ფოთის ეპარქია უკრაინელებისთვის ჰუმანიტარულ დახმარებას გამოყოფს 03 03 22
დეკანოზი მამა ამბროსი ხოშტარია უკრაინაში მიმდინარე მოვლენებს ეხმაურება და უკრაინელი ერისადმი თანადგომას გამოხატავს. შექმნილი ვითარებიდან გამომდინარე ის ფოთელებს გაერთიანებისკენ მოუწოდებს. როგორც მამა ამბროსი აღნიშნავს, საკვების, ტანსაცმლის და პირველადი დახმარების ნივთების შეგროვება და მიწოდება დაზარალებულთათვის აუცილებელია. აღსანიშნავია რომ მსურველებს საშუალება აქვთ მივიდნენ ფოთის საკათედრო ტაძარში და მათთვის სასურველი ნივთები თუ პროდუქტები დატოვონ, რომელიც მოგვიანებიტ უკრაინაში გაიგზავნება. აღნიშნული ინიციატივა საქართველოს კათალიკოს პატრიარქს ილია მეორეს ეკუთვნის. ამ დროისთვის საქართველოს ყველა ეპარქიაში უკრაინის დასახმარებლად ჰუმანიტარული დახმარება გროვდება.
