ფოთში ბოლო 24 საათის განმავლობაში კორონა ვირუსის 21 ახალი შემთხვევა დაფიქსირდა 03 09 21
საქართველოში კორონავირუსის 3 034 ახალი შემთხვევა გამოვლინდა. ქვეყანაში „სინოფარმის“ 600 000 დოზა შემოვიდა, პირველი დოზებით აცრა შეჩერდა დაახლოებით 10 დღის წინ, თუმცა ველოდებით ვაქცინის დამატებითი დოზის მოწოდებას და თუკი ვინმე ელოდება „სინოფარმს“, მას შეუძლია ის გაიკეთოს, მაგრამ „სინოვაკი“, აბსოლუტურად იდენტური ვაქცინაა და თავისუფლად შეიძლება მისი გამოყენება, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
დღეს, საქართველო სრულად ვაქცინირებული ქვეყანა რომ იყოს, დღეში არა 70-80, არამედ 5-6 გარდაცვლილი გვეყოლებოდა, – განაცხადა ინფექციური საავადმყოფოს დირექტორმა, თენგიზ ცერცვაძემ. ბავშვების ინფიცირების წყარო, ძირითადად ოჯახის უფროსი წევრები არიან. ამიტომ მნიშვნელოვანია, სწორედ ზრდასრულებმა დაიცვან რეკომენდაციები და აქტიურად ჩაერთონ ვაქცინაციაში, რათა დაიცვან საკუთარი და ბავშვების ჯანმრთელობა, – ამის შესახებ ციციშვილის ბავშვთა ახალი კლინიკის სამედიცინო დირექტორმა, მაია ჩხაიძემ განაცხადა. დღეს ქვეყანაში გამოვლენილი ინფიცირების 3 034 ახალი შემთხვევიდან: სამეგრელო – ზემო სვანეთი – 237, ფოთში COVID-19 -ის 19 ახალი შემთხვევა . ევექსის ფოთის ჰოსპიტალშია 35 პაციენტი. ფოთის „ცენტრალური საავადმყოფო ბომონდში“ 34 პაციენტი.
