ურეკში შუახნის მამაკაცი, ქუთაისი-ბათუმის მიმართულებით მოძრავმა სამგზავრო მატარებელმა გაიტანა.გარდაცვლილი მუნიციპალიტეტის სოფელ წყალწმინდის მკვიდრია.მომხდარზე ს.ს.კ-ს 275-ე მუხლითაა საქმე აღძრული,რაც რკინიგზის უსაფრთხოების წესის დარღვევას გულისხმობს.

ფოთში ავტოსაგზაო შემთხვევის შედეგად, 29 წლის მამაკაცი გარდაიცვალა.თვითმხილველების განცხადებით, ოპელის მარკის ავტო მანქანა მოცურდა და შემდეგ ამოტრიალდა.მძღოლი ადგილზე გარდაიცვალა,მისი ამოყვანა ავტომანქანის გაჭრის შემდეგ გახდა შესაძლებელი.

ფოთის მე-5 და მე-15 საჯარო სკოლის მოსწავლეებმა კონკურსის პირველი ეტაპი,სახელწოდებით _ მე და კონსტიტუცია,წარმატებით გაიარეს.ტურნირი საქართველოს პრეზიდენტის ფონდის მხარდაჭერითა და „დემოკრატიის ლაბორატორიის“ ორგანიზებით ტარდება.მომდევნო ტური კითხვა პასუხის რეჟიმში, ზუგდიდში გაიმართება.

ცხელ ხაზზე შემოსული ინფორმაციის საფუძველზე, დღეს ფოთში, გარემოს დაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს ინსპექტირების განყოფილების თანამშრომლებმა, ის ობიექტები შეამოწმეს სადაც, თევზის მოპოვება-გადამუშავება მიმდინარეობს.

კერძო საკუთრებაში არსებული საცხოვრებელი ფართის შესყიდვის თაობაზე,დღეს აფხაზეთიდან იძულებით გადაადგილებულმა პირებმა აპლიკაციები შეავსეს.რვა ოჯახის მიერ შევსებული მონაცემები,შემდგომი რეაგირებისთვის, აფხაზეთის სამინისტროს გადაეგზავნა

ქალაქის უბნებში წინასაგაზაფხულოდ ხეების გადაბელვითი სამუშაოები მიმდინარეობს.ხეების კორექციას ტენდერში გამარჯვებული კომპანია „ინფრასტრუქტურა-2008“ აწარმოებს.მოჭრილი ტოტები,საშეშე მერქნის სახით,სოციალურად დაუცველ ოჯახებს გადაეცემათ.