ფოთის სანაპიროზე ზღვის სინჯები აიღეს 12 06 18
ფოთში, ზღვის წყლის სინჯები აიღეს. საზღვაო სეზონის მოახლოებასთან დაკავშირებით ლაბორატორიული კვლევის ცენტრმა ზღვის ხარისხობრივი მაჩვენებლის მონიტორინგი დაიწყო. ცენტრის დირექტორის, გია რუხაძის თქმით, საანალიზოდ ზღვის წყლის სინჯი ოთხი სხვადასხვა ადგილიდან აიღეს. მისივე ინფორმაციით, მათ ქიმიური და მიკრობიოლოგიური გამოკვლევები ჩაუტარდება და შედეგები ათ დღეში გახდება ცნობილი. ზღვის წყლის ხარისხის შემოწმება პირველ ნოემბრამდე გაგრძელდება.
