გააჩნიათ თუ არა ხანძარსაწინააღმდეგო მექანიზმები ზოგადსაგანმანათლებო დაწესებულებებს?
გააჩნიათ თუ არა ხანძარსაწინააღმდეგო მექანიზმები, მათ შორის ინვენტარი ადგილობრივ ზოგადსაგანმანათლებლო, სკოლამდელი აღზრდის თუ სხვა საჯარო დაწესებულებებს? დღეს „კურსორი“ იმის გარკვევას შეეცადა, დაცულია თუ არა ამ კუთხით ქალაქში უსაფრთხოების ზომები. ქობულეთში დატრიალებული ტრაგედიის შემდეგ ქვეყანაში უსაფრთხოების სტანდარტების დანერგვასა და ამ მიმართულებით ევროპული პრაქტიკის გაზიარებაზე სახელისუფლებო ეშელონებშიც ალაპარაკდნენ. ერთ-ერთ სასტუმროში გაჩენილმა ხანძარმა გვიან ღამით 3 მოზარდის სიცოცხლე იმსხვერპლა.
