Category: სიახლე

ფოთში საკანალიზაციო სისტემის მშენებლობა დაიწყო. სამუშაოებს ტენდრეში გამარჯვებული ჰოლანდიური კომპანია TAHAL GROUP აწარმოებს. ხელშეკრულების მიხედვით, თანამედროვე სტანდარტების შესაბამისი წყალარინერის ქსელის მოწყობა მთელი ქალაქის მასშტაბით, სამ წელიწადში უნდა დასრულდეს. ამჯერად, გრუნტის გაუწყლოვნება და პირველი მილის დამონტაჟება ნაბადის უბანში,ჭავჭავაძის ქუჩაზე მიმდინარეობს. პროექტის მენეჯერის, მორის ტურისკის განცხადებით, მშენებლობაზე ჯერჯერობით 50 ადამიანია დასაქმებული, აქედან 35 სუბკონტრაქტორია, ხოლო დანარჩენი ადგილობრივი, რომელთა რიცხვი 100-მდე გაიზრდება. პროექტის ღირებულება 89 943 800 ლარს შეადგენს, მას აზიის განვითარების ბანკი აფინანსებს.

იხილე მეტი

ფოთში, ,,გაერთიანებული ოპოზიციის“ სამეგრელოს შტაბის ხელმძღვანელმა მურთაზ ზოდელავამ ბრიფინგი გამართა. მისი განცხადებით ფოთში გამოვლინდა ზუსტად იგივე დარღვევა, რაც გუშინ კრწანისის ოლქში დაფიქსირდა.კერძოდ, ზოდელავას მტკიცებით „ქართული ოცნების“ კოორდინატორის მხრიდან ადგილი ქონდა დალუქული საარჩევნო სიების გახსნის ფაქტს. ის საგამოძიებო უწყებებს აღნიშნულით დაინტერესებისკენ მოუწოდებს. მომხდათან დაკავშირრბით ფოთის 70-ე საოლქო საარჩევნო კომისიაში კომენტარს არ აკეთებენ. „ქართული ოცნების“ ადგილობრივ ორგანიზაციაში კი ზოდელავას ბრალდებას უსაფუძვლო უწოდეს. ,,აღნიშნულ ფურცელზე ინფორმაციაა ჩვენი წევრებისა და აქტივისტების შესახებ. ეს არაა საარჩევნო დოკუმენტი, არამედ სამუშაო სიაა.”- განაცხადა „ქართული ოცნების” შტაბის წევრმა, ნიკა კორშიამ.

იხილე მეტი

სურსათის ეროვნულ სააგენტოში აცხადებენ, რომ სხვა მავნებლებისგან განსხვავებით, აზიურ ფაროსანასთან ბრძოლა რთულია, რასაც მწერისთვის დამახასიათებელია რამდენიმე თვისება განაპირობებს.სურსათის ეროვნული სააგენტოს მცენარეთა დაცვის დეპარტამენტის უფროსი ნიკა მესხი ჩვენთან საუბრისას აზიური ფაროსანასთვის დამახასიათებელ აღნიშნულ თვისებებზე საუბრობს და აღნიშნავს, რომ უწყების მიზანი მიმდინარე და სამომავლო პერსპექტივაში მავნებლისგან მომდინარე ზიანის შემცირებაა. მესხი აღნიშნავს, რომ სახელმწიფო ღონისძიებების პარალელურად, სასურველი შედეგის მისაღებად, მოსახლეობის აქტიური ჩართულობაა საჭირო. მედიაპროდუქტი  მომზადებულია ,,ევროპის რეკონსტრუქციისა და განვითარების ბანკის“  EBRD-ის მხარდაჭერით ,,ერთად ვებრძოლოთ აზიურ ფაროსანას“ პროექტის ფარგლებში, რომელსაც ,,ჟურნალისტიკის რესურსცენტრი“ –  JRC პარტნიორ მედიასაშუალებებთან ერთად ახორციელებს. ის შესაძლოა არ წარმოადგენდეს EBRD-ის შეხედულებას.

იხილე მეტი

მოსავლის დაკრეფის და რეალიზების შემდეგ მეციტრუსე ფერმერები ახალი სეზონისთვის იწყებენ მზადებას. მანამდე კი სპეცილისტები 2018 წელს  აზიური ფაროსანს წინააღმდეგ ჩატარებულ ღონისძიებებს აფასებენ. აგრო სერვის ცენტრის დირექტორის მოადგილის თქმით, მავნებლის პოპულაციის შემცირების პროცესში მნიშვნელოვანი იყო სახელმწიფოს მიერ ჩატარებული წამლობები და „მოიზიდე და მოკალი“ სისტემების საშუალებით ბაღლინჯოს რაოდენობის მონიტორინგი. ლევან ბოლქვაძის განმარტებით, ამ ღონისძიებების შედეგად აჭარის რეგიონში აზიური ფაროსანას რაოდენობა და მისი ზიანი ციტრუზე შემცირებულია. მედიაპროდუქტი  მომზადებულია ,,ევროპის რეკონსტრუქციისა და განვითარების ბანკის“  EBRD-ის მხარდაჭერით ,,ერთად ვებრძოლოთ აზიურ ფაროსანას“ პროექტის ფარგლებში, რომელსაც ,,ჟურნალისტიკის რესურსცენტრი“ –  JRC პარტნიორ მედიასაშუალებებთან ერთად ახორციელებს. ის შესაძლოა არ…

იხილე მეტი

ეკონომიკისა და მდგრადი განვითარების სამინისტროს, ჰიდროგრაფიული სამსახურის სინოპტიკური სამმართველოს ინფორმაციით,ფოთისა და ყულევის სანაპიროზე უახლოეს დღეებში უნალექო ამინდი შენარჩუნდება. 10 ნოემბერს ჰაერის მაქსიმალური ტემპერატურა დღისით +18-20 გრადუსს მიაღწევს,ხოლო ღამით +8-10 გრადუსია მოსალოდნელი. 11 ნოემბერს დღისით+ 18-20 გრადუსი, ღამის საათებში კი + 9- 11გრადუსი დაფიქსირდება.

იხილე მეტი

8 ნოემბერს, ეროვნული პარკის საკონფერენციო დარბაზში ქ.ფოთის სამი ყველაზე აქტიური ეკო-კლუბი დამეგობრდა. შეხვედრაში N4 საჯარო, N11 საჯარო სკოლისა და წმინდა ნიკოლოზის გიმნაზის მოსწავლეებმა მიიღეს მონაწილეობა. თითოეულმა ეკო კლუბმა მათ მიერ განხორციელებული აქტივობების შესახებ მცირე პრეზენტაცია გააკეთა. ეროვნული პარკის წარმომადგენლებმა მოსწავლეებს სამომავლოდ დაგეგმილი ეკო აქტივობები გააცნეს და განიხილეს ეკო კლუბების ჩართულობა ამ აქტივობებში. საკონფერენციო დარბაზში მცირე პრეზენტაციების და იდეების გაცვლის შემდეგ მონაწილეები პალიასტომის ტბაზე ნავით გაასეირნეს. სადაც, ფრინველებზე დაკვირვება მოახდინეს. ეროვნული პარკის თანამშრომლებმა კი მოსწავლეებს ფრინველების აღრიცხვის მეთოდები გააცნეს. როგორც ხათუნა ქაცარავამ განმარტა, ეკო კლუბები სამომავლოდაც ითანამშრომლებენ  ეროვნული პარკის ადმინისტრაციასთან, ერთობლივად…

იხილე მეტი

საზოგადოებრივ კოლეჯ “ფაზისში” ღია კარის დღე გაიმართა, რომელიც 2018 წლის პროფესიული განათლების კვირეულის ფარგლებში ჩატარდა.ათასწლეულის გამოწვევის ფონდის წარმომადგენლები ადგილზე გაეცნენ თუ როგორ მიმდინარეობს მეთევზეობის მიმართულებით საგანმანათლებლო პროგრამა. მათ ულტრა თანამედროვე აპარატურით აჭურვილი თევზის გადამამუშავებელი სახელოსნო და ლაბორატორია დაათვალიერეს. როგორც ათასწლეულის გამოწვევის ფონდის ვიცე-პრეზიდენტმა ლონა სტოლმა „მე-9 ტალღასთან“ განაცხადა, კოლეჯი „ფაზისი“ შესანიშნავი მაგალითია იმისა, თუ როგორ ხდება საქართველოში განათლების სისტემის ტრანსფორმაცია, ახალ სტანდარტებზე გადასვლა და ინოვაციების დანერგვა.

იხილე მეტი

რა როლი აქვს ადგილობრივ თვითმართველობებს აზიური ფაროსანას წინააღმდეგ ბრძოლის და მოსახლეობის ინფორმირებულობის პროცესში? -სურსათის ეროვნული სააგენტოს გურიის რეგიონული სააგენტოს უფროსი ამბობს, რომ საკოორდინაციო შტაბიდან ადგილობრივი ხელისუფლება 24 საათით ადრე იღებდა წამლობის შესახებ ინფორმაციას და მოსახლეობამდე მისი მიტანა უკვე მათი ვალდებულება იყო. ნინო შეწირული განმრტავს, რომ ამ პროცესში ხარვეზები იყო, რაც 2018 წელს ადგილობრივი ხელისუფლების ცვლილებამ გამოიწვია. მართალია ეს ხარვეზები ეტაპობრივად სწორდებოდა, თუმცა საბოლოოდ გაფრთხილების მხრივ მოსახლეობის უკმაყოფილება მაინც გამოიწვია. სპეციალისტი ფიქრობს, რომ გამოცდილების გათვალისწინებით მომავალ წელს უკეთესი შედეგი იქნება.

იხილე მეტი

საქართველოში აზიური ფაროსანას გავრცელების არეალად სამეგრელო, გურია აჭარა, იმერეთი და აფხაზეთი მიიჩნევა, რაც შეეხება ჩვენი ქვეყნის აღმოსავლეთ ნაწილს, სურსათის ეროვნულ სააგენტოში ამბობენ, რომ აღნიშნულ პერიმეტრზე მავნებლის მხოლოდ ერთეული შემთხვევები ფიქსირდება, არ მომხდარა სასოფლო-სამეურნეო კულტურების დაზიანება და შესაბამისად, შეგვიძლია ვთქვათ, რომ მოცემული მომენტისთვის, აღმოსავლეთ საქართველოში აზიური ფაროსანას პრობლემა არ დგას. უწყების ინფორმაციით, მდგომარეობის მონიტორინგის მიზნით, ფერომონიანი დამჭერები აღმოსავლეთ საქართველოს სოფლებშიცაა განთავსებული და შედეგები შეშფოთების საფუძველს არ იძლევა.

იხილე მეტი

სესში ამბობენ, რომ თხილის კულტურისგან განსხვავებით, სიმინდს ძირითადი პრობლემა აზიურმა ფაროსანამ შეუქმნა, თუმცა ეს იქ, სადაც ფერმერებმა შეწამვლითი ღონისძიებები არ ჩაატარეს. სურსათის ეროვნული სააგენტოს მცენარეთა დაცვის დეპარტამენტის უფროსი ამბობს, რომ დიდ მასივებში, სადაც შეწამვლითი ღონისძიებები სააგენტოს ტექნიკით გამოყენებით ჩატარდა, ფერმერებმა მოსავალი დანაკარგის გარეშე აიღეს. ნიკა მესხის თქმით, ანალოგიურად მაღალი იყო მოსავალი მოსახლეობისთვის, რომლებმაც საკუთარ ნაკვეთებში სიმინდის კულტურის დაცვისთვის საჭირო ღონისძიებები ჩაატარეს.

იხილე მეტი