ამერიკის პრეზიდენტმა ჯონ კენედიმ მშვიდობის კორპუსი 1961 წელს დაარსა. მშვიდობის კორპუსი არის ამერიკის მთავრობის სააგენტო, რომელიც ჩვენს ქვეყანაში საქართველოს მთავრობის მოწვევით მუშაობს. მოხალისეთა შერჩევა კონკურსის საფუძველზე მიმდინარეობს . ფოთის სამოქალაქო განვითარების და ინტეგრაციის ცენტრმა და სამაუწყებლო კომპანია მეცხრე ტალღამ აღნიშნულ კონკურში მონაწილეობა მიიღეს, გაიმარჯვეს და 2 წლის განმავლობაში მშვიდობის კორპუსის მოხალისესთან ერთად მრავალი საინტერესო პროექტის განხორციელებას გეგმავენ. მათი განცხადებით, მოეწყობა ახალგაზრდული სტუდია და საზაფხულო სკოლა. ისინი ახალგაზრდებს მრავალ საინტერესო სიახლეს შესთავაზებენ. მშვიდობის კორპუსის ამერიკელ მოხალისეთა ჯგუფი რიგით მეცხრამეტეა, ისინი საქართველოში უკვე ჩამოსულები არიან და აქ 2 წლის განმავლობაში დარჩებიან.

იხილე მეტი

5-9 ივნისს ფოთში ზურაბ სარსანიას სახელობის ტურნირი გაიმართა 2005-2006 წელს დაბადებულ ჭაბუკთა შორის. სადაც მონაწილეობდა 22 ქალაქის 140 მოკრივე, ფოთელმა მოკრივეებმა 2ოქროს 2ვერცხლის და 6ბრინჯაოს მედალი მოიპოვეს. გამარჯვებულები ევროპის ჩემპიონატისთვის მოემზადებიან, რომელიც გაიმართება თბილისში 2-12 აგვისტოს.

იხილე მეტი

ფოთში, შავი ზღვის სანაპიროზე დამსვენებელთა უსაფრთხოების მიზნით, სამაშველო სამსახურმა მუშაობა დაიწყო. მალთაყვის, კუნძულისა და ნაბადის სანაპიროზე, შესაბამისი ტექნიკით აღჭურვილი მაშველები პატრულირებას სისტემატიურად ახორციელებენ. სეზონის დაწყებამდე მათ სპეციალური მომზადების კურსი გაიარეს. საზღვაო-სამაშველო სამსახური სექტემბრამდე იფუნქციონირებს.

იხილე მეტი

ჩვენი თანაქალაქელის, პაატა ასათიანის ინიციატივით, ფლორიდაში გაიმართა შეხვედრა, რომელიც საქართველოს დამოუკიდებლობის დღეს მიეძღვნა. ქართველი ემიგრანტები ფლორიდის შტატის 10 ქალაქიდან შეიკრიბნენ და საქართველოს დამოუკიდებლობის დღე აღნიშნეს. შეხვედრას საქართველოს კონსული ამერიკაში, გიორგი არჩემაშვილი დაესწრო, ხოლო საქართველოს ელჩმა ამერიკაში, დავით ბაქრაძემ, დამსწრე საზოგადოებას დღესასწაული ვიდეო მიმართვით მიულოცა. ორგანიზატორთა განცხადებით მსმგავსი ღონისძიებები მომავალშიც გაიმართება.

იხილე მეტი

ეკონომიკისა და მდგრადი განვითარების სამინისტროს ჰიდროგრაფიული სამსახურის სინოპტიკური სამმართველოს ინფორმაციით, ფოთისა და ყულევის სანაპირო ზოლში ხვალიდან შედარებით აგრილდება. სამი დღის მანძილზე ღამის საათებში ხანმოკლე წვიმაა მოსალოდნელი. ზღვის ღელვა კი 2-3 ბალამდე დაფიქსირდება. 12 ივნისს იქროლებს სამხრეთ-დასავლეთის ქარი 6-11 მ/წმ სიჩქარით. ღამით მოსალოდნელია ხანმოკლე წვილმა ელჭექით. ჰაერის ტემპერატურა დღისით +25-27 გრადუსი, ღამით +20-22 გრადუსი. 13 ივნისს შენარჩუნდება სამხრეთ-დასავლეთის ქარი. ჰაერის ტემპერატურა +24-26 გრადუსი, ღამით +21-23 გრადუსი დაფიქსირდება. 14 ივნისს ჰაერის ტემპერატურა დღისით +25-27 გრადუსი, ღამით კი +21-23 გრადუსი იქნება.

იხილე მეტი

მეოთხე საჯარო სკოლაში, შემეცნებითი ღონისძიება „გადავარჩინოთ დედამიწა“ გაიმართა. მესამე ა და ბ კლასის ( დამრიგებლები ბელა საბიაშვილი და თამარ მიგინეიშვილი) მოსწავლეებმა, ეკოლოგიურ პრობლემებზე და მათ გადაჭრის გზებზე პატარა სპექტაკლი წარმოადგინეს. ღონისძიების დასასრულს კი მოწვეულ სტუმრებს, ამ თემაზე მათ მიერ შექმნილი ბუკლეტები დაურიგეს.

იხილე მეტი

ფოთის ცენტრალური კულტურისა და დასვენების პარკის რეკონსტრუქცია დაიგეგმა. მერის პირველი მოადგილის, კოტე თოფურიას განცხადებით, ჯერჯერობით უცნობია კონკრეტულად როგორ სახეს მიიღებს განახლებული პარკი, რადგან მისი მოწყობის საპროექტო წინადადების შესყიდვაზე, ფოთის მუნიციპალიტეტის მიერ გამოცხადებული კონკურსი ჯერ არ დასრულებულა. მისივე თქმით წინასწარი გათვლებით, სამუშაოები შემოდგომაზე დაიწყება. პროექტის სავარაუდო ღირებულება 3 500 000 ლარია, რომელსაც რეგიონული განვითარების ფონდი დააფინანსებს.

იხილე მეტი

ფოთში ხვალ 21:00 სთ-დან, აზიური ფაროსანას თერმული ნისლით შეწამვლა იწყება. სურსათის ეროვნული სააგენტოს წარმომადგენლები მოსახლეობას მოუწოდებენ დაიცვან უსაფრთხოების ნორმები. აზიურ ფაროსანასთან ბრძოლის ფოთის მონიტორინგის ჯგუფმა დღეს ქალქის უბნებში, სპეციალური დამჭერი ხაფანგების (ფერომონების) ჩამატება და ამ ლოკაციებზე მოწამვლა ცივი შესხურებით განახორციელა, ხვალ კი აღნიშნული ღონისძიება უფრო მასშტაბურ ხასიათს მიიღებს.

იხილე მეტი

დღეს ფოთის აგრარული ბაზრის ტერიტორიაზე ხმაური იყო. ყველით და რძის პროდუქტებით მოვაჭრეებმა, რომლებიც შენობაში ახორციელებენ გაყიდვებს, გარე მოვაჭრეების საქმიანობა გააპროტესტეს. მათი თქმით, გარემოვაჭრეების გამო მყიდველი ყველის ბაზრობაზე არ შედის, რის გამოც რძის პროდუქტების რეალიზაციას ვერ ახდენენ. მათივე თქმით, გარე მოვაჭრეები ყოველგვარი სანიტარული ნორმების დაცვის გარეშე ახორციელებენ მალფუჭებადი რძის პროდუქტების გაყიდვას. მოვაჭრეები ბაზრის ადმინისტრაციისგან და შესაბამისი სამსახურებისგან კანონით გათვალისწინებული ზომების მიღებას მოითხოვენ. როგორც, აგრარული ბაზრის დირექტორმა, ნოდარ კორსანტიამ განაცხადა, სურსათის ეროვნული სააგენტო ვერ ახორციელებს გარე მოვაჭრეების შემოწმებას, რადგან ისინი ბაზრის ტერიტორიაზე არ იმყოფებიან. ის ამბობს, რომ გარე მოვაჭრეებს ბაზრის შენობაში ალტერნატიულ…

იხილე მეტი

არჩილ ხორავას სახელობის სახელოვნებო სასწავლებლის დარბაზში, კამერული მუსიკის კონცერტი გაიმართა. საღამოზე, მირიან ხუხუნაიშვილის დირიჟორობით, თბილისის სახელმწიფო კამერულმა ორკესტრმა „საქართველოს სინფონიეტამ“ იაპონელ პიანისტ კასუმი ბაროუქისთან ერთად კლასიკური ნაწარმოებები შეასრულეს, სადაც სიმებიანი ინსტრუმენტებით ნორვეგიელი კომპოზიტორის ედვარდ გრიგისა და ავსტრიელი კომპოზიტორის, იოზეფ ჰაიდნის ნაწარმოებები გააჟღერეს. დაგეგმილი ტურნეს ფარგლებში, ჯგუფის წევრები კამერული მუსიკის კონცერტს, თელავში 9 ივნისს გამართავენ.

იხილე მეტი