Category: სიახლე

ფოთში დამოუკიდებლობის დღე სხვადასხვა ღონისძიებით აღინიშა დილიდანვე იუსტიციის სახლის მიმდებარე ტერიტორიაზე სამხედრო ტექნიკა იყო გამოფენილი

ანდრია პირველწოდებულის სახელობის ტაძრიდან საკათედრო ტაძრამდე საქართველოს დამოუკიდებლობის დღისადმი მიძღვნილი საზეიმო მსვლელობა გაიმართა, რომელშიც დევნილთა და განსახლების მინისტრი სოზარ სუბარი, საგარეო საქმეთა მინისტრის მოადგილე ვახტანგ მგალობლიშვილი, ადგილობრივი ხელისუფლებისა და საზოგადოების წარმომადგენლები მონაწილეობდნენ.

ქალაქის ცენტრალურ პარკში ხალხური რეწვისა ნიმუშების გამოფენა-გაყიდვა გაიმართა. ოზურგეთისა და ფოთის კოლეჯებმა სპეციალურ სტენდებზე კურსდამთავრებულთა ნამუშევრების გამოფენა მოაწყვეს. მოეწყო შოთა რუსთაველის 850 წლისთავისადმი მიძღვნილი ჩვენება. ასევე გაიმართა ნახატების კონკურსი სახელწოდებით „ერთიანი საქართველო“.

კოლხური კულტურის მუზეუმში გამოფენა, სახელწოდებით ,,საქართველოს ევროპული ისტორიის ფურცლები\” გაიხსნა. გამოფენა საგარეო საქმეთა მინისტრის მოადგილემ ვახტანგ მახარობლიშვილმა გახსნა.

26 მაისის აღსანიშნავად ფოთის მუსიკალური სასწავლებლების და სტუდიების წარმომადგენლები,ქართული ხალხური და საესტრადო სიმღერებითა და ცეკვებით წარსდგნენ მრავალრიცხოვანი მაყურებლის წინაშე.

ცენტრალურ პარკში საზეიმო ვითარებაში გაიმართა წარჩინებული მოსწავლეების დაჯილდოების ცერემონია. ოქრო და ვერცხლის მედალოსან 15 საუკეთესო კურსდამთვარებულს ქალაქის მუნიციპალიტეტისგან საჩუქრად ფულადი ჯილდო, ხოლო 10 წარმატებულ მოსწავლეს საჩუქრად „ვეფხისტყაოსანი“ გადაეცა.
ღონისძიებებს ესწრებოდა განათლებისა და მეცნიერების მინისტრის მოადგილე თეიმურაზ მურღულია.
გეგეშიძის ფონდმა და \”ეი პი ემ\” ტერმინალს ფოთის წარმომადგენლებმა ასევე გადასცეს ჯილდოები ფოთელი წარჩინებული მოსწავლეებს

26 მაისს საქართველოში დამოუკიდებლობის დღე აღინიშნება.
ხვალ ფოთში ამ ღირშესანიშნავი თარიღისადმი მიძღვნილი სხვადასხვა ღონისძიება იმართება