,,ქართული ოცნების” ლიდერები დღეს ფოთში იმყოფებოდნენ 22 10 21
ქართული ოცნების” ლიდერები სამეგრელოში წინასაარჩევნო შეხვედრებს მართავენ. პრემიერ-მინისტრი ირაკლი ღარიბაშვილი, და “ქართული ოცნების” თავმჯდომარე ირაკლი კობახიძე, დღეს ფოთში იმყოფებოდნენ, ისინი ფოთის მერობის კანდიდატს ბექა ვაჭარაძეს და საარჩევნო შტაბის ხელმძღვანელებს შეხვდნენ. შეხვედრის ძირითადი მიზანი, ფოთში,თვითმმართველობის არჩევნების მეორე ტურია.,,აქ ძალიან ცოტა დაგვაკლდა იმისთვის, რომ პირველივე ტურში დაგვემთავრებინა არჩევნები, გვყავს ძალიან ღირსეული ახალგაზრდა და ამავდროულად გამოცდილი კაცი, ბექა ვაჭარაძე, რომელიც გახდება ფოთის მერი და მოემსახურება მუნიციპალიტეტს,ძალიან ბევრ კარგ საქმეს გავაკეთებთ, ცენტრალურ მთავრობასთან ერთად ფოთისა და ფოთელებისთვის, დარწმუნებული ვარ, ფოთის მოსახლეობა, აბსოლუტური უმრავლესობა მზად არის, ეს არჩევნები სრულად მშვიდად დაასრულოს, ბექას გამარჯვებით, იმიტომ, რომ სხვა რეალური ალტერნატივა, პერსპექტივა არ აქვს დღეს ქვეყანას, გარდა იმისა, რომ „ქართულმა ოცნებამ“ გაიმარჯვოს ყველა მუნიციპალიტეტში. ეს ასეც იქნება და უგულავა დამარცხდება სამარცხვინოდ, ისე, როგორც უკვე დამარცხდა 8-ჯერ მისი მჩაგვრელი პარტია“- განაცხადა პრემიერმა. შეგახსენებთ, სამეგრელოს რეგიონი ერთ-ერთია იმ ოლქებს შორის, სადაც არჩევნების მეორე ტური გაიმართება,სწორედ ამიტომ მთვარობის წარმომადგენლები რეგიონებში აქტიურ შეხვედრებს მართავენ
