You are here
სიახლე 

დღეს,ფოთში, საარჩევნო ხმების ხელახალი დათვლის პროცესი მიმდინარეობს 04 10 21

Administrator

დღეს,ფოთში, საარჩევნო ხმების ხელახალი დათვლის პროცესი მიმდინარეობს. აღნიშნული გადაწყვეტილება საარჩევნო კოდექსში შეტანილი ცვლილების საფუძველზე განხორციელდა. საარჩევნო უბნები შემთხვევითობის პრინციპით გამოვლინდა. ფოთის საოლქო საარჩევნო კომისიის თავმჯდომარის, სალომე როდონაიას განცხადებით ფოთში 2 ოქტომბრის არჩევნები, მშვიდ ვითარებაში მიმდინარეობდა. შეგახსენებთ, რომ ფოთში პროპორციულ არჩევნებში ბარიერი მხოლოდ სამმა საარჩევნო სუბიექტმა გადალახა. ცენტრალური საარჩევნო კომისიის წინასწარი მონაცემებით, ფოთის საკრებულოში მოხვდნენ: “ერთიანი ნაციონალური მოძრაობა” – 31.41% “გახარია საქართველოსთვის” – 13.2% “ქართული ოცნება” – 41.79% რაც შეეხება მაჟორიტარული არჩევნების შედეგებს, აქ 6 მაჟორიტარული ოლქი “ქართული ოცნების” კანდიდატებმა მოიგეს და მხოლოდ ერთ ოლქში შეძლო ოპოზიციური პარტიის – “ერთიანი ნაციონალური მოძრაობის” კანდიდატმა გამარჯვება, თუმცა, ფოთის მე-6 მაჟორიტარულ ოლქში “ოცნების” კანდიდატს მხოლოდ 40.89% აქვს და, თუ ის 40%-ს ჩამოცდება, ამ ოლქში მეორე ტური გაიმართება. აღსანიშნავია რომ სულ ფოთის საკრებულო 35 წევრით უნდა დაკომპლექტდეს, საიდანაც 28 პროპორციული და 7 მაჟორიტარული წესით იქნებიან არჩეულები.

მსგავსი სტატიები