Category: სიახლე

ახალი საქართველოს უნივერსიტეტში, ახალგაზრდა მეცნიერთა კლუბის, რიგით მერვე კონფერენცია გაიმართა. მოხსენება წაიკითხეს თემაზე: „წმ. გრიგოლ ნაზიანზელი – ბიზანტიური საღვთისმეტყველო ფილოსოფიის ფუძემდებელი“. ქრისტიანული ფილოსოფიის სამაგისტრო პროგრამის I კურსის სტუდენტებმა, სექცია _ „ადრექრისტიანული ფილოსოფიის კლასიკოსები“-ს ფარგლებში, წმ. გრიგოლ ღვთისმეტყველის ქრისტიანული მოძღვრება, ფილოსოფიური და თეოლოგიური კუთხით განიხილეს. როგორც გიორგი ხუროშვილმა აღნიშნა, 2018 სასწავლო წელი უნივერსიტეტისათვის ნაყოფიანი იყო, აქ 35 სამეცნიერო შეხვედრა ჩატარდა.

იხილე მეტი

„მის საქართველო 2018“-ის კონკურსში 19 წლის ფოთელი მარეხი ახალაძე, „მის შარმის“ ტიტულის მფლობელი გახდა, ასევე ის ნომინაცია „მის ინტერნეტის“ გამარჯვებულად გამოცხადდა. მარეხი ახალაძემ სამოდელო კარიერა 14 წლის ასაკიდან დაიწყო,მან 2013 წელს Elite Model look Georgia-ს კონკურსში მიიღო მონაწილეობა, სადაც საუკეთესო ოცეულში მოხვდა. მარეხი ფოთის მესამე საჯარო სკოლის კურსდამთავრებულია, ამჯერად კავკასიის უნივერსიტეტის, სოციოლოგიის ფაკულტეტის მეორე კურსზე სწავლობს. როგორც ის ამბობს, ცდილობს უმაღლესი განათლება და სამოდელო კარიერა ერთმანეთს შეუთავსოს.

იხილე მეტი

დღეს, საბიბლიოთეკო გაერთიანების ინიციატივით, ფოთის ცენტრალურ ბიბლიოთეკაში საახალწლო ღონისძიება გაიმართა, რომელიც ფოთის ბავშვთა ცენტრის აღსაზრდელებს მიეძღვნათ. მათთვის ზეიმი, მე-11 საჯარო სკოლის მეორე კლასის მოსწავლეებმა ჩაატარეს. პატარები, ქართული ხალხური ცეკვებით, ეტიუდებითა და ლექსებით წარსდგნენ მაყურებლის წინაშე. ასევე თავიანთი ხელით შექმნილი საახალწლწლო ნაძვის ხეები წარმოადგინეს. ბავშვთა ცენტრის აღსაზრდელებმა კი ზეიმი საქართველოს პატრიარქის ლექსით „ყველაფერი კარგად იქნება“ დაასრულეს. მათი ნატვრაა, 2019 წლის შემობრძანებას, ყველა პატარა, თავის ოჯახთან ერთად შეხვდეს. დასასრულს საბიბლიოთეკო გაერთიანების დირექტორმა, ნუნუ ჭელიძემ, როგორც თვად აღნიშნა, „თოვლის ბებიას“ როლი მოირგო და საახალწლო საჩუქრები გადასცა მონაწილეებს.

იხილე მეტი

ფოლკლორის ცენტრის დარბაზში , საახალწლო საბავშვო კონცერტი გაიმართა. მაყურებლის წინაშე  სახელოვნებო ცენტრთან, ასევე  არჩილ ხორავას სახელობის სახელოვნებო სასწავლებელთან არსებული საესტრადო სტუდიები და ანსამბლები გამოვიდნენ.  როგორც სახელოვნებო ცენტრის დირექტორის  მოადგილემ,მაიკო ტიკარაძემ განაცხადა, ყველაფერი კეთდება იმისთვის, რომ  საახალწლო დღეები თანაქალაქელებისთვის დაუვიწყარი გახდეს. აღნიშნული ღონისძიება სახელოვნებო ცენტრის ორგანიზებით ჩატარდა.ქალაქში საახალწლო ღონისძიებები ოფიციალურად  25 დეკემბერს გაიხსნა  და 20 იანვრამდე  გაგრძელდება.

იხილე მეტი

მე-5 საჯარო სკოლაში საახალწლო ღონისძიება გაიმართა. სხვადასხვა ასკობრივი ჯგუფის მოსწავლეებმა საახალწლო წარმოდგენა, სახელწდებით „ლურჯი ფრინველი“ ითამაშეს. სპექტაკლი  მუსიკალური ნომრებით იყო გაფორმებული. ბავშვები ამ ღონისძებისთვის დაახლოებით ერთი თვე ემზადებოდნენ.

იხილე მეტი

ფოთში, „საახალწლო საჭადრაკო ფესტივალი- 2018”  მიმდინარეობს, რომელშიც 100-მდე ფოთელი მოჭადრაკე იღებს მონაწილეობას.ფესტივალის ფარგლებში ერთმანეთს  დამწყები მოჭადრაკეები უპირისპირდებიან,  ასევე ტარდება  ღია ტურნირი სწრაფ ჭადრაკში.ფესტივალი 23 დეკემბერს დაიწყო და 28 დეკემბერს დასრუდება.  ტურნირის გამარჯვებულების, ასევე წლის საუკეთესო მოჭადრაკეების დაჯილდოების ცერემონია 29 დეკემბერს გაიმართება.

იხილე მეტი

„არტ გალერეა 34-ში“ ანანო ზარანდიას პოეზიის საღამო, სახელწოდებით „გადამჭკნარი გვირილები“ გაიმართა. მან პირველ შემოქმედებით ღონისძიებაზე თავისი ნაფიქრალი პოეტურად გადასცა მსმენელს. როგორც, ზოია გრაფიშვილმა აღნიშნა, ანანო ზარანდია, მე-10 კლასის მოსწავლეა, რომელიც კალამს ცდის და პოეზიაში პირველ ნაბიჯებს დგამს. ზოია გრაფიშვილის თქმით, ნიჭიერი ახალგაზრდა ქალაქს ბევრი ჰყავს და მათ შორის ერთ-ერთი გამორჩეული, ანანო ზარანდიაა.

იხილე მეტი

ფოთში საახალწლო სამზადისი, თეატრის მიმდებარე ტერიტორიაზე ქალაქის მთავარი ნაძვის ხის აწყობით დასრულდა. ნაძვის ხე საზეიმო ვითარებაში აინთო. საახალწლო კონცერტი გაიმართა, სადაც ფოთის სახელოვნებო ცენტრის შემოქმედებითი სტუდიების “ანა-ბანასა” და “მზის გულის” აღსაზრდელები, მუსიკალური და საცეკვაო ნომრებით წარსდგნენ მაყურებლის წინაშე.

იხილე მეტი

ფოთში კომპანია ,,ჯეოსელის“ ოფისი ორმა არასრულწლოვანმა გაქურდა. სამართალდამცავებმა ისინი ცხელ კვალზე დააკავეს. შემთხვევა დილით ადრე მოხდა, მოპარულია მობილური ტელეფონები. შსს-პრეს-ცენტრის ინფორმაციით, სამართალდამცველებმა ნაქურდალი ტელეფონები ნივთმტკიცებად ამოიღეს. აღნიშნულ ფაქტზე გამოძიება, საქართველოს სისხლის სამართლის კოდექსის 177-ე მუხლის მე-2 ნაწილის “ა” და “ბ” ქვეპუნქტებით, მე-3 ნაწილის “ა” ქვეპუნქტით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.

იხილე მეტი

წინა საახალწლო პერიოდში, მეოთხე საჯარო სკოლის მესამე “ბე” კლასის მოსწავლეებმა, თავიანთი დამრიგებლის, ბელა საბიაშვილის ხელმძღვანელობით, ერთ-ერთი სოციალურად დაუცველი ოჯახის დახმარება გადაწყვიტეს. სახლში, სადაც პატარა ქველმოქმედები, მივიდნენ, სამი არასრულწლოვანი ბებიასთან ერთად ცხოვრობს. მოსწავლეები თანატოლებს, სხვადასხვა პროდუქტით, ტკბილეულითა და ჩიჩილაკით ესტუმრნენ. როგორც ბავშვების ბებიამ აღნიშნა, სახლის პირველი სართული ავარიულ მდგომარეობაშია, სახურავიდან კი წვიმა ატანს. მარინა წურწუმია მძიმე სოციალური პირობების გამო ფოთელ მოსახლეობას და ადგილობრივ თვითმმართველობას დახმარებას სთხოვს.

იხილე მეტი