საჯარო და კერძო სკოლებში საატესტატო გამოცდები დასრულდა, სკოლები უკვე მეთერთმეტე კლასელების გამოცდებისთვის ემზადებიან, ამ და სხვა საკითხებზე ჩვენი გადამღები ჯგუფი ფოთის რესურსცენტრის ხელმძღვანელს, გოჩა ქორქიას ესაუბრა.
იხილე მეტი26 მაისს საქართველოში დამოუკიდებლობის დღე აღინიშნება. ზუსტად 100 წლის წინ, 1918 წლის 26 მაისს, თბილისში საქართველოს ეროვნულმა საბჭომ სახელმწიფოებრივი დამოუკიდებლობის აქტი მიიღო. საქართველოს დემოკრატიულმა რესპუბლიკამ, რომლის დამოუკიდებლობა ევროპის წამყვანმა ქვეყნებმა ცნეს, არსებობა არასრული სამი წლის თავზე, საბჭოთა რუსეთის მიერ განხორციელებული ოკუპაციის შემდეგ, შეწყვიტა. საქართველომ დამოუკიდებლობის აღდგენა 70 წლის შემდეგ, 1991 წლის 9 აპრილს, შეძლო. დამოუკიდებლობის დღესთან დაკავშირებით, მთავრობა მასშტაბური პროგრამის განხორციელებას როგორც დედაქალაქში ასევე საქართველოს რეგიონებში გეგმავს. ფოთის აქტიურად ემზადება ამ დღის მასშტაბურად აღსანიშნავად. ფოთში სადღესასწაულო ღონისძიებები 10 საათიდან დაიწყება და რვის ნახევარზე –გალა კონცერტით და გრანდიოზული ფოიერვერკით დასრულდება.
იხილე მეტისაქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრის წარმომადგენლებმა ფოთში საინფორმაციო შეხვედრა გამართეს, რომელიც თამბაქოს კონტროლის პოლიტიკასა და კანონის რიგი დეტალების გაცნობასა და დანერგვას შეეხებოდა. ⭕ კანონი, რომელიც საზოგადოებაში თამბაქოს მოხმარების რეგულაციებს აწესებს, ძალაში პირველი მაისიდან შევიდა. შეხვედრა ადგილობრივი თვითმმართველობისა და სტრუქტურული ერთეულების წარმომადგენლებთან, მისი აღსრულების საკითხების გაცნობას შეეხებოდა. შეხვედრის ორგანიზატორთა თქმით, საქართველოში ყოველწლიურად 11 400 ადამინი თამბაქოს მოხმარებასთან დაკავშირებული დაავადებებით იღუპება, ამათგან 2000 ზე მეტი პასიური მწეველია.
იხილე მეტისლოვენია ივნისში უეფას მოყვარულთა ტურნირის, რეგიონთა თასის ჯგუფური ეტაპის თამაშებს უმასპინძლებს. მისი ერთ-ერთი მონაწილე ფოთის “ჭაბონამა” იქნება, რომელიც 2017 წელს საქართელოს მოყვარულთა თასის მფლობელი გახდა.ფოთელ ფეხბურთელთა მეტოქეეები სლოვენიის “მარიბორი”, რუმინეთის “ბუზაუ” და შოტლანდიის “ცენტრალ სკოტლანდი” იქნებიან, რომლებიც თავიანთ ქვეყნებში საუკეთესო სამოყვარულო გუნდები არიან. 5 ივნისს ფოთელები სლოვენიელებს დრაბოგრადის “სპორტ ცენტრში” შეხვდებიან, ამავე სტადიონზე 8 ივნისს – რუმინელებს, ხოლო 11 ივნისს, ველენიეს “ობვეზერუს” არენაზე – შოტლანდიელებს. ფოთელები ინტენსიურად ემზადებიან ჯგუფური ეტაპისთვის. მათ რამდენიმე ამხანაგური შეხვედრაც გამართეს. ამ ეტაპზე მიმდინარეობს გუნდის მომზადება, მათი შეკრება, რჩევეა-დარიგებების მიცემა პროფესიონალი მწვრთნელების მიერ. გუშინ საღამოს გაიმართა…
იხილე მეტიფოთის მერმა გოჩა კურდლიამ,ჟურნალსტებთან შეხვედრა გამართა,სადაც 6 თვის მუშაობის ანგარიში წარადგინა. მან ქალაქში მიმდინარე მნიშვნელოვან პროექტებზე ისაუბრა და არსებული პრობლემების მოგვარების გზებზე გაამახვილა ყურადღება. ქალაქის მერი მსგავსი სახის შეხვედრებს მომავალშიც გეგმავს
იხილე მეტი18-20 მაისს საბერძნეთის დედაქალაქ ათენში ჩატარდა ევროპის ჩემპიონატი ჭიდაობა სამბოში დიდებს შორის, სადაც 52 კგ წონით კატეგორიაში წარმატებით იასპარეზა ფოთელმა მოჭიდავემ გივი ნადარეიშვილმა, რომელმაც II საპრიზო ადგილი მოიპოვა.
იხილე მეტიფოთში, დეკანოზი მამა გრიგოლი “ენერგო-პრო ჯორჯიას” პირველი აბონენტია, რომელიც ქსელში ნეტო აღრიცხვის სქემით ჩაერთო. მან საკუთარი სახლის ეზოში, 2 კვტ-ის სიმძლავრის მზის ელექტროსადგური მოაწყო. პანელები მოძრავ კონსტრუქციაზეა დამონტაჟებული, რაც მზის მიმართულებით შემობრუნების საშუალებას იძლევა და დღის განმავლობაში დამატებით 3 კილოვატით მეტ ელექტროენერგიას გამოიმუშავებს.
იხილე მეტიაპრილში შიდა ქართლში აზიური ფაროსანას მონიტორინგის მიზნით ფერომონები დამონტაჟდა. სურსათის ეროვნული სააგენტოს წარმომადგენლის განმარტებით ხაფანგებმა რეგიონში მავნებლის გავრცელება ამ ეტაპზე არ დაადასტურა. თუმცა გამოკითხული მოსხლეობის ნაწილი ამბობს, რომ ბაღლინჯო საკარმიდამო ნაკვეთებში და საკუთარ სახლებში შენიშნეს. როგორც დავით გოგინაშვილი აღნიშნავს ლაბორატორიული კვლევების შედეგად დამტკიცდა, რომ რომ ეს არის ფაროსანას სხვა სახეობაა, რომელიც შიდა ქართლში აქამდეც იყო გავრცელებული.
იხილე მეტიხობში გამწვანების აქცია გაიმართა. ფოთის რაიონული პროკურატურის წარომადგენლებმა მეორე საჯარო სკოლის ეზოში მოსწავლეებთან ერთად მარადმწვანე ხეები დარგეს. აქცია პროექტის „საზოგადოებრივი პროკურატურა“ ფარგლებში ჩატარდა. მოსწავლეებს პროკურატურის თანამშრომლებმა პროექტის მიზნები გააცნეს და გარემოზე ზრუნვის აუცილებლობაზე ესუბრნენ. ღონისძიების მიზანი ეკოსისტემაზე ზრუნვა და მოზარდებში გარემოსდაცვითი ცნობიერების ამაღლება იყო.მსგავსი აქცია მომავალშიც იგეგმება
იხილე მეტიფოთის თეატრის ექსპერტიზაზე და საპროექტო სამუშაოებზე ადგილობრივმა ხელისუფლებამ 30 000 ლარი გამოყო. თუმცა მეორედ გამოცხადებული ტენდერიც ჩაიშალა. მასში მონაწილეობა არც ერთმა საპროექტო ორგანიზაციამ არ მიიღო. ტენდერის პირობებით უნდა დაიდოს დასკვნა რამდენად უსაფრთხოა თეატრის შენობა და ამის შემდეგ მომზადდეს პროექტი თუ რა სახის სამუშაოები უნდა ჩაუტარდეს ობიექტს. შეგახსენებთ, რომ ფოთის თეატრის მშენებლობა 2014 წელს დასრულდა. თუმცა რამდენიმე წელიწადში შენობა ავარიული გახდა. მიმდინარე წლის იანვარში ფოიეში ჭერის ფრაგმენტი ჩამოვარდა და მას შემდეგ ფოთის თეატრის დასმა მუშაობა შეაჩერა.
იხილე მეტი
