You are here
სიახლე 

ფოთს უკვე მეორე დღეა ქალაქ იაზდის დელეგაცია სტუმრობს 13 02 20

Administrator

ფოთს სამუშაო ვიზიტით უკვე მეორე დღეა ირანის ისლამური რესპუბლიკის ქალაქ იაზდის დელეგაცია სტუმრობს. დღეს ისინი ფოთის საკრებულოს წარმომადგენლებს შეხვდნენ. საკრებულოს წევრებმა იაზდის დელეგაციის წევრებს ფოთის საკრებულოს მუშაობის სპეციფიკის შესახებ ინფორმაცია მიაწოდეს. და მის მნიშვნელობაზე ისაუბრეს.

შეგახსენებთ, რომ გუშინ ხელი მოეწერა ხელშეკრულებას ქალაქ ფოთისა და იაზდის დამეგობრების შესახებ, რაც ორ ქალაქს შორის ეკონომიკურ, კულტურულ, ჯანდაცვასა და სხვა სფეროებში ურთიერთთანამშრომლობას ითვალისწინებს.

დელეგაციის შემადგენლობაში არიან: იაზდის მერი, იაზდის რეგიონული საბჭოებისა და საქალაქო საქმეთა გენერალური დირექტორი და ქალაქ იაზდის საკრებულოს წარმომადგენელი.

შეხვედრას ესწრებოდნენ ირანის გენერალური საკონსულოს მეთაურის მოვალეობის შემსრულებელი აჰმად ბადფა და საკონსულოს სხვა წარმომადგენლები.

მსგავსი სტატიები