Category: სიახლე

ორშაბათს ფოთის მუნიციპალიტეტის საკრებულოს და მერიის წარმომადგენლებმა 9 აპრილს დაღუპულთა ხსოვნის მემორიალი გვირგვნით და ყვავილებით შეამკეს. მემორიალთან დაღუპულთა ხსოვნისადმი მიძღვნილი ღონისძიება გაიმართა, სადაც აჟღერდა ქართული პატრიოტული სიმღერები, წაკითხულ იქნა ეროვნულ მოტივზე შექმნილი ნაწარმოებები.
ეროვნული მოძრაობის ლიდერების მიერ ორგანიზებული მშვიდობიანი აქციის დარბევისას დაღუპულთა და ყოველთა მამულიშვილთა მოსახსენიებელი ლოცვა აღევლინა ფოთის საკათედრო ტაძარში.
მსახურება აღასრულა მისმა მაღალყოვლადუსამღვდელოესობამ, ფოთისა და ხობის მიტროპოლიტმა გრიგოლმა.
წელს 27 წელი შესრულდა რაც უზენაესმა საბჭომ საქართველოს სახელმწიფოს დამოუკიდებლობის აღდგენის ისტორიული აქტი მიიღო

აღდგომა — უდიდესი ქრისტიანული დღესასწაულია, რომელიც ქრისტეს მკვდრეთით აღდგომასთან დაკავშირებით აღინიშნება . აღდგომას უძღვის 40-დღიანი მარხვა და საეკლესიო სამზადისი.
ნიკეის პირველმა მსოფლიო საეკლესიო კრებამ 325 წელს დაადგინა ზეიმის აღნიშვნა გაზაფხულის ბუნიობის მომდევნო კვირას, იუდეველთა პასექის დასასრულს, უთუოდ მისგან განცალკევებით და კვირის ბოლოს. ეს შუალედი ხვდება ახალი სტილით 4 აპრილიდან 8 მაისამდე. შესაბამისად, აღდგომა მოძრავი დღესასწაულების კატეგორიას განეკუთვნება.წელს აღდგომა მართმადიდებელმა სამყარომ 8 აპრილს აღნიშნა.
ფოთის საკათედრო ტაძარში ხალხმრავლობა 7 აპრილის საღამოდან შეინიშნებოდა.
მამა კირიონმა შეკრებილ მრევლს ფოთისა და ხობის მიტროპოლტის გრიგოლის სააღდგომო ეპისტოლე წაუკითხა, შემდგომ საზეიმო წირვა გაიმართა.
საზეიმო წირვა დილამდე გაგრძელდა

ფოთისა და ხობის მიტროპოლიტის ყოვლადუსამღვდელოესი გრიგოლის სააღდგომო ეპისტოლე

ქალაქ ფოთის მერმა გოჩა კურდღელიამ 250 სოციალურად დაუცველ მოქალაქეს აღდგომის დღესასწაულთან დაკავშირებით ნობათი გადასცა. იგი მოადგილეებთან და მერიის თანამშრომლებთან ერთად უპოვართა სასადილოს ესტუმრა და ბენეფიციარებს მოახლოებული აღდგომის დღესასწაული მიულოცა.
აღსანიშნავია რომ ქალაქის მერის გადაწყვეტილებით, ორშაბათშს 9 პრილს მუნიციპალური ტრანსპორტი მოქალაქეებს უფასოდ მოემსახურა.
მერიაში აცხადებენ რომ უპოვართა სასადილოს სრული რეაბილიტაცია იგეგმება და ტენდერი უახლოეს დღეებში გამოცხადდება.

გუშინ სამeგრელოს ქუჩზე მდებარე სასპორტო სკოლის მოედანზე მოყვარულ გუინდთა შორის ფოთის პირველობის მეორე ნახევარფინალური მატჩი გაიმართა. ერთმანეთს „ტუბორგი“ და „ტიგონისი“ დაუპირისპირდა. დაძაბულ ორთაბრძოლაში მეტიქეებმა ვერ შესძლეს მოწინააღმდეგეს კარის დალაშქვრა და ძირითადი დრო ფრედ 0:0 დასრულდა. დამატებით 11 მეტრიანების სერიაში გამარჯვება „ტუბორგმა“ მოიპოვა
მოყვარულთა შორის ფეხბურთში ფოთის ჩემპიონის ტიტულის მოსაპოვებლად „ტუბორგი“ 11 აპრილს პირველ ნახევარფინალში გამარჯვებულ გუნდს, „ჭაბონამას“ შეხვდება

დღეს ფოთის მუნიციპალიტეტის საკრებულოს მე-10 რიგგარეშე სხდომა გაიმართა. დღის წესრიგით ერთი საკითხი-ბიუჯეტში ცვლილებების შეტანა განიხილეს. საქმე ეხება ფოთის სახელმწიფო თეატრის შენობისთვის ექსპერტიზის ჩატარებისთვის საჭირო თანხას. შეგახსენებთ რომ ფოთის თეატრის დასი უკვე მე-3 თვეა არ ატარებს სპექტაკლებსა და რეპეტიციებს. მიზეზი შენობის ავარიული მდგომარეობაა. ჩვენი ინფორმაციით მერის მოადგილისა და თეატრის დირექტორის კულტურის სამინისტროში ვიზიტისას მიღწეულ იქნა შეთანხმება თეატრის შენობის გარემონტების თაობაზე, რისთვისაც პირველ ეტაპზე ექსპერტიზის დასკვნაა საჭირო. ექსპერტიზის ხარჯები კი ფოთის ბიუჯეტმა უნდა გაიღოს. სწორედ ამ თანხის ბიუჯეტში ასახვის გადადებამ გამოიწვია თეატრის დასის პროტესტი სოციალურ ქსელში. ფეისბუქ კომენტარები დღეს საკრებულოს სხდომაზე მსჯელობის საკითხიც გახდა.
სხდომის დასრულების შემდეგ განცხადება გააკეთა საკრებულოს წევრმა ლეიბორისტული პარტიიდან მამუკა ხორავამ. ის ქალაქში მაწანწალა ძაღლების პრობლემის მოუგვარებლობას შეეხო და მერიას საკითხის დაუყონებლივ მოგვარებისკენ მოუწოდა.
ფოთის თეატრმა ფუნქციონირება მას შემდეგ შეაჩერა რაც 3 თვის წინ ფოიეში ჭერის ნაწილი ჩამოინგრა

ფოთის მუნიციპალიტეტის ტერიტორიაზე უმეთვალყურეო პირუტყვის გადაადგილებაზე ახალი რეგულაციები აპრილის თვეში ამოქმედდება მათზე კონტროლი ახლად შექმნილ სერვისების ცენტრს ევალება. თუ პირუტყვი პარკებს ან სკვერებს დააზიანებს მაშინ მეპატრონეს ჯარიმასთან ერთად ზარალის ანაზღაურებაც დაეკისრება.
პარკებსა და სკვერებიში, განათებების, სკამების და ურნების დაზიანების ფაქტები ფოთში რამდენჯერმე დაფიქსირდა გუშინ 9აპრილის ხეივანზე მდებარე ამფი თეატრთან ნათურები მოიპარეს და განათებები დააზიანეს. სერვისების ცენტრის წარმომადგენლები ქალაქის მოვლა პატრონობის და იერსახის შენარჩუნების მიზნით საზოგადოებას გააქტიურებისკენ მოუწოდებენ და მსგავსი ფაქტების დაფიქსირებისას ინფორმაციის მიწოდებას სთხოვენ.

4 აპრილს, არასამთავრობო ორგანიზაცია \”დიოსკურიას\” ოფისში ფოთის საჯარო სკოლის მოსწავლეებთან ნატოს შესახებ საინფორმაციო შეხვედრა გაიმართა. ნატოსა და ევროკავშირის შესახებ საინფორმაციო ცენტრის წარმომადგენელმა ანა ცანავამ ნატოს შექმნის ისტორიაზე, მიზნებზე, საქართველოს ევროატლანტიკური ინტეგრაციის პროცესის მნიშვნელობასა და ამ პროცესის გარშემო გავრცელებულ მითებზე ისაუბრა. ღონისძიებაზე მისასალმებელი სიტყვით ფოთის მერის მოადგილე გიორგი ფარეშიშვილი წარსდგა, რომელმაც საქართველოს ნატოში ინტეგრაციის მნიშვნელობაზე ისაუბრა. 4 აპრილს, ნატო 69-ე დაბადების დღეს აღნიშნავს. 1949 წელს 12-მა მოკავშირე ქვეყანამ ვაშინგტონში, ნატოს სადამფუძნებლო ხელშეკრულებას მოაწერა ხელი. ამ ხელშეკრულების თანახმად ალიანსის წევრები იმ მიზნით გაერთიანდნენ, რომ ერთობლივად უზრუნველყონ კოლექტიური უსაფრთხოება.
ნატო შეიქმნა ნახევარ საუკუნეზე მეტი ხნის წინ და იმ დროიდან მოყოლებული ალიანსის მთავარი ამოცანა წევრი სახელმწიფოების თავდაცვისა და უსაფრთხოების უზრუნველყოფაა

გადაცემა თემა