Category: სიახლე

ფოთის მერის მოადგილის ვაკანტური პოსტი, პაატა ლაგვილავამ დაიკავა. როგორც მან განაცხადა, ეს თანამდებობა ქალაქის მერმა გოჩა კურდღელიამ შესთავაზა, რაც მისთვის მოულოდნელი იყო. პატა ლაგვილავა 2005 – 2006 წწ-ში ქალაქ ფოთის მუნიციპალიტეტის მერიის ადმინისტრაციული სამსახურის იურიდიული განყოფილების მთავარ სპეციალისტად მუშაობდა. 2011 – 2013 წწ-ში CDIC „სამოქალაქო განვითარებისა და ინტეგრაციის ცენტრი“, გამგეობის წევრი იყო. 2013 – 2015 წწ-ში საჯარო სამსახურის პროფკავშირების თავმჯდომარის პოსტი ეკავა. 2006 – 2015 წწ-ში ქალაქ ფოთის მუნიციპალიტეტის მერიის ადმინისტრაციული სამსახურის იურიდიული განყოფილების უფროსი გახლდათ. შეგახსენებთ, რომ ფოთის მერის მოადგილემ კულტურის, სპორტისა და სოციალურ საკითხებში გიორგი ფარეშიშვილმა თანამდებობა პირველ…

იხილე მეტი

ფოთის საჭადრაკო კლუბ „ნანა“-ს მოჭადრაკეს, ელენე წოწონავას, ქალაქის მერი გოჩა კურდღელია შეხვდა. მას მორიგი წარმატება მიულოცა და სიმბოლური საჩუქრები გადასცა. შეგახსენებთ, რომ 13 წლის ელენე წოწონავა, 20 წლამდე გოგონათა შორის, საქართველოს ჩემპიონი გახდა. შეჯიბრება თბილისის, ნონა გაფრინდაშვილის სახელობის ჭადრაკის სასახლეში ჩატარდა. ელენე პირველი მოჭადრაკეა, რომელმაც ამ ასაკში, 20 წლამდელთა ეროვნული ჩემპიონატი მოიგო. ელენემ ამ გამარჯვებით მსოფლიოს ახალგაზრდული (20 წლის მოჭადრაკეთა შორის) ჩემპიონატის საგზური მოიპოვა, რომელიც 14-26 ოქტომბერს ინდოეთში გაიმართება.

იხილე მეტი

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 8 აპრილის ჩათვლით უნალექო ამინდი დაფიქსირდება და ჰაერის მაქსიმალური ტემპერატურა +21° მიაღწევს.

იხილე მეტი

ფოთის თეატრს საჯარო სკოლის მოსწავლეები ეწვივნენ. მათ თეატრის სამხატვრო ხელმძღვანელი რამაზ იოსელიანი და საბავშვო წარმოდგენის ,,ბრემენელი მუსიკოსების“ შემოქმედებითი ჯგუფი შეხვდნენ. რამაზ იოსელიანმა პატარებს თეატრის „შიდა სამზარეულოს საიდუმლოებები“ გააცნო და არტისტების მუშაობის პროცესზე ესაუბრა. ბავშვები დაინტერესდნენ, თუ როგორ შეიქმნა „ბრემენელი მუსიკოსების“ სპექტაკლი. რეჟისორს ვახტანგ ნიკოლავას და მსახიობებს, ბევრი საინტერესო და დამაბნეველი კითხვები დაუსვეს. მსგავსი სახის შეხვედრები ფოთის თეატრში პერიოდულად იმართება. ორგანიზატორების განცხადებით, აღნიშნული აქტივობა მიზნად ისახავს, ბავშვების თეტრით დაინტერესებას, რომ პატარებმა სცენიდან გაიცნონ ის პერსონაჟები, რომლებსაც ინტერნეტით ან ტელევიზიით იცნობენ. შეხვედრის დასასრულს ბავშვებმა მსახობებს, „ბრემენელ მუსიკოსებზე“ მათ მიერ შექმნილი ფერადი ნახატები…

იხილე მეტი

ნიკო ნიკოლაძის თაოსნობით დაარსებულ, ფოთის მეორე საჯარო სკოლას 1990 წლიდან ქალბატონი მზია ბახტაძე ხელმძღვანელობს. ის დღეს იუბილარია, მას 70 წელი შეუსრულდა. მზია ბახტაძე ღირსების ორდენის კავალერი, ფოთის საპატიო მოქალაქე და არაერთი მნიშვნელოვანი ჯილდოს მფლობელია, თუმცა საკუთარ მიღწევებზე საუბარი არ უყვარს, რადგან თვლის, რომ ადამიანმა თავისი საქმე ჩუმად და უხმაუროდ უნდა აკეთოს. პროფესიით ქიმიკოსი, 40 წელზე მეტია მოსწავლეებს ამ მეცნიერებას ასწავლის. ამბობს, რომ გაკვეთილების ჩატარება და ბავშვებთან ურთიერთობა უდიდეს სიამოვნებას ანიჭებს.

იხილე მეტი

საარჩევნო სიების სრულყოფის მიზნით, იუსტიციის მინისტრის ინიციატივით, საქართველოს მოქალაქეებისთვის 1 აპრილიდან ამოქმედდა, ელექტრონული პირადობის მოწმობისა და საქართველოს მოქალაქის ბიომეტრიული პასპორტის უფასოდ გაცემის აქცია, რომელიც ერთი თვის განმავლობაში, 30 აპრილის ჩათვლით გაგრძელდება. აქციის ფარგლებში, დოკუმენტის მიღებისას, მოქალაქეები ასევე გათავისუფლდებიან ფოტოსურათის გადაღებისათვის დაწესებული საფასურის გადახდისგან. ბოლო აქციით, რომელიც 1 თებერვლიდან 1 მარტის ჩათვლით მიმდინარეობდა, 93 620-მა მოქალაქემ ისარგებლა და ძველი დოკუმენტი ახალი ელექტრონული მოწმობით შეცვალა. დღევანდელი მონაცემებით, აქტიურ, უვადო, ქაღალდის (ე.წ. ლამინირებულ) პირადობის მოწმობას 400 000-მდე მოქალაქე ფლობს.

იხილე მეტი

ფოთში, ფონდი „ქველმოქედი 2015″–ის ინიციატივით და „არტ–გალერეა 34–ის” მხარდაჭერით, ფრანგული ქარგვის ე.წ. კანვის, ხატვისა და ხელნაკეთი ნივთების შემსწავლელი უფასო სასწავლო ცენტრი ფუნქციონირებს. პროექტი სოციალურად დაუცველებისთვისაა გათვლილი, თუმცა ორგანიზატორების გადაწყვეტილებით, სასწავლო ცენტრს ნებისმიერ მსურველს შეუძლია მიმართოს, სადაც ვორქშოპებსა და მასტერკლასებს ოთხი მოხალისე პედაგოგი, სრულიად უანგაროდ ჩაუტარებს. საქველმოქმედო, სასწავლო ცენტრი, ერთი თვეა რაც გაიხსნა და მოსწავლეებმა ამ ხნის განმავლობაში საკმაოდ ორიგინალური ნამუშევრები შექმნეს. ამჯერად ისინი გამოფენა-გაყიდვისთვის ემზადებიან, რომელიც ბზობის დღესასწაულზე გაიმართება. აღსანიშნავია, რომ „ქველმოქედი 2015″–მა დაარსებიდან 10-ზე მეტი სოციალური პროექტი განახორციელა.

იხილე მეტი

ახალი საქართველოს უნივერსიტეტში, უნივერსიტეტის რექტორის, ფილოსოფიის დოქტორის, პროფესორის, ფოთისა და ხობის მიტროპოლიტ გრიგოლის საჯარო ლექცია გაიმართა. მოხსენების მთავარი თემა, რომელზეც მეუფე გრიგოლმა ისაუბრა იყო, „საქართველოს მართლმადიდებელი ეკლესია მეოცე და ოცდამეერთე XX და XXI საუკუნეების მიჯნაზე“. მან აღნიშნა, რომ ეს პერიოდი მართლმადიდებლური ეკლესიისათვის და სახელმწიფოებრივი ცხოვრებისათვის მნიშვნელოვანი სიახლეების ეპოქაა. უნივერსიტეტში განაცხადეს, რომ სამეცნიერო აქტივობებთან ერთად, რომელსაც მუდმივად ახორციელებენ, ამ ტიპის შეხვედრები აუცილებელია საზოგადოებრივი ცნობიერების ასამაღლებლად. შეხვედრა კითხვა-პასუხის რეჟიმში მიმდინარეობდა. საჯარო ლექციას ფოთისა და ხობის ეპარქიის სასულიერო პირები და უნივერსიტეტის წარმომადგენლები ესწრებოდნენ.

იხილე მეტი