You are here
სიახლე 

ფოთში კანალიზაციის სისტემის მშენებლობა გრძელდება 21 02 2

Administrator

ფოთში საუკუნის პროექტად წოდებულ კანალიზაციის სარეაბილიტაციო სამუშაოებს ამჟამად ჰოლანდიური კომპანია ,,ტაჰალ გრუპი“ ახორციელებს. მან განმეორებით გამოცხადებულ ტენდერში გაიმარჯვა და 2018 წელს აზერბაიჯანული კომპანია ჩაანაცვლა, რომელმაც ვერ შეასრულა დაკისრებული სამუშაოები და ხელშეკრულება შეუწყდა. თუმცა მშენებლობის ვადების დარღვევის გამო „ტაჰალგრუპის“ მიმართაც, როგორც ხელისუფლების , ასევე მედიისა და არასამთვრობოების მხრიდან არაერთი პრეტენზი გამოითქვა. მოსახლეობის უკმაყოფილებას გადათხრილ ქუჩებში მოძრაობის გართულება იწვევს. განსკუთრებული პრეტენზიები ცენტრალური გზების გადაკეტვას მოჰყვება ხოლმე. ამჟამადაც, აკაკისა და წმინდა გიორგის ქუჩებზე ერთდროულად მიმდინარეობს სამუშაოები, რის გამოც ქალაქის ცენტრსა და მალთაყვის რაიონს შორის მოძრაობა გაძნელებულია. კომპანიის წარმომადგენელი აცხადებს, რომ წმინდა გიორგის ქუჩა დღესვე გაიხსნება, ხოლო აკაკის ქუჩაზე სამუშაოებიც უახლოეს დღეებში დასრულდება. შეგახსენებთ , რომ 2015 წელს „საქართველოს გაერთიანებული წყალმომარაგების კომპანიამ“ გამოაცხადა ტენდერი ფოთში კანალიზაციის სისტემების მშენებლობაზე. პროექტი მოიცავდა 112,4კმ ახალი კანალიზაციის მილის და 28 საკანალიზაციო საქაჩი სადგურის მოწყობას, მშენებლობა 2018 წელს უნდა დასრულებულიყო.

მსგავსი სტატიები