ევროკავშირის პროექტის ფარგლებში დასკვნითი შეხვედრა გაიმართა 21 01 22
დღეს ფოთში ევროკავშირის მიერ მხარდაჭერილი პროექტის „საზოგადოების ჩართულობაზე ორიენტირებული თვითმმართველობის განხორციელება ქალაქ ფოთსა და აბაშის მუნიციპალიტეტში“ ფარგლებში შეხვედრა გაიმართა. კონფერენციის მიზანი ადგილობრივი დემოკრატიის ხარისხის გაღრმავება და ადგილობრივი თვითმმართველობების კარგი პრაქტიკის ხელშეწყობაა, სხვადასხვა თვითმმართველობების წარმატებული მაგალითების გაზიარებით. კონფერენციაზე მოწვეული იყვნენ სხვადასხვა მუნიციპალიტეტის წარმომადგენლები, როგორც ისინი აცხადებენ: შეხვედრა საშუალებას მისცემს თვითმმართველობებს პრობლემების გამოვლენისა და გადაჭრის რაციონალური ხერხების მოძიებაში. აღსანიშნავია,რომ ქვეყანაში არსებული,კორონავირუსული მდგომარეობიდან გამომდინარე კონფერენცია ჰიბრიდული სისტემით ჩატარადა.
