You are here
სიახლე 

ფოთში კულტურული მემკვიდრეობის ძეგლების რეაბილიტაცია მიმდინარეობს 07 09 20

Administrator

ფოთში, აღმაშენებლის ქუჩაზე მდებარე კულტურული მემკვიდრეობის ძეგლის (ყოფილი უშიშროების შენობის) და თამარ მეფის ქუჩაზე მდებარე კულტურული მემკვიდრეობის ძეგლის, მხატვართა სკოლის სრული რეაბილიტაცია მიმდინარეობს. პროექტს ”საქართველოს ძეგლთა დაცვისა და გადარჩენის ფონდი”, კულტურული მემკვიდრეობის ეროვნულ სააგენტოსთან ერთად ახორციელებს. უშიშროების ყოფილ შენობაში რეაბილიტაციის შემდეგ მხატვართა სახლი განთავსდება. სახელმწიფო უშიშროების ყოფილი შენობა ულამაზესს, მოდერნის სტილში შესრულებულ არქიტექტურულ ნაგებობას წარმოადგენს. შენობა წითელი აგურით არის ნაშენი და გამოყენებულია კირქვა. კულტურული მემკვიდრეობის ძეგლი მდიდარია სხვადასხვა არქიტექტურული დეტალებით, კონფიგურაციებითა და მხატვრული ელემენტებით. შენობის არქიტექტორი ედმუნდ ფრიკია და ის ნიკო ნიკოლაძის მოღვაწეობის დროს აშენდა. სამხატვრო სკოლის ისტორიული შენობა უნიკალური არქიტექტურული დეტალებით გამოირჩევა. მისი ავტორიც გერმანელი ედმუნდ ფრიკია. სამხატვრო სკოლა მე-20 საუკუნის დასაწყისში აშენდა.

მსგავსი სტატიები