Category: სიახლე

ფოთის თეატრს საჯარო სკოლის მოსწავლეები ეწვივნენ. მათ თეატრის სამხატვრო ხელმძღვანელი რამაზ იოსელიანი და საბავშვო წარმოდგენის ,,ბრემენელი მუსიკოსების“ შემოქმედებითი ჯგუფი შეხვდნენ. რამაზ იოსელიანმა პატარებს თეატრის „შიდა სამზარეულოს საიდუმლოებები“ გააცნო და არტისტების მუშაობის პროცესზე ესაუბრა. ბავშვები დაინტერესდნენ, თუ როგორ შეიქმნა „ბრემენელი მუსიკოსების“ სპექტაკლი. რეჟისორს ვახტანგ ნიკოლავას და მსახიობებს, ბევრი საინტერესო და დამაბნეველი კითხვები დაუსვეს. მსგავსი სახის შეხვედრები ფოთის თეატრში პერიოდულად იმართება. ორგანიზატორების განცხადებით, აღნიშნული აქტივობა მიზნად ისახავს, ბავშვების თეტრით დაინტერესებას, რომ პატარებმა სცენიდან გაიცნონ ის პერსონაჟები, რომლებსაც ინტერნეტით ან ტელევიზიით იცნობენ. შეხვედრის დასასრულს ბავშვებმა მსახობებს, „ბრემენელ მუსიკოსებზე“ მათ მიერ შექმნილი ფერადი ნახატები…

იხილე მეტი

ნიკო ნიკოლაძის თაოსნობით დაარსებულ, ფოთის მეორე საჯარო სკოლას 1990 წლიდან ქალბატონი მზია ბახტაძე ხელმძღვანელობს. ის დღეს იუბილარია, მას 70 წელი შეუსრულდა. მზია ბახტაძე ღირსების ორდენის კავალერი, ფოთის საპატიო მოქალაქე და არაერთი მნიშვნელოვანი ჯილდოს მფლობელია, თუმცა საკუთარ მიღწევებზე საუბარი არ უყვარს, რადგან თვლის, რომ ადამიანმა თავისი საქმე ჩუმად და უხმაუროდ უნდა აკეთოს. პროფესიით ქიმიკოსი, 40 წელზე მეტია მოსწავლეებს ამ მეცნიერებას ასწავლის. ამბობს, რომ გაკვეთილების ჩატარება და ბავშვებთან ურთიერთობა უდიდეს სიამოვნებას ანიჭებს.

იხილე მეტი

საარჩევნო სიების სრულყოფის მიზნით, იუსტიციის მინისტრის ინიციატივით, საქართველოს მოქალაქეებისთვის 1 აპრილიდან ამოქმედდა, ელექტრონული პირადობის მოწმობისა და საქართველოს მოქალაქის ბიომეტრიული პასპორტის უფასოდ გაცემის აქცია, რომელიც ერთი თვის განმავლობაში, 30 აპრილის ჩათვლით გაგრძელდება. აქციის ფარგლებში, დოკუმენტის მიღებისას, მოქალაქეები ასევე გათავისუფლდებიან ფოტოსურათის გადაღებისათვის დაწესებული საფასურის გადახდისგან. ბოლო აქციით, რომელიც 1 თებერვლიდან 1 მარტის ჩათვლით მიმდინარეობდა, 93 620-მა მოქალაქემ ისარგებლა და ძველი დოკუმენტი ახალი ელექტრონული მოწმობით შეცვალა. დღევანდელი მონაცემებით, აქტიურ, უვადო, ქაღალდის (ე.წ. ლამინირებულ) პირადობის მოწმობას 400 000-მდე მოქალაქე ფლობს.

იხილე მეტი

ფოთში, ფონდი „ქველმოქედი 2015″–ის ინიციატივით და „არტ–გალერეა 34–ის” მხარდაჭერით, ფრანგული ქარგვის ე.წ. კანვის, ხატვისა და ხელნაკეთი ნივთების შემსწავლელი უფასო სასწავლო ცენტრი ფუნქციონირებს. პროექტი სოციალურად დაუცველებისთვისაა გათვლილი, თუმცა ორგანიზატორების გადაწყვეტილებით, სასწავლო ცენტრს ნებისმიერ მსურველს შეუძლია მიმართოს, სადაც ვორქშოპებსა და მასტერკლასებს ოთხი მოხალისე პედაგოგი, სრულიად უანგაროდ ჩაუტარებს. საქველმოქმედო, სასწავლო ცენტრი, ერთი თვეა რაც გაიხსნა და მოსწავლეებმა ამ ხნის განმავლობაში საკმაოდ ორიგინალური ნამუშევრები შექმნეს. ამჯერად ისინი გამოფენა-გაყიდვისთვის ემზადებიან, რომელიც ბზობის დღესასწაულზე გაიმართება. აღსანიშნავია, რომ „ქველმოქედი 2015″–მა დაარსებიდან 10-ზე მეტი სოციალური პროექტი განახორციელა.

იხილე მეტი

“კურსორი”-ს სტუმარია ფოთის საგანმანათლებლო რესურსცენტრის უფროსი, გოჩა ქორქია. რესურსცენტრის უფროსმა, განათლების სისტემაში განხორციელებულ მნიშვნელოვან პროექტებზე ისაუბრა. ასევე განათლების, მეცნიერების სპორტის და კულტურის სამინისტროს მხრიდან გატარებულ საგანმანათლებლო რეფორმებზე გაამახვილა ყურადღება.

იხილე მეტი

ახალი საქართველოს უნივერსიტეტში, უნივერსიტეტის რექტორის, ფილოსოფიის დოქტორის, პროფესორის, ფოთისა და ხობის მიტროპოლიტ გრიგოლის საჯარო ლექცია გაიმართა. მოხსენების მთავარი თემა, რომელზეც მეუფე გრიგოლმა ისაუბრა იყო, „საქართველოს მართლმადიდებელი ეკლესია მეოცე და ოცდამეერთე XX და XXI საუკუნეების მიჯნაზე“. მან აღნიშნა, რომ ეს პერიოდი მართლმადიდებლური ეკლესიისათვის და სახელმწიფოებრივი ცხოვრებისათვის მნიშვნელოვანი სიახლეების ეპოქაა. უნივერსიტეტში განაცხადეს, რომ სამეცნიერო აქტივობებთან ერთად, რომელსაც მუდმივად ახორციელებენ, ამ ტიპის შეხვედრები აუცილებელია საზოგადოებრივი ცნობიერების ასამაღლებლად. შეხვედრა კითხვა-პასუხის რეჟიმში მიმდინარეობდა. საჯარო ლექციას ფოთისა და ხობის ეპარქიის სასულიერო პირები და უნივერსიტეტის წარმომადგენლები ესწრებოდნენ.

იხილე მეტი

ფონდი „ქველმოქმედი-2015“-ისა და სტუდია „ბუმის“ ერთობლივი პროექტის ფარგლებში, ფოთის ბავშვთა ცენტრის ბენეფიციარებმა სამეჯლისო-სპორტული ცეკვების ფესტივალზე მიიღეს მონაწილეობა და საპრიზო ადგილები დაიკავეს. ფესტივალი სახელწოდებით „საქართველოს თასი 2019” ზუგდიდში გაიმართა, სადაც საქართველოს თითქმის ყველა რეგიონიდან ჩამოსული მოცეკვავეები წარსდგნენ. აღსანიშნავია, რომ ბავშვთა დღის ცენტრის ბენეფიციარებმა, შარშან ბათუმში, სამეჯლისო ცეკვების ფესტივალზეც წარმატებას მიაღწიეს და პირველი, მეორე ადგილები დაიკავეს. ისინი სტუდია „ბუმში“ქალბატონ ნინო დოლიძეს ხელმძღვანელობით, დაახლოებით ერთი წელია, სრულიად უანგაროდ ეუფლებიან სამეჯლისო-სპორტული ცეკვების ხელოვნებას. პროეტის ხელმძღვანელების გადაწყვეტილებით, მსგავსი სახის აქტივობა ყოველწლიურ სახეს მიიღებს.

იხილე მეტი

ფოთში, მოსახლეობის დიდ ნაწილს მეორე დღეა სასმელი წყალი არ მიეწოდება. მიზეზად მშვიდობის ქუჩაზე 400 მილიმეტრიანი მაგისტრალური მილსადენის დაზიანება სახელდება. სარეაბილიტაციო სამუშაოებს, წყალმომარაგების კომპანიის, სამეგრელოს რეგიონული ფილიალის, საავარიო ჯგუფი ახორციელებს. კომპანიის მენეჯერის, ნუგზარ ფაცაციას განცხადებით, ცუდმა ამინდმა სამუშაოების გაჭიანურება გამოიწვია და ხელსიშემშლელი კლიმატური პირობების მიუხედავად, ჯგუფი ინტენსიურად ახორციელებს რეაბილიტაციის პროცესს. მისივე თქმით, წყლის მიწოდება დღის ბოლოს განახლდება. „ სარეაბილიტაციო სამუშაოები გრძელდება, როგორც წყალმომარაგების, ასევე წყალარინებისა და კანალიზაციის მიმართულებით. დაზიანებულია 400 მილიმეტრიანი მაგისტრალური მილსადენი, რომელიც ქალაქის ძირითადი მკვებავია. აღდგენით სამუშაოებში ჩართულია საავარიო ბრიგადა და დამხმარე სამსახურები. რომ არა კლიმატური პირობები და ცუდი…

იხილე მეტი

ფოთის, მე-2 საჯარო სკოლის დარბაზში სოციალურ – საგანმანათლებლო პროექტი „ეტალონის“ ზონალური ტური გაიმართა. ფოთის „ეტალონი მოსწავლის“ ტიტულის მოსაპოვებლად, შიდა სასკოლო ტურში გამარჯვებული 70 მოსწავლე იბრძოდა. ტურის დასასრულს, მედიაპროექტ ,,ეტალონის” ავტორმა და წამყვანმა, გოჩა ტყეშელაშვილმა საპრიზო ადგილის მფლობელებთან ერთად, ათეულში გასული მოსწავლეები დაასახელა. ზონალური ტურის მესამე ადგილი მე-2 საჯარო სკოლის მე-11 კლასის მოსწავლემ, მაგდა ლომაიამ დაისაკუთრა, მეორე ადგილი მე-6 საჯარო სკოლის მე-10 კლასის მოსწავლემ ანრი ტაკიძემ მოიპოვა, ხოლო „ეტალონი მოსწავლის“ ტიტულის მფლობელი შპს „გიმნაზიას“ მე-10 კლასელი ლუკა გოგმაჩაძე გახდა, რომელიც 15 ივნისს ინტელექტ – ჩემპიონატის ფინალში მიიღებს მონაწილეობას. ღონისძიების დასასრულს, გამარჯვებულებს…

იხილე მეტი

კომპანია „მეიჯორელი“ ოფისს, ქ. ქუთაისში ოფიციალურად გახსნის, რაც კომპანიისთვის საქართველოში რიგით მეორე ლოკაციაა. პირველი ოფისი სააგენტოს „აწარმოე საქართველოში“ ინვესტიციების დეპარტამენტის ხელშეწყობით, თბილისში 2016 წელს გაიხსნა, სადაც უკვე 600-ზე მეტი თანამშრომელია დასაქმებული. პირველ ეტაპზე ქუთაისის ფილიალში 100 კაცი დასაქმდება, ხოლო კომპანიის ოფიციალური პირები აცხადებენ, რომ წლის ბოლომდე 500-ზე მეტი სამუშაო ადგილი შეიქმნება. კომპანიის სამომავლო გეგმები სტრატეგიულად მნიშვნელოვანია საქართველოს ეკონომიკის ზრდისთვის. მაჟორელმა ქართული ბიზნესის განვითარებისთვის, საქართველოში რამდენიმე მილიონიანი ინვესტიცია განახორციელა.

იხილე მეტი