You are here

მასწავლებლებისა და მასწავლებლობის მსურველებისთვის რეგისტრაცია დაიწყო 30 03 22

Administrator

გუშინ 29 მარტს მასწავლებლებისა და მასწავლებლობის მსურველებისთვის რეგისტრაცია დაიწყო. როგორც განთლებისა და მეცნიერების მინისტრ მიხეილ ჩხენკელის 21 მარტს გამოქვეყნებულ ბრძანებაშია აღნიშნული, გამოცდაზე რეგისტრირებულ პირს შესაძლოა რეგისტრაციის დამადასტურებელი დოკუმენტი ამობეჭდილ მდგომარეობით დასჭირდეს, მათ შორის იმ შემთხვევისთვის, თუკი რომელიმე მონაცემის შესახებ საჩივარი ექნება. ფოთის საგანმანათლებლო რესურსს-ცენტრის უფროსის გოჩა ქორქიას განცხადებით : ყველა მსურველს უფლება აქვს აირჩიოს მხოლოდ ერთი საგანი და ასევე, სურვილის შემთხვევაში, უფროსი სპეციალური მასწავლებლის გამოცდა.  აღსანიშნავია რომ მასწავლებლობის მსურველებისა და მასწავლებლებისთვის საგნისა და პროფესიული უნარების გამოცდების ჩაბარებისთვის რეგისტრაცია 29 მარტის 10:00 საათზე დაიწყო და 14 აპრილის 18:00 საათამდე გაგრძელდება.რეგისტრაცია მიმდინარეობს მხოლოდ ელექტრონულად შეფასებისა და გამოცდების ეროვნული ცენტრის ვებგვერდზე online.naec.ge.

მსგავსი სტატიები