You are here
სიახლე 

კოლხეთის ეროვნულ პარკში მეთევზეებმა აქცია გამართეს 09 07 19

Administrator


ფოთში, მეთევზეებმა კოლხეთის ეროვნული პარკის ტერიტორიაზე აქცია გამართეს. ისინი პალიასტომის ტბაზე არსებულ აკრძალვებს აპროტესტებენ. შეკრებილებმა განაცხადეს, რომ თევზაობით თავიანთ ოჯახებს არჩენენ, დაწესებული შეზღუდვების გამო კი თევზჭერას, პრაქტიკულად ვერ ახორციელებენ. კოლხეთის ეროვნული პარკის ადმინისტრაციის დირექტორის, დავით გრიგოლიას თქმით, რეგულაციებით აკრძალულია ნაპირთან მიახლოება, ე.წ. “დაბუხვით” თევზჭერა და ქვირითობის პერიოდში თევზაობა. აქციის მონაწილეებს ადგილობრივი ხელისუფლების წარმომადგენლებიც შეხვდნენ და ადმინისტრაციასთან ერთად პრობლემის მოგვარებას დაჰპირდნენ. როგორც ადგილზე განმარტეს, კოლხეთის დაცულ ტერიტორიაზე შეზღუდვების მოხსნას საკანონმდებლო ცვლილება სჭირდება, რომლის განხილვაც უკვე მიმდინარეობს.

მსგავსი სტატიები