხოჯავა სამი შვილის მამაა. უმცროსს, 8 თვის ჩვილს, ჯამრთელობის პრობლემა შეექმნა. ის მწვავე პნევმონიის დიაგნოზით ქუთაისის საავადმყოფოს რეანიმაციულ განყოფილებაში იყო მოთავსებული, ექიმებმა მისი გადარჩენა სასწაულებრივად შესძლეს. როგორც ლაშა ხოჯავა ამბობს, ძალიან სჭირდება ფინანსური დახმარება, სწორედ ამ მიზეზით დარეკა დელფინარიუმში, თუმცა თანხის გადახდაზე რომ მივიდა საქმე, კუს წაყვანაზე უარი…

იხილე მეტი

ხმაური იყო დღეს ფოთის აგრარულ ბაზარში. შინაური ფრინველების რეალიზატორებმა პროტესტის ნიშნად გზა გადაკეტეს. მათი განცხადებით, ბაზრის ადმინისტრაცია ადგილის დატოვებას სთხოვს, რადგან ფრინველების ამ ფორმით ვაჭრობა სტანდარტებს არ შეესაბამება. მოვაჭრეები ამბობენ, რომ ეს მათი თავის რჩენის ერთადერთი საშუალებაა. „გვეუბნებიან გადით აქედან და სადღაც ჩიხში გვთავაზობენ გადასვლას, სადაც ვაჭრობა შეუძლებელია, ფრინველი ღია სივრცეში უნდა იყოს. ჩვენი მოთხოვნაა აღდგომამდე დაგვრთონ ნება აქ ვაჭრობის, შემდეგ დროებით გადავალთ იქ სადაც გვეტყვიან და რეაბილიტაციის დასრულების შემდეგ ისევ უკან დავბრუნდებით“ _ განაცხადა მარიამ კუპრავამ. აღნიშნულთან დაკავშირებით ბაზრის ადმინისტრაციაში კომენტარს არ აკეთებენ.

იხილე მეტი

ახალი საქართველოს უნივერსიტეტში, კავკასიური ფილოსოფიისა და თეოლოგიის სამეცნიერო-კვლევითი არქივის ახალი გამოცემების პრეზენტაცია გაიმართა. სამეცნიერო ღონისძიებაზე სიტყვით გამოსვლისას, უნივერსიტეტის პროფესორებმა ორი ახალი წიგნი: მიტროპოლიტი კალისტე უეარის „შესაქმის მართლმადიდებლური ხედვა“ და კრებული – „ჰეგელის რელიგიის ფილოსოფია“ დამსწრე საზოგადოებას წარუდგინეს და ამ წიგნების გამოცემის მნიშვნელობაზე ისაუბრეს. პრეზენტაციას ახალი საქართველოს უნივერსიტეტის სტუდენტებთან ერთად სხვადასხვა უნივერსიტეტებიდან მოწვეული სტუდენტები და სასულიერო პირები ესწრებოდნენ.

იხილე მეტი

ფოთში ახალი მეტეორადიოლოკატორი ამოქმედდა. გახსნის ცერემონიას ეკონომიკისა და მდგრადი განვითარების მინისტრის მოადგილე აკაკი საღირაშვილი, ეკონომიკის სამინისტროს ტრანსპორტის და ლოჯისტიკის დეპარტამენტის უფროსი ქეთევან სალუქვაძე, ადგილობრივი ხელისუფლების წარმომადგენლები და სხვა ოფიციალური პირები დაესწრნენ. აკაკი საღირაშვილის განცხადებით, დღეიდან საქართველოში, მსოფლიო მასშტაბით, ერთ-ერთი საუკეთესო წინასწარი მეტეო გაფრთხილების სისტემა იფუნქციონირებს. ეკონომიკის სამინისტრომ შპს “საქაერონავიგაციასთან” ერთად, ფოთში ახალი მეტეორადიოლოკატორის დამონტაჟებით, დაასრულა ერთიანი საავიაციო მეტეოროლოგიური სისტემის შექმნის უმნიშვნელოვანესი პროექტი, რომელმაც სრულყოფილი გახადა საავიაციო მეტეო ინფორმაციის მოპოვება. ფოთში დამონტაჟებული X-დიაპაზონის მაგნეტრონის მეტეოროლოგიური სარადარო სისტემის საერთო ღირებულება 3 მილიონ ლარს აჭარბებს.

იხილე მეტი

ფოთში, მწერალი ლაშა ბუღაძე იმყოფებოდა. ის მოსწავლე, ახალგაზრდებს პროექტ „მწერლები ევროპული ღირებულებისათვის“ ფარგლებში შეხვდა. მან საქართველოს ევროპულობის იდეაზე ისაუბრა და აღნიშნა, რომ ევროპა, ეს არის კატეგორია, რომელიც ცდება გეოგრაფიას. მისი თქმით ევროპული იდეები _ ადამიანის არჩევანის დაცულობა, კეთილდღეობა და რეალიზების თანაბარი შესაძლებლობაა. შეხვედრა „ევროპის ფონდის“ ორგანიზებით, ქალაქის ცენტრალური ბიბლიოთეკის დარბაზში გაიმართა.

იხილე მეტი

არასამთავრობო ორგანიზაცია „დიოსკურიას“ ოფისში, ქარგვის და ხელსაქმის შემსწავლელი ჯგუფის პრეზენტაცია გაიმართა, რომელსაც მოწვეულ სტუმრებთან ერთად საკრებულოს წარმომადგენები დაესწრნენ. „დიოსკურიას“ ხელმძვანელის განცხადებით, პროექტი ერთი თვეა რაც ამოქმედდა. მისი მიზანია დევნილ და სოციალურად დაუცველ ქალბატონებს თვითრეალიზებაში შეუწყოს ხელი.

იხილე მეტი

ფოთის მერიაში ფინანსთა სამინისტროს საგამოძიებო სამსახური შევიდა. მერიის საფინანსო სამსახურის უფროსის მოვალეობის შემსრულებლის, ვასილ თოდუას განცხადებით, აღნიშნული უწყება, მალთაყვის სანაპიროს რეაბილიტაციის პროექტის დოკუმენტაციით დაინტერესდა. საქმე ეხება 2015-2017 წლებში განხორციელებულ სამუშაოებს. ოპოზიციის მტკიცებით, ფოთის მერიაში, სახელმწიფო აუდიტის დასკვნის შემდეგ, ფინანსთა სამინისტროს შესვლა მოსალოდნელი იყო, რადგან აღმასრულებელ ხელისუფლებაში ძალზე სერიოზული დარღვევები გამოვლინდა. ფინანსთა სამინისტროს საგამოძიებო სამსახურში აცხადებენ, რომ ფოთის მერიაში მოსამართლის განჩინების საფუძველზე შევიდნენ. ამ ეტაპზე ამოღებულია შესაბამისი დოკუმენტაცია და მიმდინარეობს შესწავლა.

იხილე მეტი

ფოთში, 13 მრავალსართულიანი საცხოვრებელი სახლის 28 ლიფტს რეაბილიტაცია ჩაუტარდება. ეს გადაწყვეტილება საკრებულოს წევრებმა, მე-7 რიგგარეშე სხდომაზე ერთხმად მიიღეს. პროექტს რეგიონული განვითარების ფონდი დააფინანსებს. მისი ღირებუება 308 804 ლარს შეადგენს. როგორც სხდომაზე გაიჟღერა, ტენდერში გამარჯვებული კომპანია, ხელშეკრულების პირობის თანახმად, სამი წლის განმავლობაში, დაზიანების გარეშე ლიფტების მწყობრიდან გამოსვლის შემთხვევაში, ვალდებულია საკუთარი ხარჯებით, სარეაბილიტაციო სამუშაოები განახორციელოს.

იხილე მეტი