Category: სიახლე

„არტ გალერეა 34-ში“ ანანო ზარანდიას პოეზიის საღამო, სახელწოდებით „გადამჭკნარი გვირილები“ გაიმართა. მან პირველ შემოქმედებით ღონისძიებაზე თავისი ნაფიქრალი პოეტურად გადასცა მსმენელს. როგორც, ზოია გრაფიშვილმა აღნიშნა, ანანო ზარანდია, მე-10 კლასის მოსწავლეა, რომელიც კალამს ცდის და პოეზიაში პირველ ნაბიჯებს დგამს. ზოია გრაფიშვილის თქმით, ნიჭიერი ახალგაზრდა ქალაქს ბევრი ჰყავს და მათ შორის ერთ-ერთი გამორჩეული, ანანო ზარანდიაა.

იხილე მეტი

ფოთში საახალწლო სამზადისი, თეატრის მიმდებარე ტერიტორიაზე ქალაქის მთავარი ნაძვის ხის აწყობით დასრულდა. ნაძვის ხე საზეიმო ვითარებაში აინთო. საახალწლო კონცერტი გაიმართა, სადაც ფოთის სახელოვნებო ცენტრის შემოქმედებითი სტუდიების “ანა-ბანასა” და “მზის გულის” აღსაზრდელები, მუსიკალური და საცეკვაო ნომრებით წარსდგნენ მაყურებლის წინაშე.

იხილე მეტი

ფოთში კომპანია ,,ჯეოსელის“ ოფისი ორმა არასრულწლოვანმა გაქურდა. სამართალდამცავებმა ისინი ცხელ კვალზე დააკავეს. შემთხვევა დილით ადრე მოხდა, მოპარულია მობილური ტელეფონები. შსს-პრეს-ცენტრის ინფორმაციით, სამართალდამცველებმა ნაქურდალი ტელეფონები ნივთმტკიცებად ამოიღეს. აღნიშნულ ფაქტზე გამოძიება, საქართველოს სისხლის სამართლის კოდექსის 177-ე მუხლის მე-2 ნაწილის “ა” და “ბ” ქვეპუნქტებით, მე-3 ნაწილის “ა” ქვეპუნქტით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.

იხილე მეტი

წინა საახალწლო პერიოდში, მეოთხე საჯარო სკოლის მესამე “ბე” კლასის მოსწავლეებმა, თავიანთი დამრიგებლის, ბელა საბიაშვილის ხელმძღვანელობით, ერთ-ერთი სოციალურად დაუცველი ოჯახის დახმარება გადაწყვიტეს. სახლში, სადაც პატარა ქველმოქმედები, მივიდნენ, სამი არასრულწლოვანი ბებიასთან ერთად ცხოვრობს. მოსწავლეები თანატოლებს, სხვადასხვა პროდუქტით, ტკბილეულითა და ჩიჩილაკით ესტუმრნენ. როგორც ბავშვების ბებიამ აღნიშნა, სახლის პირველი სართული ავარიულ მდგომარეობაშია, სახურავიდან კი წვიმა ატანს. მარინა წურწუმია მძიმე სოციალური პირობების გამო ფოთელ მოსახლეობას და ადგილობრივ თვითმმართველობას დახმარებას სთხოვს.

იხილე მეტი

არასამთავრობო ორგანიზაცია „დიოსკურიას“ ოფისში, “საქართველოს ფერმერთა და სოფლის მეურნეობის მუშაკთა” პროფესიული კავშირის და “ფერმერ ქალთა” ასოციაციის შეხვედრა გაიმართა. ჩამოსული სტუმრები, სამეგრელოს რეგიონის რამდენიმე მუნიციპალიტეტის საჯარო მოხელეებს, საშუალო მეწარმეებსა და დაინტერესებულ პირებს შეხვდნენ. მათ ფერმერული კოოპერატივების შექმნის უპირატესობაზე ისაუბრეს. ასევე, ყურადღება გაამახვილეს კენკროვანი კულტურებისა და მეცხოველეობის განვითარებაზე. “ფერმერ ქალთა ასოციაციის” თავმჯდომარის ელენე ფხოველიშვილის თქმით, ამ ტიპის შეხვედრები ფერმერული საქმიანობის ცნობიერების ამაღლებას ემსახურება.როგორც მან აღნიშნა, ევროკავშირთან სავაჭრო სივრცის შესახებ შეთანხმება, ყველა ფერმერისთვის მნიშვნელოვანია. შედხვედრა ევროკავშირისა და გაეროს განვითარების პროგრამის მხარდაჭერილი პროექტის ფარგლებში შედგა.

იხილე მეტი

ფოთში, იაშვილის სახელობის ბავშვთა ცენტრალური საავადმყოფოს ექიმთა ჯგუფი იმყოფებოდა. ვიზიტის ფარგლებში ექიმ-ნევროლოგებმა, ეპილეფსიაზე საეჭვო, პაციენტებს, უფასო კონსულტაციები ჩაუტარეს. აღნიშნული აქცია, ეპილეფსიის დიაგნოსტიკისა და ზედამხედველობის პროგრამის ფარგლებში გაიმართა. პოლიკლინიკაში მისულ პაციენტებს საახალწლო გარემო დახვდათ, თოვლის ბაბუა მათ ტკბილეულით უმასპინძლდებოდა.

იხილე მეტი

ფოთის საკრებულოში, 2019 წლის ბიუჯეტის დამტკიცებამ დაპირისპირება გამოიწვია. ოპოზიციის მტკიცებით 15 მილიონიან ბიუჯეტში 9 მილიონამდე თანხა მხოლოდ საჯარო მოხელეების ხელფასებზეა გათვლილი. მათ პროტესტის ნიშნად, ქალაქის მთავარ საფინანსო დოკუმენტს მხარი არ დაუჭირეს. საკრებულოს თავმჯდომარემ, ირაკლი კაკულიამ ოპოზიციის ბრალდებებს უსაფუძვლო უწოდა, მისი თქმით, 2019 წლის ბიუჯეტის მთავარი პრიორიტეტები ჯანდაცვა, სოციალური სფერო და ინფრასტუქტურაა. 2019 წლის ადბილობრივი ბიუჯეტი 15 მილიონ 943 ათას ლარს შეადგენს, რაც 2018 წლის ბიუჯეტზე 204 ათასი ლარით მეტია, ხოლო რეგიონული განვითარების ფონდიდან ტრანსფერის სახით 5 მილიონ 500 ლარს ელოდებიან.

იხილე მეტი

მეოთხე საჯარო სკოლაში საახალწლო ღონისძიება სახელწოდებით „საშობაო ზღაპარი“ გაიმართა. ღონისძიებაში, სკოლის სხვადასხვა კლასისი მოსწავლეებმა მიიღეს მონაწილეობა, მათ საახალწლო სცენაზე, ლექსები, სიმღერები, ქართული და უცხოური ცეკვები წარმოადგინეს. დასასრულს სკოლის დირექტორმა გივი ხომერიკმა, ბავშვებს და პედაგოგებს დამდეგი შობა-ახალი წელი მიულოცა და წარმატებები უსურვა.

იხილე მეტი

ფოთელი მოკრივეები, ბელარუსიის დედაქალაქ მინსკში, გამართული მიშკევიჩის სახელობის საერთაშორისო ტურნირიდან გამარჯვებულები დაბრუნდნენ. შეჯიბრი 2005-2006 წლებში დაბადებულ მოკრივეთა შორის გაიმართა. სადაც 12 ქვეყნის 135 სპორტსმენი მონაწილეობდა. საქართველოდან, ფოთის ზურაბ სარსანიას სახელობის კლუბი „ლიდერის“ 4 მოკრივე, იყო მიწვეული. ფოთელები აქტიურად ემზადებიან, ახალგაზრდა მოკრივეთა საქართველოს პირველობისთვის, რომელიც გურჯაანში 2019 წლის იანვრის ბოლოს გაიმართება

იხილე მეტი

ეკონომიკისა და მდგრადი განვითარების სამინისტროს, ჰიდროგრაფიული სამსახურის, სინოპტიკური სამმართველოს ინფორმაციით 25 დეკემბრიდან 27 დეკემბრის ჩათვლით ფოთი-ყულევის სანაპირო ზოლზე ჰაერის ტემპერატურა დაიწევს და საგრძნობლად აცივდება. ასევე მოსალოდნელია ცვალებადი ქარი.

იხილე მეტი