Author: Administrator

19 დეკემბერს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში გაწვიმდება, მაღალმთაში მოთოვს.ჰაერის ტემპერატურა დასავლეთ საქართველოში +8, +13 გრადუსამდე დაიკლებს. 20 დეკემბერს შეედარებით გამოიდარებს და დათბება, ხოლო 21 დეკემბრიდან ცივი და ნოტიო ჰაერის მასების გავრცელებაა მოსალოდნელი.ფოთში 18დეკემბერს დღისით და ღამით ღრუბლიანი ამინდია მოსალოდნელი დროგამოშვებით წვიმას უნდა ველოდოთ. ჰაერის ტემპერატურა დღისით +10+12 გრადუსი,ხოლო ღამით , +8 +10 გრადუსი იქნება.19 დეკემბერს დღისითა და ღამით უმეტესად მოღრუბლული ამინდი გველოდება, მოსალოდნელია ხანმოკლე წვიმა ჰაერის ტემპერატურა დღისით +9 +11, ხოლო ღამით +7 +9 გრადუსი იქნება.

დღეს ფოთის ცენტრალურ ბიბლიოთეკაში, ქალაქის მთავარი საფინანსო დოკუმენტის, საჯარო განხილვა გაიმართა. როგორც შეხვედრაზე აღინიშნა, მომავალი წლის ბიუჯეტი 2021 წლის ბიუჯეტთან შედარებით 2 მილიონ 700 ათასი ლარით გაიზარდა. შესაბამისად, გაიზარდა სოციალური პროგრამებისა და ინფრასტრუქტურული პროექტების დაფინსასებაც. ფოთის მერის ბექა ვაჭარაძეს ინფორმაციით, 2022 წელს ფოთი 7 მილიონიან ტრანსფერს მიიღებს, რომელიც ინფრატრუქტურულ პროექტებზე იქნება მიმართული. მან ასევე ყურადღება გაამახვილა აღნიშნული დოკუმენტის მნიშვნელობასა  და სამომავლო პერსპექტივებზე. აღსანიშნავია რომ ფოთის 2022 წლის ადგილობრივი ბიუჯეტი 23 მილიონი ლარით განისაზღვრა.

იმუნიზაციის პროცესის დაჩქარების მიზნით, აფხაზეთის ავტონომიური რესპუბლიკის მთავრობა ჩაერთო კამპანიაში „ავიცრათ ერთმანეთისთვის“.  კამპანიის ფარგლებში, დაავადებათა კონტროლისა და საზოგადოებრივი ჯანმრთელობის ეროვნული ცენტრის ჩართულობით სოფელ ჭითაწყარში, „ევექსის“ კლინიკაში, ზუგდიდის მუნიციპალიტეტში მცხოვრებ აფხაზეთიდან დევნილებს COVID-19-ის ვაქცინაცია ჩაუტარდათ. ღონისძიების ფარგლებში დევნილებს მიეწოდათ ინფორმაცია ვაქცინების და იმუნიზაციის მნიშვნელობის შესახებ, ასევე გადაეცათ საინფორმაციო ბუკლეტები და სამედიცინო პირბადეები. მოსახლეობას,ვაქცინაცია  ექიმ-სპეციალისტებმა,   ნებაყოფლობითი ანტიგენზე დაფუძნებული სწრაფი ტესტირება და ვაქცინაცია ჩაუტარეს. იმუნიზაციის  ცენტრამდე დევნილების ტრანსპორტირება აფხაზეთიდან იძულებით გადაადგილებულ პირთა-დევნილთა სამინისტრომ უზრუნველყო. აფხაზეთის მთავრობის ორგანიზებით, იმუნიზაციის კამპანია საქართველოს ყველა რეგიონში გაგრძელდება.

„მზად ვართ დიალოგისთვის, თუმცა არა რომელიმე ქვეყნის სუვერენიტეტის ხარჯზე,“- სტოლტენბერგი ; უკრაინა რუსეთის მიერ ანექსირებული ყირიმის მახლობლად სამხედრო წვრთნებს მართავს; პრეზიდენტი ბაიდენი განადგურებული ქალაქების სრულად აღდგენის პირობას დებს

ფოთის მე-2 საჯარო სკოლის მოსწავლეებმა გიორგი სანიკიძემ, გვანცა კვაჭაძემ და ანი ნაჭყებიამ პროექტში ,,წიგნების თარო“ მონაწილეობა მიიღეს და გაიმარჯვეს. მიღწეულ წამატებაზე და სამომავლო გეგმებზე, პროექტის ერთ-ერთი მონაწილე გიორგი სანიკიძე გვესაუბრება, რომელიც დღევანდელი ..კურსორი’’-ს ჩართვის სტუმარია.

“სტუდია ვაშინგტონი” – „ამერიკის ხმისა“ და “რეგიონულ მაუწყებელთა ალიანსის” ერთობლივი პროექტი

საქართველოს მუნიციპალიტეტების გამჭვირვალობისა და ანგარიშვალდებულების კუთხით 2021 წელს საუკეთესო შედეგის მქონე მუნიციპალიტეტად ფოთის მუნიციპალიტეტი დასახელდა.  ცნობილია, რომ 2019 წელს აღნიშნული ინდექსის მიხედვით ფოთი 36-ე ადგილს იკავებდა. დედაქალაქში, მუნიციპალიტეტების 2021 წლის მუშაობის შეფასების შედეგების პრეზენტაცია და გამჭვირვალობის რეიტინგის პირველ ხუთეულში შემავალი მუნიციპალიტეტების დაჯილდოება გაიმართა, სადაც გამომსვლელებს სიტყვით ფოთის მერმაც მიმართა.  ბექა ვაჭარაძემ გამჭვირვალობისა და ანგარიშვალდებულების სტანდარტების დანერგვის მიღწევებზე , გამოწვევებზე და საჭიროებებზე ისაუბრა. პროექტი ხორციელდება კონსულტაციის და ტრენინგის ცენტრის (CTC), ინფორმაციის თავისუფლების განვითარების ინსტიტუტისა (IDFI) და მმართველობითი სისტემების განვითარების ცენტრის (MSDC) მიერ, ფონდი ღია საზოგადოება საქართველოს (OSGF) ფინანსური მხარდაჭერით

ქართული ფოლკლორის ამაგდარს, იროდი ტიკარაძეს დღეს 80 წელი შეუსრულდა. ის გახლავთ, ფოთის მთავარი ლოტბარი, კულტურის დამსახურებული მოღვაწე და მრავალი ანსამბლის შემქმნელი,მათ შორის: “ფაზისი”, ქალთა ტრიო, “ნორჩი ფაზისელები”, ახალგაზრდული ანსამბლი “ფოთი”, “კოლხი ბიჭები’, “მახარია”. აღსანიშნავია რომ 27 წელი სათავეში ედგა საქალაქო კულტურის სახლს, შემდგომში ფოლკლორის ცენტრს, წლების მანძილზე იყო ფოთის სახელმწიფო თეატრის ლოტბარი, ხელმძღვანელობდა მუსიკალური სასწავლებლის ხალხურ-საკრავთა განყოფილებას, ვაჟთა ფოლკლორულ ანსამბლს, თოჯინების სახალხო თეატრს და სხვადასხვა დროს ლანჩხუთის, დედოფლისწყაროს, აბაშისა და სენაკის ფოლკლორულ ანსამბლებს. 2015 წლიდან მოღვაწეობს ფოთის სალოტბარო სკოლაში. საიუბილეო თარიღი იროდი ტიკარაძეს, ფოთის მერიის თანამშრომლებმა მიულოცეს და მუნიციპალიტეტის სახელით…

სკოლები საახალწლო არდადეგებისთვის ემზადებიან,ფოთის საგანმანათლებლო რესურს- ცენტრის უფროსის გოჩა ქორქიას თქმით, საქართველოს მასშტაბით, საჯარო და კერძო სკოლებში არდადეგები 2021 წლის 30 დეკემბრიდან დაიწყება, სასწავლო პროცესი კი 2022 წლის 17 იანვარს განახლდება. აღსანიშნავია რომ, ფოთის №1 №3 №5 და №15 სკოლები სრულად დისტანციურ სწავლებაზე იმყოფებიან,ხოლო №2 და ,,წმინდა ნიკოლოზის ზოგადსაგანმანათლებლო საშუალო სკოლა’’-ში სწავლა ჰიბრიდული მეთოდით,როგორც დასწრებით ისე დისტანციურ რეჟიმში მიმდინარეობს.