Category: სიახლე

ჯანდაცვის სამინისტროს გადაწყვეტილებით, ფოთში ერთადერთი სამშობიარო სახლის, სამეანო-ნეონატოლოგიურ განყოფილებას, საქმიანობის უფლება შეუჩერდა. მიზეზად შესაბამის სტანდარტებთან შეუსაბამობა სახელდება. ჯანდაცვის სამინისტროს რეგულირების სააგენტოსგან მიღებული აკრძალვის მიხედვით, მედ პერსონალს არ შეუძლია მშობიარის მიღება, მათ შორის გადაუდებელ შემთხვევებშიც კი, რასაც ექიმების განმარტებით შესაძლოა მძიმე შედეგები მოჰყვეს. მათივე თქმით საკუთარი ძალებით არსებული პრობლემის მოგვარებას ვერ ახერხებენ. ისინი დახმარებას ითხოვენ. ფოთის აღმასრულებელ ხელისუფლებაში ამბობენ, რომ კანონის მიხედვით სამშობიარო სახლს ვერ ეხმრებიან, რადგან ის კერძო საკუთრებაა, თუმცა მაჟორიტართან ერთად ამ პრობლემის მოგვარების მიზნით უკვე დაიწყო მუშაობა.

იხილე მეტი

ნანა ალექსანდრიას სახელობის საჭადრაკო კლუბში საქართველოს ჩემპიონატის დასავლეთ ზონის პირველი ლიგის ტურნირი 8-10-12 წლის ჭაბუკთა და გოგონათა შორის დასრულდა. დასავლეთ საქართველოდან ჯამში 95 მოჭადრაკე მონაწილეობდა. ჩემპიონატი შვეიცარული სისტემით 7 ტურად ჩატარდა. ფოთის საჭადრაკო კლუბის მოსწავლეებმა 3 ოქროს, 1 ვერცხლისა და 2 ბრინჯაოს მედალი მოიპოვეს. ხუთეულში გასული მოჭადრაკეები, საქართველოს შესაბამისი ასაკის უმაღლესი ლიგის საგზურით დაჯილდოვდნენ, სადაც ევროპისა და მსოფლიოს ჩემპიონატის საგზურების მოსაპოვებლად ითამაშებენ. პირველი ადგილის მფლობელებს მედლებთან ერთად თასები გადასცეს. საქართველოს ჩემპიონატი უფროსი ასაკის მოჭადრაკეთა შორის 9 მარტს, ნანა ალექსანდრიას სახელობის საჭადრაკო კლუბში დაიწყება.

იხილე მეტი

სერბეთის ქალაქ ნოვი სადში 23 წლამდელთა ევროპის ჩემპიონატი დასრულდა. საქართველოს ბერძნულ-რომაული სტლით მოჭიდავეთა ნაკრებმა 5 ოქროს, 1 ვერცხლისა და 1 ბრინჯაოს მედალი მოიპოვეს. შეჯიბრის დასკვნით დღეს კვარცხლბეკის უმაღლეს საფეხურზე რამაზ ზოიძე ავიდა, ევროპის 23-წლამდელთა ჩემპიონის ტიტული ზედიზედ მესამედ მოიპოვა, ხოლო 55 წონით კატეგორიაში, ხობელმა ნუგზარ წურწუმიამ ჩემპიონის ტიტული მეორედ მოიპოვა. გუნდურ ჩათვლაში საქართველოს ნაკრებმა 178 ქულა მოაგროვა და პირველობა არავის დაუთმო, მეორე ადგილი რუსეთმა დაიკავა, მესამე ადგილის მფლობელი კი – თურქეთი გახდა. ჩემპიონები საქართველოში დღეს დაბრუნდნენ.

იხილე მეტი

ფოთის საზღვაო ნავსადგურში ქალთა საერთაშორისო სოლიდარობის დღე აღნიშნეს. ღონისძიება Maersk-ის მიერ გამოცხადებულ, მრავალფეროვნებისა და ინკლუზიის კვირეულის ფარგლებში ჩატარდა, რომელიც მიზნად ისახავს სამუშაო ძალის მრავალფეროვნების წახალისებას და გენდერულ საკითხებზე საზოგადოების ცნობიერების ამაღლებას. ღონისძიებაზე ნაჩვენები იყო ფილმი ქართველ ქალებზე, რომლებმაც წინააღდეგობების მიუხედავად მოახერხეს მნიშვნელოვანი წვლილი შეეტანათ საზოგადოების განვითარების პროცესში. ასევე გამომსვლელებმა წარმოადგინეს მოკლე ისტორიები იმ ქალებზე, რომლებმაც მანდილოსნებისთვის არატრადიციულ სფეროებში წარმატებას მიაღწიეს. ღონისძიების დასარულს მოწვეულმა სტუმრებმა ვიქტორინაში მიიღეს მონაწილეობა და სხვადასვა ნომინაციაში დაჯილდოვდნენ.

იხილე მეტი

ცენტრალურ ბიბლიოთეკაში შემოქმედებითად მრავალფეროვანი საღამო გაიმართა. სხვადასხვა საჯარო და კერძო სკოლის მაღალკლასელებმა ნაწარმოების შინაარსი თავიანთი ჩანახატებით და ლექსებით გააცნეს დამსწრე საზოგადოებას. პრეზენტაცია მუსიკალურად არჩილ ხორავას სახელობის სახელოვნებო სასწავლებლის ფოლკლორული ანსამბლის ,,პირიმზეს” წევრებმა, გია გურგენაძეს ხელმძღვანელობით გააფორმეს. ლუკა ცომაიამ როგორც აღნიშნა, ეს სერია მადლიერების ნიშნად პრეზენტაციაზე მისულ სტუმრებს საჩუქრად გადასცა.

იხილე მეტი

ფოთში, ნაბადის უბანში, სარსანიას ქუჩაზე წმ. პანტელეიმონ მკურნალის სახელობის სამლოცველო გაქურდეს. ტაძრის მოძღვარს დილით სამლოცველოს კარები და შესაწირი ყულაბები გატეხილი დახვდა. მესანთლის განცხადებით, ყველა ხატი ადგილზეა და დაზიანებული არაა. წაღებულია გაურკვეველი რაოდენობის თანხა. რამდენიმე საათში, შინაგან საქმეთა სამინისტრომ აღნიშნულ ფაქტზე არასრულწლოვანი ამხილა, რომელმაც ჩადენილი დანაშაული აღიარა. გამოძიება სსკ-ის 177 მუხლით მიმდინარეობს.

იხილე მეტი

,,კურსორი”-ს სტუმარია შერეული ორთაბრძოლების მწვრთნელი, ბაჩუკი სულამანიძე და ორგზის ტურნირის ჩემპიონი ბექა კორტავა. სტუმრებმა ისაუბრეს სპორტ დარბაზში არსებულ მდგომარეობაზე, სავარჯიშო ინვენტარის აღჭურვაზე, სპორცმენების წარმატებაზე და სამომავლო გეგმებზე.

იხილე მეტი

ფოთში საგაზაფხულო სამუშაოები მიმდინარეობს. სერვისების ცენტრის გამწვანების განყოფილებამ, ქალაქის მასშტაბით ხეების დარგვის პროცესი დაიწყო. პირველი ხე ნაბადის უბანში, არსებულ სკვერში დარგეს. მათი თქმით, სამუშაოების დასრულებამდე 70-მდე პალმის, ჭაობის კვიპარისის, წყავფოთოლასა და ქაფურის ძირი დაირგვება. ქალაქის მუნიციპალიტეტის სერვისების ცენტრის, გამწვანების განყოფილებაში დააანონსეს, რომ საგაზაფხულო სამუშაოების ფარგლებში, ცენტრალური პარკის ირგვლივ სხვადასხვა სახეობის ხეებსა და ფერად ყვავილებს დარგავენ.

იხილე მეტი

თბილისში, საქართველოს ჩემპიონატის პირველობა ჭიდაობა სამბოში ფოთელების წარმატებით დასრულდა. შეჯიბრი, ჭაბუკებსა და ახალგაზრდებს შორის ჩატარდა, სადაც ჭიდაობის სპეციალიზირებული სპორტული სკოლის 15 ფოთელი სამბოისტი მონაწილეობდა. მოჭიდავეებმა ორივე ასაკობრივ ჯგუფში წარმატებით იასპარეზეს და სამი ოქროს, ორი ვერცხლისა და ორი ბრინჯაოს მედალი მოიპოვეს. ასევე, ჭაბუკებს შორის გუნდური I ადგილი დაიკავეს. საქართველოს ჩემპიონატის გამარჯვებულები, ევროპის ჩემპიონატში იასპარეზებენ, რომელსაც კვიპროსი აპრილის თვეში უმასპინძლებს. სპორტსმენები ევროპის ჩემპიონატისთვის აქტიურად ემზადებიან.

იხილე მეტი

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 7 მარტის ჩათვლით ცვალებადი მოღრუბლული ამინდი დაფიქსირდება, უმნიშვნელო ნალექით. ჰაერის მაქსიმალური ტემპერატურა +14° იქნება. 5 მარტს აღმოსავლეთის ქარი დაქროლავს 12მ/წმ სიჩქარით. მოსალოდნელია ცვალებადი მოღუბლულობა უნალექოდ. ჰაერის ტემპერატურა დღისით: +12° +14 °; ღამით კი + 6 ° + 8 ° იქნება. 6 მარტს ცვალებადი მიმართულების ქარია მოსალოდნელი, რომელიც 12-17 მეტრი წამი სიჩქარით დაქროლავს. ძირითადად მოღრუბლული, უნალექო ამინდი დაფიქსირდება, ღამით დროგამოშვებით წვიმა. ჰაერის ტემპერატურა დღისით +12° +14°, ხოლო ღამით +8° +10° დაფიქსირდება. 7 მარტს სამხრეთ-დასავლეთის ქარი იქროლებს 10-15…

იხილე მეტი