Category: სიახლე

აზიური ფაროსანას რაოდენობა, ამ ეტაპისთვის, მნიშვნელოვნად შემცირებულია. ამის შესახებ სურსათის ეროვნული სააგენტოს უფროსის მოადგილემ ზურაბ ლიპარტიამ ქუთაისში, მავნებლის წინააღმდეგ ბრძოლის შტაბის წარმომადგენლებთან და იმერეთის რეგიონის სოფლის რწმუნებულებთან შეხვედრის შემდეგ განაცხადა.ღონისძიებაზე იმერეთში აზიურ ფაროსანასთან ბრძოლის შედეგები და შემდგომი სამოქმედო გეგმა განიხილეს.შეხვედრაზე სოფლის რწმუნებულებმა აღნიშნეს, რომ მავნებლის საწინააღმდეგო წამლობითი სამუშაოები  პირველ  ეტაპზე შედეგიანი აღმოჩნდა და  ღონისძიებების მეორე ეტაპზეც სახელმწიფო სამსახურები კოორდინირებულად იმუშავებენ.

იხილე მეტი

ფოთში სტუმრად ესტონეთის საპორტო ქალაქ მაარდუს დელეგაცია იმყოფება . სტუმრებს ადგილობრივი ხელისუფლების წარმომადგენლები მერიაში შეხვდენ, სადაც მათ ქალაქების ფოთისა და მაარდუს ურთიერთთანამშრომლობის პერსპექტივებზე ისაუბრეს. ასევე, გაცვალეს სამახსოვრო საჩუქრები. შეხვედრის შემდეგ, ქალაქ ფოთის მერმა გოჩა კურდღელიამ და მაარდუს მერმა ვლადიმირ არხიპოვმა ნიკო ნიკოლაძის ძეგლი გვირგვინით შეამკეს, შემდეგ კი მათ ჰიდროგრაფიის სამსახურში, ფოთის შუქურა დაათვალიერეს. ასევე უცხოელი სტუმრები კოლხეთის ეროვნულ პარკშიც იმყოფებოდნენ. დღის ბოლოს კი მათ საპატივსაცემოდ ფოლკლორის ცენტრში , კონცერტი გაიმართა. მაარდუს დელეგაციის ვიზიტი, საქართველო-ესტონეთის რესპუბლიკას შორის, კულტურულ-სამოქალაქო პროექტის „ყველას უყვარს საქართველო“ ფარგლებში მიმდინარეობს, რომელიც საქართველოსა და ესტონეთის დემოკრატიულ რესპუბლიკებად გამოცხადების…

იხილე მეტი

საქართველოს პრემიერ-მინისტრმა პოსტი დატოვა. გიოორგი კვირიკაშვილმა თანამდებობიდან წასვლის შესახებ განცხადება მთავრობის გუშინდელ სხდომაზე გააკეთა. საინტერესოა, როგორ აფასებს ფოთელი მოსახლეობა პრემიერ-მინისტრის გადადგომას.

იხილე მეტი

ფოთში, საზღვაო სეზონისთვის შექმნილი სამაშველო სამსახური მუშაობას ოფიციალურად ხვალიდან დაიწყებს. დღეს კი მათ სასწრაფო სამედიცინო სამსახურის წარმომადგენელმა პირველადი დახმარების ინსტრუქტაჟი ჩაუტარა. დეტალები სიუჟეტში

იხილე მეტი

ხობის მუნიციპალიტეტის საკრებულოს სხდომათა დარბაზში არასამთავრობო ორგანიზაციის – „ქალები სამართლიანობისთვის“ წარმომადგენლებმა თემაზე – „ქალთა ლიდერობა და ეფექტური კომუნიკაცია“ ტრენინგი ჩაატარეს. 2014 წლიდან, ორგანიზაცია „ქალები სამართლიანობისთვის“ ფრიდრიხ ებერტის ფონდის მხარდაჭერით საქართველოს რეგიონებში პროექტს „გენდერი და არჩევნები რეგიონებში“ ახორციელებს. პროექტის მიზანია ხელი შეუწყოს ქალების აქტიურ მონაწილეობას საზოგადოებრივ და პოლიტიკურ საქმიანობაში. ტრენინგს მოწვეულ სტუმრებთან ერთად ხობის მუნიციპალიტეტის მერი გოჩა ქაჯაია, საკრებულოს თავმჯდომარე ედიშერ ჯობავა, ხობის მუნიციპალიტეტის გენდერული თანასწორობის საბჭოს წევრები და ადგილობრივი ხელისუფლების სხვა წარმომადგენლები ესწრებოდნენ. არასამთავრობო ორგანიზაცია,,ქალები სამართლიანობისათვის“ მსგავს ტრენიგებს ქვეყნის სხვადასხვა რეგიონში მართავს.

იხილე მეტი

გორში, 9 ივნისს, ჭაბუკთა „ა“ და „ბ“ ლიგის 7-კაცა ჩემპიონატი რაგბიში გაიმართა. ჩემპიონატში, რომელშიც საქართველოს სხვადასხვა ქალაქების 12გუნდი იღებდა მონაწილეობას ფოთის „კოლხმა რაინდებმა “ წარმატებით იასპარეზეს და მესამე საპრიზო ადგილზე გავიდნენ.  ჩემპიონატის გამარჯვებული  კი თბილისის გუნდი „ლელო“გახდა. გამარჯვებულები და საპრიზო ადგილზე გასული მორაგბეები თასებით, მედელებითა და სხვადასხვა პრიზებით დაჯილდოვდნენ.

იხილე მეტი

საქართველოს მასშტაბით 2018 წლის ერთიანი ეროვნული გამოცდები 2 ივლისს იწყება. ფოთის რესურცენტრის ინფორმაციით, წლევანდელ გამოცდებზე ათასასი აბიტურიენტია რეგისტრირებული. პირველი გამოცდის ჩაბარება მათ ქართულ ენასა და ლიტერატურაში მოუწევთ.  

იხილე მეტი

2017-2018 სასწავლო წლის სკოლის გამოსაშვები გამოცდები მე-11კლასელებისთვის დღეს დაიწყო. ფოთის საგამოცდო ცენტრის ხელმძღვანელის, გოჩა ქორქიას განცხადებით, სულ გამოსაშვებ გამოცდებზე ფოთის მასშტაბით 360 მოსწავლეა რეგისტრირებული. სულ ფოთში 11 საჯარო და ოთხი კერძო სკოლა ფუნქციონირებს.

იხილე მეტი

ჩვენი თანაქალაქელები, აკადემიურ ნიჩბოსნობაში საქართველოს ნაკრები გუნდის წევრები, ზაურ ჩერნიშოვი და ზურაბ კინტირაია  სლოვენიაში გაემგზავრნენ , სადაც საერთაშორისო რეგატაში მიიღებენ მონაწილეობას. აღსანიშნავია რომ, 2018 წლის ევროპის ახალგაზრდულ ჩემპიონატზე, რომელშიც ევროპის 16 საუკეთესო ნაკრები გუნდი მონაწილეობდა ზაურ ჩერნიშოვმა და ზურაბ კინტირაიამ ორადგილიანი წყვილმოსასმელიანი ნავით B ფინალში 6:46 წუთი ნაჩვენები დროით მე-5 ადგილი დაიკავეს, საერთო ჩათვლაში კი მე-11ადგილი,რაც   დიდი მიღწევაა და ბოლო 25 წლის მანძილზე ქართველი სპორტსმენების საუკეთესო შედეგია ევროპის ახალგაზრდულ ჩემპიონატზე, საერთაშორისო რეგატა სლოვენიაში  15 ივნისს იწყება.

იხილე მეტი

ფოთში, ზღვის წყლის სინჯები აიღეს. საზღვაო სეზონის მოახლოებასთან დაკავშირებით ლაბორატორიული კვლევის ცენტრმა ზღვის ხარისხობრივი მაჩვენებლის მონიტორინგი დაიწყო. ცენტრის დირექტორის, გია რუხაძის თქმით, საანალიზოდ ზღვის წყლის სინჯი ოთხი სხვადასხვა ადგილიდან აიღეს. მისივე ინფორმაციით, მათ ქიმიური და მიკრობიოლოგიური გამოკვლევები ჩაუტარდება და შედეგები ათ დღეში გახდება ცნობილი.  ზღვის წყლის ხარისხის შემოწმება პირველ ნოემბრამდე გაგრძელდება.

იხილე მეტი