You are here
სიახლე 

ფოთში, ახალგაზრდა მამაკაცი მოკლეს 24 03 2022

Administrator

ფოთში მამაკაცი მოკლეს. გავრცელებული ინფორმაციით, მეზობელმა მას ბლაგვი საგნით დაზიანება თავის არეში მიაყენა, რაც სასიკვდილო აღმოჩნდა, შემთხვევას წინ ურთიერთშელაპარაკება უძღოდა. ადგილზე მისულ სასწრაფო-სამედიცინო დახმარების ბრიგადას მამაკაცი გარდაცვლილი დახვდა. შსს- განცხადებით: 1992 წელს დაბადებული რ.გ. განზრახ მკვლელობის ბრალდებით დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა, ურთიერთშელაპარაკების ნიადაგზე, ნაცნობს –, მისსავე საცხოვრებელ სახლში, თავის არეში ბლაგვი საგნის გამოყენებით დაზიანება მიაყენა და შემთხვევის ადგილიდან მიიმალა. კ.ხ. მიყენებული დაზიანების შედეგად გარდაიცვალა. სამართალდამცველებმა დანაშაულში ბრალდებული პირი მომხდარიდან რამდენიმე წუთში, ფოთში დააკავეს. პოლიციამ შემთხვევის ადგილიდან დანაშაულის ჩადენის იარაღი ნივთმტკიცებად ამოიღო. გამოძიება განზრახ მკვლელობის ფაქტზე მიმდინარეობს, საქართველოს სისხლის სამართლის კოდექსის 108-ე მუხლით.

მსგავსი სტატიები