მაია მიმინოშვილი ფოთელ აბიტურიენტებს შეხვდა
დღეს შეფასებისა და გამოცდების ეროვნული ცენტრის დირექტორმა, მაია მიმინოშვილმა ფოთში, მე-2 საჯარო სკოლის სააქტო დარბაზში აბიტურიენტებთან, მშობლებთან, პედაგოგებთან და ადგილობრივი ხელისუფლების წარმომადგენლებთან შეხვედრა გამართა. მისი თქმით, ყველაფერი უნდა გაკეთდეს იმისათვის რომ აბიტურიენტების ინტერესები იყოს დაცული და გამომდინარე აქედან ფოთში და ოზურგეთში დიდი ალბათობით, საგამოცდო ცენტრი არ გაუქმდება.
შეხვედრაზე ფოთელმა აბიტურიენტებმა შეფასებისა და გამოცდების ეროვნული ცენტრის დირექტორს დედის დღე მიულოცეს და ყვავილები მიართვეს.
