ფოთში კორონავისრუსის პირველი შემთხვევა დაფიქსირდა 15 04 20
ფოთში, კოვიდ 19-ის პირველი შემთხვევა დაფიქსირდა. ინფიცირებული მამაკაცი 70 წელსაა გადაცილებული. იგი ფოთელია და ქობულეთის ერთ- ერთი კლინიკაში ექიმად მუშაობს.
,,მამაკაცმა გუშინ მოგვმართა. იგი გუშინდელი დღიდან თვითიზოლაციაში იმყოფება. მისი ბიოლოგიური მასალა გავაგზავნეთ ლუგარის ლაბორატორიაში და სამწუხაროდ, კოვიდ 19 დაუდასტურდა. ახლა მისი ოჯახის წევრების ბიოლოგიური მასალა ავიღეთ და მათი პასუხები ხვალ გახდება ცნობილი. შემთხვევა ქობულეთის კლასტერს უკავშირდება.”- განაცხადა ფოთის საზოგადოებრივი ჯანდაცვის ცენტრია ხელმძღვანელმა, ნანა მხეიძემ.
