You are here
სიახლე 

კოლეჯ ფაზისში IT სპეციალობაში ოლიმპიადის ფინალური ტური ჩატარდა 25 06 19

Administrator


დღეს, ფოთის სსიპ კოლეჯ „ფაზისში“ IT პროფესიული საგანმანათლებლო ქსელის ინიციატივით მე-2 სტუდენტური ოლიმპიადის ფინალური ტური, IT მხარდამჭერის სპეციალობაში ჩატარდა. ფინალში საქართველოს სხვადასხვა რეგიონიდან 14 პროფესიული კოლეჯის 39-მა სტუდენტმა მიიღო მონაწილეობა. ტური ორ ქალაქში, ფოთსა და თბილისში ერთდროულად მიმდინარეობდა. დღის ბოლოს გამარჯვებულებს სიგელები და სიმბოლური საჩუქრები გადასცეს.

ოლიმპიადის ჩატარების მიზანია პროფესიულ სტუდენტთა წახალისება და დამსაქმებლის ჩართვის გაძლიერება პროფესიული განათლების სფეროში. კოლეჯის დირექტორის თქმით, პარტნიორი კომპანიები, მათ შორის „ეი პი ემ ტერმინალს ფოთი“, უზრუნველყოფენ ოლიმპიადაში მონაწილე წარმატებული სტუდენტების ფასიან სტაჟირებას.

კოლეჯში ახალი სასწავლო პროცესის დაწყებამდე დაგეგმილია 5 პროფესიული დარგის დამატება. ივლისის თვეში მოკლე ვადიანი სასწავლო პროცესი განახლდება. წარმატებული სტუდენტები კი, შესაბამის სამსახურებში დასაქმდებიან.

ნინო ბაკურაძეს განცხადებით, კოლეჯი ფაზისი CISCO-ს ქსელების აკადემიის პარტნიორია. 5 წლიანი აქტიური თანამშრომლობის შედეგად კი, კოლეჯი „ფაზისი“ ცისკოს საერთაშორისო ორგანიზაციამ სიგელით დააჯილდოვა.

მსგავსი სტატიები