You are here
სიახლე 

ფოთის საჭადრაკო კლუბში გრან-პრის გათამაშება გაიმართა 03 02 20

Administrator

29 იანვრიდან 2 თებერვლის ჩათვლით ფოთის საჭადრაკო კლუბში გაიმართა გრან-პრის გათამაშება 8 და 10 წლის მოჭადრაკეთა შორის. ტურნირში მონაწილეობდა 80-მდე მოჭადრაკე. 10 წლის მოჭადრაკეთა უმაღლეს ლიგაში საუკეთესო ბარბარე კულუა იყო, მეორე ადგილზე – გიორგი ფხაკაძე გავიდა, ხოლო მესამეზე თევდორე გონჩაროვი. 10 წლის მოჭადრაკეთა პირველი ლიგაში პირველობა არავის დაუთმო ნიკოლოზ ფაციამ, მეორე ადგილზე კი ნუნუკა ალანია გავიდა, გვანცა აფხაზავა კი მესამე ადგილს დასჯერდა. უმაღლესი ლიგის საგზურები ნიკოლოზ ფაციამ და ნუნუკა ალანიამ მოიპოვეს. 8 წლის მოჭადრაკეთა უმაღლეს ლიგაში პირველი ადგილი ნიკოლოზ ჩაჩავამ მოიპოვა მეორე და მესამე ადგილზე ალექსანდრე – თარგამაძე და ანდრეა მიქაბერიძე გავიდნენ.

8 წლის მოჭადრაკეთა პირველ ლიგაში – პირველი ადგილი იაკობ რატიანმა მოიპოვა, მეორე – ანი გობრონიძემ მესამე ადგილზე კი – თამაზ ხიზანეიშვილი გავიდა. უმაღლესი ლიგის საგზურები მოიპოვეს იაკობ რატიანმა და ანი გობრონიძემ. 6-9 თებერვალს, ფოთის საჭადრაკო კლუბში გაიმართება სამეგრელო-ზემო სვანეთის რეგიონის ჩემპიონატი 8, 12 და 16 წლის ჭაბუკთა და გოგონათა შორის. ჩემპიონატში გათამაშდება შესაბამისი ასაკის საქართველოს ჩემპიონატის უმაღლესი ლიგის საგზურები.

მსგავსი სტატიები