ფოთის თიზ-ში 2022 წელს 3 ახალი საწარმოს გახსნა იგეგმება 08 02 22
ფოთის თავისუფალ ინდუსტრიულ ზონაში, 2022 წელს 3 ახალი საწარმოს გახსნა იგეგმება.
ერთ-ერთი მასშტაბური საწარმოო პროექტი – ტექსტილის ქარხანაა, რომლის ექსპლუატაციაში ჩაშვება 2022 წელსაა დაგეგმილი.
ასევე აქვე,ერთ ჰექტარზე, განთავსდება სპილენძის კონცენტრატის ტერმინალი, რომელიც რეგიონის ფარგლებში,ექსპორტისა და რე-ექსპორტისთვის, ერთ-ერთი უმსხვილესი ცენტრი იქნება.
ასევე წარმოებს მოლაპარაკებები ლუბრიკანტებისა და სამაცივრე ვაგონების მწარმოებელ კომპანიებთან.
უკვე დაასრულა გარემოზე ზემოქმედების შეფასების ერთ-ერთი ახალი პროექტი, რომელიც თიზ-ში კალცინირებული ნავთობის კოქსის წარმოებას გეგმავს.
ფოთის თავისუფალი ინდუსტრიული ზონა ( თიზი ) 2009 წელს, ფოთში, ნავსადგურის ყოფილი ექსტენსიური განვითარების ზონის ტერიტორიაზე (300 ჰა), 99 წლის ვადით შეიქმნა.დღეს შპს „ფოთის თავისუფალ ინდუსტრიულ ზონას“ ჰყავს სამი მესაკუთრე და ესენია: საქართველოს მთავრობა – 10 %, არაბული კომპანია „რას ალ ხაიმას საინვესტიციო ორგანო“ (სახელმწიფო ორგანო) – 15% და ჩინური კომპანია შპს სი ი ეფ სი (ევრო-აზიური) – 75 %.
