რაგბის მატჩის დიდ ეკრანზე ტრანსლირება ფოთში
თიბისი რაგბის სერიების, 2018 წლის დასკვნითი მატჩი ბორჯღალოსნებმა „ტონგას“ წინააღმდეგ გამართა. თამაში ანგარიშით, სარეკორდო სხვაობით, 20:9 საქართველოს გამარჯვებით დასრულდა. საქართველოს მორაგბეთა ეროვნულმა ნაკრებმა ტონგასთან დადებითი ბალანსი განიმტკიცა, 5 მოგება ორი მარცხის წილ. საქართველო-ტონგას თამაშის პირდაპირ ტრანსლაციას ფოთელი გულშემატკივრები, ქალაქის ცენტრალურ პარკში, დიდ ეკრანზე ადევნებდნენ თვალს. ღონისძიება სამშენებლო კომპანია M2 -ისა და ლუდის კომპანია „აისისის“ მიერ იყო ორგანიზებული.
