You are here
სიახლე 

ფოთში საპროტესტო აქცია გაიმართა 16 07 20

Administrator

ფოთში,ჯავახიშვილის ქუჩაზე მიმდინარე აქციის პარალელურად , სადაც მოსახლეობა ნავსადგურიდან მომდინარე ჰაერის დაბინძურებას აპროტესტებდა, ხმაური იყო ფალიაშვილის ქუჩაზეც. ადგილობრივმა მცხოვრებლებმა მძიმეწონიანი მანქანების თითქმის უწყვეტი მოძრაობა და ასევე მიმდებარე ტერიტორიაზე არსებული ცემენტის ქარხნიდან წარმოქმნილი ჰაერის დაბინძურება გააპროტესტეს, რაც მათი თქმით ცხოვრებას შეუძლებლად ხდის. მოქალაქეებმა პროტესტის ნიშნად საავტომობილოო გზა გადაკეტეს. მათი თქმით პრობლემის მოგვარების მიზნით მსგავსი აქციები არაერთხელ გამართეს, თუმცა თითქმის 2წელია პრობლემა მოუგვარებელია. ორივე ლოკაციაზე აქციის მონაწილეებს სამეგრელო-ზემო სვანეთის გუბერნატორი ალექსანდრე მოწერელია შეხვდა.მისი განცხადებით, არსებული პრობლემები მისთვის ცნობილი და გასაგებია, თუმცა მათი მოგვარება მყისიერად შეუძლებელია. დღეს ალექსანდრე მოწერელია,ადგილობრივი ხელისუფლების წარმომადგენლებთან ერთად ჯავახიშვილის ქუჩის მცხოვრებლებს ფოთის მერიაში შეხვდა. შეხვედრაზე მიღწეულ იქნა შეთანხმება, შეიქმნას სამუშაო ჯგუფი, რომელიც კონკრეტული ღონისძიებების დაგეგმვაზე და განხორციელებაზე იმუშავებს. სამუშაო ჯგუფის გადაწყვეტილებით, ჰაერის მდგომარეობის შესწავლის მიზნით, თბილისიდან მოწვეულ იქნება შესაბამისი სამსახური, რომელიც ჰაერის დაბინძურების გამომწვევ მიზეზებს შეისწავლის. შეგახსენებთ, რომ ჯავახიშვილის ქუჩაზე მცხოვრები მოსახლეობა მიმდებარედ არსებული ტერმინალების გამო შექმნილი პრობლემებია მოგვარებას ითხოვს

მსგავსი სტატიები