ფოთში პროექტი -“ევროპა ჩვენს ქალაქში” ხორციელდება 02 10 18
ფოთში ევროპის მემკვიდრეობის დღეები დაიწყო. ღონისძიება, ფოთის კოლხური კულტურის მუზეუში, ფოთის მუნიციპალიტეტის მხარდაჭერით, მე-5 საჯარო სკოლის მოსწავლეებთან ერთად ჩატარდა. ევროპული დღეების ფარგლებში ღონისძიების მონაწილეებმა ქალაქში საექსკურსიო საფეხმავლო ტური მოაწყვეს. მათ ევროპულ ყაიდაზე დაგეგმარებულ ქალაქში არსებული კულტურული მემკვიდრეობის ძეგლები დათვალიერეს და ევროპელი არქიტექტორების მიერ დაპროექტებული შენობების ისტორიას გაეცნენ. ნიკო ნიკოლაძის კოშკში ახალგაზრდებს ქალაქ ფოთის მერი გოჩა კურდღელია მოადგილეებთან ერთად შეუერთდა და ისტორიული ნაგებობა მოინახულა.
