Author: Administrator

15 – 21 ოქტომბერს ,ევროპის ჩემპიონატი 8, 10, 12, 14, 16, 18 და 20 წლამდე ჭაბუკთა და გოგონათა შორის ჩატარდა, რომელშიც, ფოთელი მოჭადრაკე, ელენე წოწონავა ევროპის ახალგაზრდული ჩემპიონატის ერთ-ერთი გამარჯვებული და ბრინჯაოს მედლის მფლობელი გახდა. ელენე წოწონავას მწვრთნელის გოჩა ჩაჩუას თქმით, – აღნიშნულ ჩემპიონატში მიღწეული შედეგი დიდი წარმატებაა,როგორც ელენესვის ისე ფოთის საჭადრაკო კლუბისთვის. აღსანიშნავია რომ ჩემპიონატში 32 ქვეყნის 1000-მდე მოჭადრაკე მონაწილეობდა. მათ შორის ფოთის საჭადრაკო კლუბ ,,ნანა’’-ს 4 მოჭადრაკე: დიანა ლომაია, ელენე წოწონავა, აკაკი ყალიჩავა და კახაბერ კიზირია. ტურნირი შვეიცარიული სისტემით, ჰიბრიდულად ჩატარდა.

საქართველოში კორონავირუსის 5 553 ახალი შემთხვევა გამოვლინდა. 47 ადამიანი კი გარდაიცვალა. 1-ლი ნოემბრის მდგომარეობით, დადებითობის დღიური მაჩვენებელი არის 11,36%.ია. დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, საქართველოსთვის ვაქცინაციის ე.წ. ზღვრული მაჩვენებლი 30-35% აღმოჩნდა და თუ რაიმე წამახალისებელი ან შემზღუდავი ღონისძიება არ დაწესდება, ნებაყოფლობით ვაქცინირებულთა რაოდენობა აღარ გაიზრდება. როგორც გამყრელიძემ აღნიშნა, დღევანდელი მონაცემებით, ორჯერადად აცრილი 18 წელს ზემოთ მოსახლეობის 33%-ია, ხოლო ერთჯერადად მოზრდილი მოსახლეობის 36.6% 5500-ზე მეტი ახალი შემთხვევაა და 47 გარდაცვლილი. ეს 23 სექტემბრის შემდეგ, ლეტალობის ყველაზე მაღალი დღიური მაჩვენებელია. ვაქცინაციის ტემპი ისევ დაბალია. სპეციალისტების პროგნოზები კი ისევ საგანგაშო…

“სტუდია ვაშინგტონი” – „ამერიკის ხმისა“ და “რეგიონულ მაუწყებელთა ალიანსის” ერთობლივი პროექტი

30 ოქომბერს საქართველოში, თვითმმართველობის არჩევნების მეორე ტური გაიმართა. ფოთის მერობისთვის ერთმანეთს ,,ერთიანი ნაციონალური მოძრაობისა’’ და ,,ქართული ოცნება დემოკრატიული საქართველოს’’ კანდიდატები უპირისპირდებოდნენ. შედეგების დათვლის შემდეგ ცნობილი გახდა რომ , ფოთში ,,ქართულმა ოცნებამ” გაიმარჯვა. მერობის კანდიდატი ბექა ვაჭარაძე ამომრჩევლებს მადლობას უხდის, გაერთიანებული ოპოზიციის მერობის კანდიდატი გიგი უგულავა კი აღნიშნულ შედეგებს არ აღიარებს და ამბობს, რომ ფოთში არჩევნები გაყალბდა.ფოთის ცენტრალურ საარჩევნო კომისიაში კი აცხადებენ,რომ არჩევნებმა მშვიდ გარემოში, კანონის დაცვით ჩაიარა და მიუხედავად პროცედურული დარღვევებისა კენჭისყრის პროცესს ხელი არ შეშლია.აღსანიშნავია რომ კანონის შესაბამისად,ფოთის 70-ე საუბნო საარჩევნო კომისიაში ლოტოტრონით გამოვლენილი უბნების გადათვლა დაიწყო. ცენტრალური საარჩევნო…

ფოთში საკუთარი არჩევანი დააფიქსირა “ქართული ოცნების” მერობის კანდიდატმა ბექა ვაჭარაძემ. იგი 30-ე საარჩევნო უბანზე ოჯახთან ერთად მივიდა. “ჩვენ შეგვძლია ვიზრუნოთ ამ ქალაქის განვითარებაზე, საკრებულოს უმრავლესობასთან, ცენტრალურ ხელისუფლებასთან ერთად და გავაერთიანოთ ამ ქალაქში მცხოვრები ადამიანები ზედმეტი სიბინძურის და სიყალბის გარეშე. ჩვენი ინტერესია, რომ მშვიდად წარიმართოს საარჩევნო პროცესი იმიტომ, რომ არეულობა აწყობს იმას , ვინც აგებს.“_ განაცხადა ბექა ვაჭარაძემ.

,,ერთიანი ნაციონალური მოძრაობის’’ და გაერთიანებული ოპოზიციის საერთო კანდიდატმა გიგი უგულავამ საკუთარი არჩევანი მე-15 საარჩევნო უბანზე დააფიქსირა. მან მოსახლეობას აქტიურობისკენ მოუწოდა ,,მინდა ყველა ფოთელს, ვთხოვო, მოვუწოდო აქტიურობისკენ. დღეს თქვენს ხელშია მეგობრებო, როგორ განივთარდება ეს ქალაქი, გავაგრძელებთ თუ არა ჩვენ წრეზე ტრიალს, ტაგნაციას, უპერსექტივობას, უმუშევრობას, თუ მხარს დაუჭერთ განვითარებას’’ განაცხადა ხმის მიცემის შემდეგ მერობის კანდიდატმა.მან ასევე გიორგი გახარიას პარტიის ამომრჩევლებს მოუწოდა მხარდაჭერისკენ ,, მე განსაკუთრებით მინდა ბატონი გახარიას პარტიის და მისი კანდიდატის ამომრჩევლებს მოვუწოდო აქტიურობისკენ, მიუხედავად იმისა, რომ ამ პარტიამ ნეიტრალიტეტი დააფიქსირა.’’- ქტიურობაა საჭირო იმისათვის, რომ დავიბრუნოთ ქალაქი და შავ ზღვაზე მართლაც…

ფოთში, ხმაური იყო მე-12 საარჩევნო უბანთან. „ნაციონალური მოძრაობის“ საქალაქო ორგანიზაციის თავმჯდომარის დარეჯან ცხვიტარიას განცხადებით, მიკრო ავტობუსებში მოქალაქეებს დასურათებული სიები ჰქონდათ.როგორც ცხვიტარია აცხადებს, აგიტატორებისთვის სიების წართმევა სცადა, რასაც ხმაური და სიტყვიერი დაპირისპირება მოჰყვა,მისივე თქმით, ყველა უბანთან მსგავსი ციტუაციაა, არაა 100 მეტრიანი დისტაცია დაცული და მმართველი გუნდი გაყალბებისთვის ემზადება. შემთხვების ადგილზე პოლიციის გამოძახება გახდა საჭირო.

ფოთში,მერობის არჩევნების მეორე ტურია .საარჩევნო უბანები 07.00 საათზე გაიხსნა, კენჭისყრა კი 08.00 საათზე დაიწყო. ფოთის საოლქო საარჩევნო კომისიის თავჯდომარის ინფორმაციით ერთ-ერთი უბანი 10 წუთით ადრე გაიხსნა,რის გამოც უბანს საჩივარი დაეწერა. ადგილობრივი თვითმმართველობის არჩევნებში მერობისთვის “ქართული ოცნების ” და “გაერთიანებული ოპოზიციის კანდიდატები იბრძვიან.ფოთში სულ 41 ათას 128 ამომრჩეველია რეგისტრირებული. არჩევნების პროცესს როგორც ადგილობრივი ასევე საერთაშორისო დამკვირვებლები აკვირდებიან.

საქართველოს მასშტაბით საარჩევნო უბნები 20:00-ზე დაიხურა და ხმის მიცემის პროცესი შეწყდა. დღეს საქართველოში, თვითმმართველობის არჩევნების მეორე ტური გაიმართა. მერებისა და საკრებულოების მაჟორიტარი წევრების არჩევნების მეორე ტური 40 საარჩევნო ოლქსა და 1869 საარჩევნო უბანზე ჩატარდა. ფოთის 70-ე საოლქო საარჩევნო კომისიის თავმჯდომარის,სალომე როდონაიას განცხადებით, ფოთში არჩევნებმა მშვიდ გარემოში კანონის დაცვით ჩაიარა და მიუხედავად პროცედურული დარღვევებისა კენჭისყრის პროცესს ხელი არ შეშლია. როდონაიას თქმით, სულ 14 საჩივარია შემოსული,რომლებიც ძირითადად პროცედურულ ხასიათისაა.დღეს ადგილობრივი თვითმმართველობის არჩევნების მე-2-ე ტური მიმდინარეობდა,რომელშიც ერთმანეთს,ფოთის მერობისთვის, ,,ერთიანი ნაციონალური მოძრაობის’’ კანდიდატი გიგი უგულავა და ,,ქართული ოცნება დემოკრატიული საქართველოს’’ კანდიდატი ბექა ვაჭარაძე უპირისპირდებოდნენ.…