Category: სიახლე

ქალაქ ფოთის მუნიციპალიტეტი სოც. მუშაკების სატრენინგო კურსში მონაწილეთა შესარჩევად კონკურსს აცხადებს
სატრენინგო კურსი პროექტ: ,,სოციალური ინკლუზია – მუნიციპალური სერვისების განვითარება ხანდაზმულებისა და შეზღუდული უნარების მქონე პირთათვის – ფარგლებში’’ ტარდება. ეს კურსი მსურველებს დაეხმარებათ შეიძინონ და აიმაღლონ ის უნარ-ჩვევები, რომლებიც აუცილებელია აღნიშნული სამუშაოს სწორად და ეფექტიანად განსახორციელებლად.
კონკურსში მონაწილეობა შეუძლია ფოთში მცხოვრებ 21-დან 45 -წლამდე ადამიანებს, რომლებიც მუშაობენ ან აქვთ მაღალი მოტივაცია იმუშაონ მოწყვლად ჯგუფებთან, დაინტერესებულნი არიან სოციალური მუშაკის საქმიანობით და აინტერესებთ ეს პროფესია.
პროექტი ხორციელდება ქ. ფოთის მუნიციპალიტეტსა და შვედეთის ქალაქ ოსტამარს შორის თანამშრომლობის შედეგად, რომელსაც შვედეთის საერთაშორისო განვითარების სააგენტო (SIDA) აფინანსებს

იხილე მეტი

ხმაური იყო ფოთის ბაზრის ტერიტორიაზე. ქალაქის საკრებულოს და ზედამხედველობის სამსახურის წარმომადგენლებმა იმ მოვაჭრეებს , რომლებსაც მაღაზიების წინ განთავსებულ დახლებზე სარეალიზაციოდ აქვთ საქონელი გამოტანილი , გაფრთხილება მისცეს. იმ შემთხვევაში თუ ისინი თვითნებურად გაკეთებულ დახლებს არ დაშლიან და საქონლის რეალიზაციას მხოლოდ სავაჭრო ფართებში არ განახორციელებენ, მათ მიმართ საჯარიმო სანქციები ამოქმედდება .

ხელისუფლების წარმომადგენლების განცხადებით ამ გადაწყვეტილების მიღება პირველ რიგში სახანძრო უსაფრთხოების ნორმების დაცვის მიზნით გახდა აუცილებელი

მოვაჭრეები კი ხელისუფლების წარმომადგენლებს სხვა პრობლემებით დაინტერესებას ურჩევენ და ითხოვენ პირველ რიგში ბაზარში საკანალიზაციო სისტემის მოუწესრიგებლობას და მაწანწალა ძაღლების საკითხს მიხედონ, მათ კი გარე ვაჭრობის გაგრძელების უფლება მისცენ

ზედამხედველობის სამსახური სანქციების გატარებას ხვალიდან გეგმავს

იხილე მეტი

15-მდე ენთუზიასტის ინიციატივით ფოთში მეთევზათა კლუბი ჩამოყალიბდა . ახლადშექმნილი კლუბის წევრებმა პირველივე აქტივობა ტერმინალებთან მდებარე ტბასთან ჩაატარეს და მისი სანაპირო დაასუფთავეს. აქციაში ფოთის სერვისების ცენტრიც ჩაერთო, რომელმაც შეგროვებული ნაგავის ტერიტორიიდან გატანა უზრუნველყო.
კლუბს შექმნის მთავარი მიზანი ყველასთვის მტკივნეული საკითხების გადაწყვეტისთვის ფოთელი მეთევზეების გაერთიანებაა.
გარემოს დაბინძურება, ბრაკონიერობა, თევზის სახეობების მრავალფეროვნების შენარჩუნება, ტურნირების მოწყობა, სპორტული თევზჭერის პოპულარიზება, ეს იმ თემების არასრული ჩამონათვალია, რომელთა მოგვარებაში ფოთელი მეთევზეები აქტიურად ჩართვას აპირებენ
მეთევზეთა კლუბის წევრების განცხადებით უახლოეს დღეებში ტურნირი მოეწყობა, სადაც ნებისმიერ მსურველს შეეძლება მონაწილეობის მიღება

იხილე მეტი

23 აპრილს წიგნის დღე აღინიშნება, ეს არის დღე, როდესაც მსოფლიოს სხვადასხვა ქვეყანაში წიგნებისა და ავტორებისადმი პატივისცემას გამოხატავენ.
ამ თარიღთან დაკავშირებით ფოთის ბიბლიოთეკაში ლიტერატურული სალონის „გულის სამელნეს“ ორგანიზებით რამოდენიმე ნაწარმოების განხილვა გაიმართა. მასში მონაწილეობას მე-2 და მე-4 საჯარო სკოლის მოსწავლეებთან ერთად ფილოლოგი ირმა დოლბაძე იღებდა.
მოსწავლეთა განცხადებით არსებობს ერთი არაჩვეულებრივად ლამაზი კალენდარული დღე, როდესაც მსოფლიოს სხვადასხვა ქვეყანაში წიგნებისა და ავტორებისადმი პატივისცემას გამოხატავენ.
სპეციალურად ამ დღისთვის ბიბლიოთეკის ფოიეში წიგნების გამოფენა მოეწყო.

იხილე მეტი

2018 წლის3 თვის განმავლობაში ფოთის ნავსადგურში საკონტეინერო გადაზიდვები 15,1%-ით გაიზარდ აწინა წლის იმავე პერიოდთან შედარებით. 2018 წელს ფოთისპორტში 82,039 TEU კონტეინერი გადამუშავდა, ხოლო 2017 წელს 71,299 TEU კონტეინერი. 2018 წელს გადამუშავებული კონტეინერებიდან 13,1% მაცივარ-კონტეინერებზე მოდის, რითაც ძირითადად ხორცი, ხილი და საკონდიტრო ნაწარმი შემოვიდა საქართველოში. ფოთის პორტში ტვირთების 37,1% იმპორტზე მოდის, 20,15% ექპორტზე, ხოლო ტვირთების 40,8%-ს ტრანზიტული დანიშნულება აქვს, მათ შორის ტვირთების დიდი ნაწილი მიემართება აზერბაიჯანში, სომხეთსა და ცენტრალური აზიის ქვეყნებში. 2018 წლის 3 თვის განმავლობაში,ფოთის პორტში ოპერაციების შეწყვეტის დღეების რაოდენობა 53%-ით შემცირდა წინა წლის იმავე პერიოდთან შედარებით. ფოთის საზღვაო ნავსადგურს მნიშვნელოვანი და სტრატეგიული ადგილი უჭირავს საქართველოს ეკონომიკის განვითარებასა და კავკასიის დერეფნის კონკურენტუნარიანობის გაზრდაში. იგი ყველაზე დიდი ნავსადგურია საქართველოში

იხილე მეტი

ფოთში სერვისების ცენტრის მიერ გამწვანების სამუშაოები გრძელდება დღეს საკათედრო ტაძრის მიმდებარე ტერიტორიაზე მარადმწვანე ბუჩქების მორიგი პარტია დაირგო. ასევე აღნიშნული ბუიჩქები 9აპრილის ხეივანზეც დაირგვება . სერვისების ცენტრი გამწვანების პარალელურად მოთიბვის სამუშაოებს როგორც ქუჩებში ასევე კორპუსების ეზოებშიც ახროციელებს.

იხილე მეტი

21 აპრილს ახალი საქართველოს უნივერსიტეტში გაიმართა საქართველოს მართლმადიდებელი ეკლესიის ჩრდილოეთ ამერიკის ეპარქიის მღვდელთმთავრის, ეპისკოპოს საბა ინწკირველის საჯარო ლექსცია თემაზე ,,თანამედროვეობა და ეკლესია“. საჯარო ლექციას უნივერსიტეტის სტუდენტები, პროფესორ-მასწავლებლები და სასულიერო პირები ესწრებოდნენ.შეხვედრა საინტერესო და აქტიური დისკუსიის თანხლებით წარიმართა

იხილე მეტი

22 აპრილს კოლხეთის ეროვნულ პარკში მსოფლიო დედამიწის დღისადმი მიძღვნილი კამპანია „ჩვენ გარემოს გულისთვის“ ჩატარდა. მასში ფოთის საჯარო სკოლის მოსწავლეები ჩაერთვნენ.აქციის მიმდინარეობისას დასუფთვდა მალთაყვის ტყეპარკის ტერიტორია. კამპანია „კავკასიის გარემოს დაცვითი არასამთავრობო ორგანიზაციების ქსელის“ პროექტის „ნარჩენების მართვის ტექნოლოგიები რეგიონებში“ ფარგლებში ,
USAID ფინანსური მხარდაჭერით გაიმართა. კამპანიას საქართველოს მასშტაბით 15-მდე ორგანიზაცია შეუერთდა, მათ შორის კოლხეთის ეროვნული პარკის ადმინისტრაცია,
კამპანიის მიზანია გარკვეული ტერიტორიების დასუფთავება და შემდგომ ამ ტერიტორიის სისუფთავეზე პასუხისმგებლობის აღება.

იხილე მეტი

ეკონომიკისა და მდგრადი განვითარების სამინისტრო – ს სსიპ ინოვაციების და ტექნოლოგიების სააგენტო, მსოფლიო ბანკის მხარდაჭერით, ახორციელებს პროგრამას – “ინტერნეტი განვითარებისთვის”, რომლის ფარგლებშიც, საქართველოს რეგიონებში, ადგილობრივი მეწარმეებისთვის იმართება უფასო ტრენინგები – ციფრულ წიგნიერებაში და ელექტრონულ ბიზნესში.
22 აპრილს ქალაქ ფოთის მუნიციპალიტეტის მერიის სხდომათა დარბაზში აღნიშნულ საკითხზე შეხვედრა გაიმართა. ტრენინგის დასრულების შემდგომ, მონაწილეებს უფასო ვაუჩერები გადაეცათ , რომლის მეშვეობითაც საშუალება ეძლევათ გაიარონ ტრენინგები ელექტრონულ კომერციაში, ჩაერთონ ფართოზოლოვან ინტერნეტში, განათავსონ თავიანთი პროდუქტი და მომსახურება ყველა მნიშვნელოვან საერთაშორისო პლატფორმაზე და დაამზადონ საკუთარი ვებ-გვერდი.

იხილე მეტი

მიმდინარე და გასულ წელს აზიური ფაროსანა სასათბურე მეურნეობებში არ დაფიქსირებულა. ამის შესახებ სურსათის ეროვნული სააგენტოს მცენარეთა დაცვის დეპარტამენტის უფროსი აცხადებს.
ნიკოლოზ მესხის თქმით, აზიური ფაროსანა დახურულ გრუნტში საფრთხედ არ მიიჩნევა. მისი განმარტებით, სათბურები თავიანთი აღჭურვილობით დიდი ზომის მწერებისთვის დაბრკოლებას წარმოადგენს.
როგორ უნდა იმოქმედოს ფერმერმა, თუკი აზიური ფაროსანა მაინც მოახერხებს სათბურში შეღწევას? ნიკოლოზ მესხი ამ შემთხვევაში, დახურული გრუნტისთვის, საქართველოს კანონმდებლობით გათვალისწინებული პრეპარატების შესაბამისიწესების დაცვით გამოყენებას გვირჩევს.

იხილე მეტი