ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპიროზე 9 ივნისის ჩათვლით ცვალებადი მოღრუბლულობა დაფიქსირდება. ჰაერის მაქსიმალური ტემპერატურა +26° მიაღწევს.
იხილე მეტიფოთში, ზურაბ სარსანიას სახელობის საქართველოს ღია ჩემპიონატი კრივში მიმდინარეობს, რომელშიც 22 ქალაქის ნაკრები გუნდები მონაწილეობენ. 2005-2006 წლებში დაბადებულ მოკრივეებს შორის ასპარეზობა სამი დღე გაგრძელდება და საბოლოო შედეგი კვირას, 9 ივნისს გახდება ცნობილი. ტურნირს საერთაშორისო და ეროვნული კატეგორიის მსაჯები აფასებენ. ზურაბ სარსანიას სახელობის ტურნირი, კრივის ეროვნული ფედერაციის ინიციატივით და ადგილობრივი ხელისუფლების ორგანიზებით იმართება.
იხილე მეტიგერმანიაში ქალაქ დუისბურგში კანოეთი ნიჩბოსნობაში მიმდინარე მსოფლიო თასის მე -2 ეტაპი დასრულდა. საქართველოს ეროვნული ნაკრების შემადგენლობაში შესული ორი ფოთელი სპორტსმენი, გია გაბედავა და მურმან მალანია ასპარეზობდნენ. შეჯიბრი დაძაბულ ვითარებაში მიმდინარეობდა. მურმან მალანიამ ნახევარ ფინალში მეორე ადგილი დაიკავა, ფინალურ შეხვედრაში კი მერვე ადგილის მფლობელი გახდა. ფოთელი სპორტსმენი ამჟამად ბელარუსში, ქალაქ ბრესტში იმყოფება და ინტენსიურად განაგრძობს ვარჯიშს. ის ევროპისა და მსოფლიო ჩემპიონატიასთვის ემზადება, რომელიც ივლისის თვეში ჩეხეთსა და რუმინეთში გაიმართება.
იხილე მეტიზღვის სეზონის მოახლოებასთან დაკავშირებით, დღეს, ლაბორატორიული კვლევის ცენტრმა ზღვის ხარისხობრივი მაჩვენებლის მონიტორინგი დაიწყო და წყლის ნიმუშები აიღო. ცენტრის დირექტორის, გია რუხაძის ინფორმაციით სანაპიროზე ზღვის წყლის სინჯი ოთხი სხვადასხვა ადგილიდან იქნა აღებული. წყალს ქიმიური და მიკრობიოლოგიური გამოკვლევები ჩაუტარდება და შედეგები ერთ კვირაში გახდება ცნობილი. ზღვის წყლის ხარისხის შემოწმება თვეში სამჯერ მოხდება და ოქტომბრის ბოლოპმდე გაგრძელდება.
იხილე მეტიფონდი „ქველმოქმედი 2015-ის მოწვევით“, “სიკეთის ქალაქის” დამფუძნებელი ნანა შველიძე იმერეთიდან ჩამოვიდა. პირველი სამუშაო ვიზიტის ფარგლებში „ქველმოქმედი 2015“-მა ფონდის მიერ შეგროვილი ტანსაცმელი, კრიზისულ მდგომარეობაში მყოფი ოჯახებისათვის საჩუქრად გადასცა. როგორც იამზე გორგოტაძე ამბობს, ურთიერთთანამშრომლობა შედგა და მომავალში სხვადასხვა საქველმოქმედო ხასიათის ღონიშძიებაში ერთობლივ პროექტებს განახორციელებენ. “სიკეთის ქალაქის” დამფუძნებელი ნანა შველიძე პროფესიით კინოდოკუმენტალისტია. როგორც ის ამბობს, საქართველოს ყველა კუთხე მოვლილი აქვს და თითოეული შეჭირვებულის ისტორია შესწავლილი.
იხილე მეტიგარემოს დაცვის საერთშორისო დღესთან დაკავშირებით, ფოთის მე-4 საჯარო სკოლის ეკო კლუბის მოსწავლეებმა, მარინა მიმინოშვილის ხელმძღვანელობით, კუნძულის უბანში, ზღვის სანაპირო ზოლი დაასუფთავეს. სკოლის მოსწავლეებს, ეროვნული პარკის თანამშრომლები შეუერთდნენ და მათთან ერთად გარემოს დასუფთავებაში წვლილი შეიტანეს. მათ სანაპიროზე შეგროვილი საყოფაცხოვრებო ნარჩენები დაახარისხეს და სხვადასხვა სახის ურნებში გადაანაწილეს. როგორც, მე-4 საჯარო სკოლის წარმომადგენლებმა თქვეს, თითქმის 6 წელია, სანაპიროს დასუფთავებაში აქტიურად არიან ჩართულნი. გაერთიანებული ერების ორგანიზაციის ინიციატივით, გარემოს დაცვის საერთშორისო დღეს, მსოფლიოში ყოველი წლის 5 ივნისს აღნიშნავენ.
იხილე მეტიფოთის, ფიზიკა-მათემატიკის სკოლაში, ჭადრაკის შიდა სასკოლო ტურნირი დღეს დაიწყო, მასში დაწყებითი კლასის 35 მოსწავლე მონაწილეობს. შეჯიბრი ვაჟთა და გოგონათა შორის, შვეიცარიული სისტემით შვიდ ტურად მიმდინარეობს. ტურნირი 13 ივნისამდე გაგრძელდება, ხოლო გამარჯვებულ მოსწავლეებს 14 ივნის საზეიმო ვითარებაში დააჯილდოვებენ.
იხილე მეტიფოთში, საპენსიო ასაკის 100-მდე პრაქტიკოსი პედაგოგიდან, 50-ზე მეტმა საქმიანობის შეწყვეტაზე განაცხადი გააკეთა. განათლების სამინისტროს რეფორმის ფარგლებში, ამ გადაწყვეტილების სანაცვლოდ, ისინი ჯილდოს სახით, ორი წლის ჯამურ ხელფასს, სექტემბრის თვეში ერთდროულად მიიღებენ. როგორც ფოთის რესურსცენტრის უფროსმა გოჩა ქორქიამ აღნიშნა, საპენსიო ასაკის იმ პედაგოგებს, რომლებმაც უარი განაცხადეს ჯილდოს აღებაზე, სტატუსის ასამაღლებლად გამოცდების გავლა მოუწევთ.ასევე, რეფორმის ფარგლებში, 2019 წლის სექტემბრიდან, უფროსი წამყვანი, მენტორი სტატუსის მქონე მასწავლებლებს, სკოლის დირექტორებს და ადმინისტრაციის წევრებს შრომითი ანაზღაურება 150 ლარით გაეზრდებათ.
იხილე მეტიფოთის მეორე საჯარო სკოლის გოგონათა საფეხბურთო გუნდი „ტალღა“ “კოკა-კოლას თასი 2019”-ის რეგიონალური შეჯიბრის გამარჯვებული გახდა. შეხვედრა ზუგდიდში ჩატარდა, სადაც საქართველოს თითქმის ყველა რეგიონის წარმომადგენლები მონაწილეობდნენ. გამარჯვებულები ამჯერად ფინალური შეხვედრისთვის ემზადებიან, რომელიც ბათუმში გაიმართება. საქართველოს ფეხბურთის ფედერაცია და კომპანია “კოკა-კოლა” აღნიშნული სახის ტურნირს ყოველწლიურად ატარებს, სადაც მთელი ქვეყნის მასშტაბით, ფეხბურთელ გოგონებსა და ვაჟებს, საშუალება აქვთ მათი სკოლის სახელით იასპარეზონ და მოიპოვონ თასის მფლობელის ტიტული.
იხილე მეტიფონდ ,,ბილივის’’ საგანმანათლებლო – შემეცნებითი საქმიანობის ფარგლებში 2 თვიანი სოციალური პროექტი, ,,ახალგაზრდები სოციალური ინიციატივისთვის’’ 3 პროექტის გამარჯვებით დასრულდა. კონკურსში 20 ახალგზარდა მონაწილეობდა, რომლებიც 5 მენტორთან ერთად სოციალურ თემატიკაზე მუშაობდნენ. ჯგუფური მუშაობის ფორმატში 4 სოციალური პროექტი შექმნეს. ჟიურიმ მონაწილეებისათვის მოულოდნელი გადაწყვეტილება მიიღო და კონკურსის მთავარი პრიზი – 1000 ლარიანი დაფინანსება ორ საკონკურსო ჯგუფზე გადაანაწილა, ერთი გამორჩეული პროექტი კი ჟიურის წევრის – გიგი ქაცარიძის ფავორიტი გახდა. მან პირადად დააფინანსა წარმოდგენილი სოციალური ინიციატივა. სოციალური პროექტი მიკროსაფინანსო ორგანიზაცია ,,კრისტალის’’ მხარდაჭერით განხორციელდა. ფონდი ,,ბილივისა’’ და კონკურსში მონაწილე ბავშვების დასკვნითი შეხვედრა, კოლხეთის ეროვნული პარკის საკონფერენციო დარბაზში…
იხილე მეტი
