You are here
სიახლე 

ფოთში, სტიქიით დაზარალებულმა მოსახლეობამ გზა გადაკეტა 17 12 18

Administrator


ფოთში, სტიქიით დაზარალებულმა მოსახლეობამ, შავი ზღვის ქუჩაზე საავტომობილო გზა გადაკეტა. ადგილობრივების განცხადებით, 30 ნოემბერს ძლიერმა ქარმა სახლების სახურავები დააზიანა, განსაკუთრებით მძიმე მდგომარეობაა ერთ სახლში, სადაც სახურავი მთლიანად არის ჩაინგრეული. დაზარალებულების მტკიცებით, ხელისუფლება მათ დახმარებას დაჰპირდა, თუმცა ამ დრომდე არავინ გამოხმაურებიათ. ,,სტიქიამ ფოთში რამდენიმე სახლი დააზიანა,მათ შორის ჩემიც.სახურავი მთლიანად ჩაინგრა. ხელისუფლების წარმომადგენლები იყვნენ , დაგვპირდნენ, რომ დაგვეხმარებოდნენ, მაგრამ დღემდე არანაირი შემწეობა არ მიგვიღია. ოჯახის რამდენიმე წევრი ღამეს ახლობელთან ათენებს, -განუცხადა ჟურნალისტებს აქციის მონაწილემ, ზოია გრაფიშვილმა. აღნიშნულთან დაკავშირებით მერიის შესაბამის სამსახურში აცხადებენ, რომ დაზარალებულებს დახმარება უახლოეს დღეებში გაეწევათ.

მსგავსი სტატიები