You are here
სიახლე 

ბოლო 24 საათის განმავლობში ფოთში COVID 19 -ს 17 შემთხვევა დაფიქსირდა 26 05 21

Administrator

საქართველოში კორონავირუსის 1 015 ახალი შემთხვევა გამოვლინდა. ეპიდვითარება უმჯობესდება, მაგრამ, სამწუხაროდ, არა იმ სისწრაფით, როგორც ჩვენ გვინდა, გაუმჯობესდეს, – ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განცხადა. მისი თქმით, თუ ჩვენ მაქსიმალურად დავიცავთ რეგულაციებს, შემთხვევები ნაკლები და ნაკლები იქნება. ამერიკული ფარმაცევტული კომპანია Moderna აცხადებს, რომ მისი ვაქცინა უსაფრთხო და ეფექტურია მოზარდებში კორონავირუსის პრევენციისთვის. როგორც კომპანიაში აღნიშნავენ, გამოკვლევების მე-2 ფაზაში, რომელშიც 12-17 წლამდე ასაკის 3 732 ბავშვი მონაწილეობდა, სისხლის ანალიზებმა აჩვენა, რომ ვაქცინამ იმუნური პასუხი გამოიმუშავა. კომპანიამ არ მიუთითა ეფექტურობის მაჩვენებელი, რადგან გამოკვლევების აღნიშნული ფაზა ეფექტურობის დადგენას არ ემსახურებოდა. ამასთან, პირველადი დაკვირვების შედეგად დადგინდა, რომ არცერთი ბავშვი,რომელმაც Moderna-ს ვაქცინა მიიღო, მეორე დოზის მიღებიდან 14 დღის შემდეგ კორონავირუსით არ დაავადდა. კორონავირუსის 1 015 ახალი შემთხვევიდან სამეგრელო ზემო სვანეთში 102 ახალი შემთხვევა დაფიქსირდა. სამეგრელოს რეგიონში პაციენტები რუხის, სენაკისა და აბაშის კლინიკებში,ფოთისა და ზუგდიდის ჰოსპიტალებში მკურნალობენ. ამ დროისთვის რუხის კლინიკაში 152 კოვიდ პაციენტი იმყოფება -, ფოთის კლინიკაში – 40 კოვიდ პაციენტი, აბაშის ევექსის კოვიდ კლინიკაში – 22, სენაკის ლაზიკა მედში – 46 პაციენტი. ფოთის საზოგადოებრივი ჯანდაცვის ცენტრის ინფორმაციით, ფოთში გასული 24 საათის განმავლობაში კოვიდ-19-ის 17 ახალი შემთხვევა გამოვლინდა.

მსგავსი სტატიები